Eksodas 36:4 - Nobonob Baibel

⁴ Ag anam heegeg, danab uɗatnu doyak okkainab ele ag mettid haknu peh lag henana, keeke huanak anam anidna, ag uɗat ag heppig amu ag uun,

Eksodas 36:4 ပူးပေါင်းရင်းမြစ်များ

2 Stori 24:13

Danab ag uɗat amu gumappig ele ag ahilag uɗat haknu yagbak doyeg, Kayaknu mettid lag babaittak uɗat amu elele ukkom. Ag lag tatam heeg dayom amu, ag amu dabmena, ag anam baula hekkulagnu heegeg ukke, tatam dayom bia daye, ag aben laa nakok gai-iitta dayom amu, ag ɠagattag qedappig.

Eksodas 36:3

Nug e, ag uɗieg, Moses nug danab ah keeke Yawe mettaglagnu, mettid haknu peh lag hekkulagnu aon uɗippig ele amu, nug keeke amu oh danab amu eppelagppa meum. Nug eppelagppa me, am Israel danab ah ag tuɗidna, deɗ oh buttua, ɗo hamu mettaknu ofa amu hena, akkan uɗin, Yawe medattappig.

Eksodas 36:5

ag uɗin, Moses amegppa inam appig. “Danab ah ag keeke kuɗumnab akkan uɗitteb. Keeke laala Yawe Nug ig lag imu hekkunignu amenigppa haknunab aum amu, ag elelenab akkan uɗippig. Am geha keeke kuɗum laala hamu daakku,” aon appig.

Matyu 24:45

Jesus Nug anam ana, Nug nai tuɗitta aum. “Maɗi nid laa doyak dabmak ena ele, nug oo metta ii uuak kobol haaha daatte amu, nuhig okkai nug maɗi nid amu nuhikkud maɗi nid laa gumattatta, haenppa ee madakkunu uɗat medakkunu elele.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

1 Korint 3:10

⌊Lag hak danab nug lag hekkunu dayeb amu, nug tatam lag ukku hette. Lag ukku amu danab ag lag amu qaɗeppa heppeg, ena daakku. Lag ukku am lag diig. Tamaniak diig am tamaniak ukku⌋ Aria Kayak ehaniɗe, lag hak danab nug lag ukku ena tutukkuib aɗatte, amubia da tamaniak tutukku enaib daakkunu, nuhig ukku daakkunu, ag amelagppa Jesusnu nai mehuqmi. Gemu laala ag danab laa uɗin lag ukku qaɗeppa lag hetteb, amubia da nai mattimi, nai amuppa ag uɗat tuɗidna hetteb. Amge laala, ag anam hetteb ele amu, ag dabmenan heig! Ag mauhnoak aib heppig.