Eksodas 33:9 - Nobonob Baibel

⁹ Ag anttegeg, Moses nug lag ooppa no, aakku lombig teppu ele attan tak nug uɗia, peh lag amu od guguitta dayaya, od amu tone, Yawe Nug Moses amegppa nai mattiom.

Eksodas 33:9 ပူးပေါင်းရင်းမြစ်များ

Genesis 17:22

Aria, Kayak Abraham ele nai mattiya malaya amu, Kayak Nug uuitta, eɗua teum.

Genesis 18:33

Yawe anam ana mala amu, Nug ukkom. Abraham nug ele nug laugppa ukkom.

Sam 99:7

Nug lombig teppu ele attan takppa dayaya, ag amelagppa nai mattiom. Nug mattie, ag ɗo mak amu dim lamidppig. Ao, ag ɗo Nug ag mattom amu, ag amu dim lamidppig.

Eksodas 25:22

Ag amu oh heppeg amu, aria da Tituanak Nainu Kunup kontrak inak ele, da amu ameg attan, engel okkai-kerubim aɗit gamalahppa, da appa dayeye ⌊appi⌋, i oh qagmeɗa daagnih. I geha qagmeɗa, da ɗo nai dahil oh Israel dim lamidkkulagnu, da na amenppa mehuqkkul.

Eksodas 31:18

Yawe Nug Sinai qaukoppa Moses amegppa nai amu oh mattia malowa, Nug men maha aɗit ɗo nai yaak niitte, amuppa Nug eppeg doɗoppa nai amu yom amu, Nug Moses men aɗit amu mettom.

Eksodas 33:10

Anam hanhan beum, amu haen danab ah ag lombig teppu ele attan tak amu, ag oh peh lag odppa dayeye anidna amu, ag peh lag ahilag odppa hippaidna daanna, ag dup nona, Yawe binag meppig.

Eksodas 33:11

Ag anam heeg, Yawe Nug Moses amegppanab nai mattiom; danab layag amegppa nai maditte, anambia nug Moses amegppa nai mattiom. Yawe Nug nai amu mattia male, aria Moses nug eɗua, haen tutu dayaknu aab kalakppa gottom, amge Mosesnu maɗi nid, nid danab bau, Josua, Nan bekka, nug am lag ooppa daattom. Nug peh lag amu ii uuttom.

Eksodas 33:8

Amu haen Moses nug peh lagppa ukkom amu, danab oh ag ahan, ahilkad peh lag odppa hippaidna daanna, ag Moses nug ukka, peh lag amu ooppa noono anidppig.

Eksodas 34:3

Danab laa nug na ele aib bepiɗ; danab laa nug qauko imuppa nakok laa ba daakkunu, am ele aib. Danab oh amu honapib daaglag. Am sipsip, makau keeke, amu ele ag uɗin, qauko guguittak gikkiɗah keeke, ii lamana,” awa aum.

Eksodas 34:5

Moses nug te, Yawe Nug bud ooppa qaukoppa ne, Moses ele daayya, Nug onig, Yawe, Nug onig amu Moses amegppa aum.

Eksodas 34:9

Moses anam ha, nug aum. “O Naɗi, genab danab ah imu ag am oɗe dim lamidmananu dabmak ɠagattag eppak danab ah amunu, na dahilnu ena doottem dayeb, na Naɗi, na ig ele gokkunignu oɗ medattem. Na geha ihinig nau hak, ihinig hipunin ele oh uhuqna mekkan, na ig am danab ah nahipadnab tutukku anam awigkkutnu oɗ medattem,” awa aum.

Esekiel 3:22

Am da daamippa, appa Yawe Nug da nuhig uɗat hekkulnu aɗaila, Nug da amelppa aum. “Na ahan, aab dimittim uɗem naɗippa gona daappe, appa da na amenppa nai madikkul,” awa aum.

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Namba 7:89

Anam heppig dimppa, haen Moses nug mettid haknu peh lag danab ah appa qagmetteb ele, nug peh amu ooppa, Yawe ele nai mattiglahnu nottom amu, nug Yawe baag doottom. Amu Tituanak Nainu Kunup kontrak inak ele mettid haknu peh lag ooppa aben gunnab, appa dayom. Tituanak Nainu Kunup amunu ameg amu golppa hak, amu ameg amuam eheɗ haknu nob nau tiigppa iitta me elele medatte ippunadtte. Tituanak Nainu Kunup amu ameg noob laih laih amu, engel okkai-kerubim aɗit dottolah hippaidya daattep amu, Yawe Nug aa gamalahppa daatte. Am Yawe Nug Moses amegppa nai mattiom amu, Nug baag am engel aɗit amu gamalahppanu uɗiom. Ib amuppa Yawe Nug Moses amegppa nai mattiom.

Duteronomi 31:14

Aakku Yawe Nug Moses amegppa aum. “Na mauhkkutnu haen aakku doum. Na Josua appe uɗieb, na nug ele oh dahil mettid haknu peh lag danab ah appa qagmetteb ele, aa appa gumiɗya doya daapeɗ, da nug ehah medakkul,” awa aum. Yawe Nug anam aum amunu, Moses, Josua ele aa goya, mettid haknu peh lag, danab ah appa Nug noobppa qagmetteb ele, aa peh amu odppa, Yawe gumiɗya doya daapiɗ.

Duteronomi 31:15

Aa appa daaeheh, Yawe Nug lombig teppu ele attan tak, mettid haknu peh lag od attan dayom amu, Nug amuppa tula doum.