Eksodas 4:12 - Nobonob Baibel

¹² amunu, na ukke! Da geha na nai madikkutnu na oɗen ehanitten, nai amu ippunidppi, na nai amu oh madikkut,” awa aum.

Eksodas 4:12 ပူးပေါင်းရင်းမြစ်များ

Sam 105:26

Nug nuhig maɗi nid Moses me, Paro toppa teum. Ao, Nug Aron, Nug nug tituanom amu, Nug nug ele me teum.

Sam 143:10

Na am dahil Kayak amunu, na da nahip dabmak awak dim lamitten hekkulnu ippuniɗkkutnu oɗ medattem. Nahip Ouɗi, Nug am Ouɗi enaib amu, Nug anuqa ugakka, Nug da ib ena, tutukkuppa omaiɗkkunu unuqidttem.

Sam 32:9

Na hos, miul ele ag diignu doyak tutukku iitta ele, ag mamelagnu nai dooglagnu, ag muɗippa qakkaladna gokkulagnu ulum mattaegeg gotteb amu, na amubia aib heme.” Yawe Nug anam awa atte.

Eksodas 3:12

Amu Kayak Nug inam aum. “Da na ele daagnih. Amu geha na da, da na Israel ehanadkkutnu meitti gome ootppa genab dookkutnu at am, haen na Israel danab ah omaladppe, ag Isip uuglag, haen amuppa ag oh uɗin, ag qauko imuppa da noolppa dup nona binal mekkulag,” awa aum.

Eksodas 4:13

Yawe Nug anam aum, amge Moses nug eɗua amegppa aum. “O Naɗi, ⌊gadon, da elele iitta.⌋ Na danab laa appe gokkunu oɗ medattem,” awa aum.

Eksodas 4:15

Nug na anidkkunu uɗitte amu, ⌊nug uɗieb, uɗat imu, da na medattem ele amu, uɗat amu haknu haen beeb,⌋ na nug amegppa appe, nug am geha nai amu oh mehuqkku. Da am geha aa keeke aɗi mattiglahnu ippunatppi, aɗi keeke hekkulahnu ele ippunatppi, aa hekkulah.

Eksodas 4:16

Am inam bekku. Nug am geha na oɗen bia daakku. Da, Yawe, da nai na medattem, nai medakkul ele amu, na da abenal bia aona, na nug nai amu medakkut. Anam amu, nug na abenam awa, nug danab ah nai madakku.

Aisaia 49:2

Yawe Nug he, dahil nai am qep aeg elenab bia dayom; Nug keeke enanag laa danab eppegppa dayeye atognotte, Nug amubianab da atognoiɗom. Ao, Yawe Nug heiɗe, da lat doɗo aeg uɗat haknu babaittak daatte, da amubianab nuhig uɗat hekkulnu babaittak daaiyi, danab nug lat aeg nuhig abenppa ma atognotte bia, Nug da atognoiɗtte.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Jeremaia 1:9

Yawe Nug anam awowa, Nug eppeg bahia, da oɗel lauɗitta, Nug da amelppa aum. “Da dahil nai na oɗenppa aakku memi.

Namba 16:28

Aria, Israel laa ag Kora, Datan, amu Abiram ele dilagnu peh lag awaidna wana, laih piɗe daaegeg amu, Moses nug aum. “Ib imuppa da uɗat digdig hettem amu, ag Yawe Nug da meiɗe uɗien hettem, da dahil dabmakppa ii uɗien hettem dooglag.

Mak 13:11

Amu ag dahilnu Nai Ena mehuqkkulag amunu, ag aɗualadna hettoɗiakppa maadppeg, hettoɗiakppa mattiak haen ahilag ii nak, ag haen amuppa aɗi akkulagnu dabmak huan aib aoppig. Iitta. Haen amuppaib Kayak Nug nai akkulagnu ippuanatteb, ag nai amuib mehuqeg! Amuppa ag nai ii mehuqmana. Iitta. Kayak Ouɗi Nug nai mehuqkku.

Luk 11:1

Haen laa Jesus Nug aben laappa unuqittatta dayom. Unuqitta male, nuhig ippunittak awak danab laa amegppa aum. “Naɗi, Layattak Jon nug anukka nuhikkud ippunittak awak danab ippuanattom bia, na ig unuqidkkunignu ippunikke!” awa aum.

Jon 14:26

Amge ahilag Ehanittak, Kayak Ouɗi, da Mamel Nug da onilppa meeb uɗikku amu, Nug uɗia, keeke oh ippuanatta, da ag amelagppa aɗi ami amu Nug heeb, ag daulagppa dokku.

Epesus 6:19

Ag da ehaniɗkkulagnu ele amu, ag Kayak Nug nai mattiak haenppa da oɗelppa nai meeb, da madikkulnu, amu Nug heeb, da baɗak iitta dayen, Kayaknu Nai Ena, tatam lokkumak dayom amu, da madikkulnu unuqitteg!

Duteronomi 18:18

amunu da nai ag amelagppa akkulnu amu, da geha danab laa ag oolagppanu na bia epeɗidkkul. Da geha dahil nai propet amu medappi, nug ag amelagppa nai oh da nug madakkununab appi amu, nug tutukku ab dooglag.