Eksodas 36:3 - Nobonob Baibel

³ Nug e, ag uɗieg, Moses nug danab ah keeke Yawe mettaglagnu, mettid haknu peh lag hekkulagnu aon uɗippig ele amu, nug keeke amu oh danab amu eppelagppa meum. Nug eppelagppa me, am Israel danab ah ag tuɗidna, deɗ oh buttua, ɗo hamu mettaknu ofa amu hena, akkan uɗin, Yawe medattappig.

Eksodas 36:3 ပူးပေါင်းရင်းမြစ်များ

Sam 101:8

Deɗ anen anen oh, da laa ag ihinig wanppa nau hetteb ele, da ag mattialatte anatten, da heppi, ag nauhkkulag. Da ag hadappi nauhna, ag Yawenu aab okkaippa ii daamna.

Sam 5:3

O Yawe, da buttua unuqitti, na doottem. Ao, da buttua anen anen da oolppa aɗi keekenu na oɗ medakkulnu dabmettem ele amu, da na unuqidttem. Ge, da unuqittette, na da ehaniɗkkutnu ool maɗoɗ ele amen mein daattem.

Eksodas 35:27

Am ikki danab ag men oniks, amu men digdig, daden nob okkainab ele aon uɗippig. Ag men amuam lamen enanag-epodppa, amu momo tonaknu lamenppa ele qata-aqaknu, men amu aon uɗippig.

Eksodas 35:29

Am Israel danab ah, ag oolag heum ele amu, ag keeke amu oh ɗo hamu mettaknu ofa hena, aon uɗin, Yawe medappig. Yawe Nug Moses oɗeppa ag uɗat digdig hekkulagnu ag amelagppa aum amunu, ag uɗat amunu keeke amu oh aon uɗippig.

Eksodas 36:2

Moses nug danab ah amelagppa anam ana, amu dimppa nug Besalel Oholiap ele onilahppa ewa, nug danab laala ag uɗin, uɗat amu hekkulagnu oolag dayom, Yawe he, ag uɗat amu haknu doon autna aoppig ele amu, nug ag onilagppa ele eum.

Eksodas 36:4

Ag anam heegeg, danab uɗatnu doyak okkainab ele ag mettid haknu peh lag henana, keeke huanak anam anidna, ag uɗat ag heppig amu ag uun,

Prowerb 8:15

Da, Doyak Dabmak Ena Ele, da king ag dahil nai dootteb ele ehanatti, ag danab ah gumadtteb. Ao, gumak danab okkai ag dahil nai dootteb ele amu, ag nai doya mala hettoɗia epeɗia elele mettak dim lamittaknu ɗo metteb.

Aisaia 50:4

Naɗi Yawe Nug da oɗel ehanitte, da nai ena madikkulnu elele amunu, da nai enappa danab ah ag uug nau doon oitteb ele, da ag ehanadkkulnu elele daattem. Deɗ oh buttua Nug maɗeɗile, da ahattem. Nug da maɗeɗile ahai, Nug he, da daul hume, Nug aɗi atte amu, da dim lamidkkulnu dabmein aute awe daattem.

Jeremaia 21:12

Ge, ag Dawit buɗub, Yawe Nug ahilagnu inam atte. “Ag buttua haen oh ahan, nai doya mala hettoɗia epeɗia elele mettak kobol dim lamidnana, aun aɗi ag gai-iitta daan, danab ɠagattag eppelagppa daaeg, ag eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag amu ii hekkulag dayeb, ag eheɗ hekkulag, diig amunu dahil oppoɗi bak, aab ewak, danab qauhkkunu elele iitta bia daakku,” ’ awa atte.

Amos 4:5

Ag ena heme anaknu ofa hekkulagnu bret yis ele aon uɗin, maneg! Yo, ag akka ag ɗo hamu mettaknu ofa laala ele henan, danab ah laa amelagppa ag akka binalag mena, ag appeg doyeg! Ge, ag Israel danab ah, ag akka ag amunu binalag meig! Aɗinu? Ag amu hekkulagnu oolag huana daatte.” Naɗi Yawe Nug anam atte.