Eksodas 38:24 - Nobonob Baibel

²⁴ Amu gol oh, danab ah ag mettid haknu peh lag haknu akkan uɗin, amuppa huma epponitta mettaknu ofa heppig amu, uug nuhig am 1,000 kilogram. Gol amunu uug am, mana mettak lagnu melemel bia dayom.

Eksodas 38:24 ပူးပေါင်းရင်းမြစ်များ

Eksodas 25:2

“Israel ag ofa laa ⌊dahil mettid haknu peh lag hekkulagnu⌋ da meɗaglagnu amelagppa appe doyeg! Am danab ah anen anen ag keeke da meɗaglagnu oolag hette amu, ag keeke amu na medappeg, na dahil gamag danab daanna, dahil keeke amu awe!

Eksodas 29:24

na amu oh Aron, nug bekkod ele eppelagppa meppe, geha ag da, Yawe, ag dahilnu huma epponitta mettaknu ofa heig!

Eksodas 30:24

amu 6 kilogram kalu ag ad kasia gaɗappa heppig, na amu oh awona, aria 4 lita olip goɗen ele aona, na keeke amu oh aon, meppe dayeg! Amu keeke amu ohnu uug am, mana mettak lagnu melemel bia dayaɗ!

Eksodas 35:22

Am danab ah ele oh, ag oolag heum ele amu, ag bala digdig iɗu iɗu ele akkan, aon uɗippig. Amuam pin momoppa maknu, eppelagppanu ring, ring daulagppanu, kalele baalagppanu, amu gol bala digdig laa ele. Am danab ah ag keeke amu aon uɗin, amuppa ag huma epponitta mettaknu ofa hena, Yawe medappig.

Lewitikas 27:25

Am mana mettak danab nug daden nob attem akkunu amu, nug men doɗo mana mettak lagnu melemel bia akkuoitte. Sekel laippu, aria gera 20 ele, aa oh ahilah uug am laippu.

Lewitikas 27:3

Am danab nug nuhig maɗ 20, ukka maɗ 60 ele gamagmag anam ele dayeb amu, ag 600 gram silwa da meɗaglagnu daatte. Silwa amunu uug am mana mettak lagnu melemel bia dayaɗ!

Lewitikas 5:15

“Aun nug Yawe ippunittomnu oo metta ii uuak kobol ii dim lamitta, nug ii doyaya ib apiɗitta, aɗi keeke laa, amu Yawenu tituanak daatte amu, nug Yawe medakkunu daatte ii medatte, nug hipunin aakku hette. Laa anam hekku amu, nug aakku hipunin heum daakku amunu, nug sipsip dawai laa eheɗ haknu ofa haknu awa, Yawe toppa wakkuoitte. Doɗ amu nug beɗuppa eheɗ laa iitta ele daakku, amu doɗ amu nug doɗ ena laa silwappa daden metteb, am nuhig noob am, amubia daakkuoitte. Silwa amunu uug am, mana mettak lagnu melemel bia dayaɗ! Amuam eheɗ haknu ofa aakku.

Hagai 2:8

Yawe Nukka Ɠagattag Oh Ele Nug atte. “Silwa oh am dahil, gol oh ele am dahil.

Namba 18:16

Ag tituanakppanu eɗua uhuqak amu hekkulagnu, haen nid ag kalam laippu aweb, ag uhuqak amu hekkulagnu, ag daden nob 55 gram silwa, ag amuppa uhuqadkkulag. Silwa amunu uug am, mana mettak lagnu melemel bia dayaɗ! Sekel laippu, aria gera 20 ele, aa oh ahilah uug am laippu.

Namba 3:47

na danab 273 amu anen anen dilagnu 55 gram silwa Israel danab eppelagppanu awe! Silwa amunu uug am, mana mettak lagnu melemel bia dayaɗ! Sekel laippu, aria gera 20 ele, aa oh ahilah uug am laippu.