Eksodas 33:2 - Nobonob Baibel

² Ag gobeppeg amu, da geha engel laa meppi, nug ag noolag awa, anuqa gokku. Amu nug geha heeb, ag Israel ag ⌊wan amuppan danab,⌋ ag am Kanan danab, Amo danab, Hit danab, Peres danab, Hiwi danab, amu Jebus danab ele, ag ag lamadkkulag.

Eksodas 33:2 ပူးပေါင်းရင်းမြစ်များ

Genesis 15:21

Amo danab, Kanan danab, Girgas danab, Jebus danab ele ag wan imuppa daatteb,” awa aum.

Genesis 24:7

Yawe, Nug hab aabppa Kayak amu, Nug he, da appal diig, amu da mamelad ele uuadmi; Yawe Nugib da amelppa inam hekkunu nuhig nai ɠagattag qetta, inam aum. ‘Da na buɗunadppa wan imu oh madakkul.’ Nug anam aum amunu, Nug engel nuhig meeb, na noomppa anuqa ukka, keeke oh babaitteb, na Aisaknu ah laih uppanu aokkut.

1 Stori 1:14

Jebus danab, Amo danab, Girgas danab,

Eksodas 23:20

Doyeg! Engel laa nug ag dabmadakkunu, nug geha ag omalatteb gona, wan da ahilagnu bappaidmi ele, ag amuppa tekkulagnu, da engel amu mei, nug ibppa anuqa, ag noolag awa gotte.

Eksodas 3:17

Da kobol nau ag ahilagppa hetteb amu, da amu anidttem amunu, da imu genab hekkulnu nai ain qagattem. Da geha ag Israel, da ag Isip eppelagppanu diiatten, da ag omaladppi, ag gona, Kanan wan aon, ag appa daaglag. Gemu amu danab laala, ag am Kanan, Hit, Amo, Peres, Hiwi, amu Jebus danab ele amu, ag wan amuppa daatteb. Wan amuam enanag, wan ittag ele, amuppa ee meu huana otte,” ’ ” awa aum.

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Eksodas 32:34

Amu na gona, na danab ah diin, aben da na amenppa ami amu, na amuppa gokkut! Doye! Engel dahil nug geha ibppa ag noolag awa, anuqa omaladkku, amge dimppa bu mattak haen tutukkuppa beeb amu, da geha uɗie, da danab ah ag hipunin heppig ele am bu madakkul,” awa aum.

Eksodas 33:12

⌊Amge Moses nug qaukoppa dayeye, Yawe Nug Moses danab ah amu anuqa omalatta ukka, wan laappa tekkunu a⌋ amu, Moses nug Yawe amegppa aum. “Na da amelppa da danab ah imu anuqen omalatte, ahilag wanppa gokkulnu attem, amge na da aun nug da ehaniɗeb gokkunig amu, na amunu da amelppa ii ame. Na amunu ii ame, amge na, ‘Da na dooitte aute awe, am da nahipnu ena doottem,’ ame

Eksodas 34:11

⌊Nug tituana nai qakkak amuppa amu, da anam hekkul. Ag Israel amu, ag⌋ haknunab nai oh da gemu ag madakkulnu hettem amu, ag dimib lamitteg! Ag dim lamidppeg, da heppi, ag Israel ag Amo danab, Kanan danab, Hit danab, Peres danab, Hiwi danab, amu Jebus danab ele lamadkkulag.

Eksodas 34:24

Amu geha da heppi, ag Israel, ag danab ah huu laala, ag gemu wan da ag Israel madattemppa daatteb, ag ag lamadppeg, da wan amunu tom okkai ag Israel madakkul. Amu ag maɗ ohppa haen ewam, ag da Yawe, ahilag Kayak, ag da noolppa uɗiglag amu, haen amuppa da heppi, danab laa ag ahilag wan aoglagnu ii dabmemana.

Sekaraia 12:8

Yawe Nug Jerusalem danab ehanatteb, kekeɗ eɗaɗkkulag, deɗ amuppa amu Nug aun aɗi Jerusalem daatteb, Nug amu dilag guppiɗ daakku. Nug ehanatteb, aun laa nug ɠagattag iittanab ele ag oolagppa daatteb, ag ɠagattag ahilag am Dawitnu bia oiglag. Amu Dawit buɗub ag Jerusalem danab ah gumadkkulag. Ahilag gumak, amuam tatam Yawenu engel laa ag omalatta gumattom, ag amubia gumadkkulag; Kayak gumadtte bia daakku.

Duteronomi 7:22

Yawe, ahilag Kayak, Nug geha heeb, ag Israel, ag wan anen anennu dilag danab ah hubhub lamadkkulag. Ag haen laippuppaib heppeg, ii iitta memana. Ag anam hekkulag dayeb amu, geha doɗ dakkuɗ ag laippun appatna, kuɗum bekkulag.

Josua 24:11

Da anam hei, ag Jodan le mataɗna, Jeriko waeg, Jeriko danab ahaeg, ag ele ban heppig. Danab ameg kuɗum laala ele, ag ele ban heppig. Danab amu ag am, Amo danab, Peres danab, Kanan danab, Hit danab, Girgas danab, Hiwi danab, amu Jebus danab ele. Amge da hei, laa amu ag eɗadkkulagnu elele iitta daaeg, da ag eppelagppa maadmi.

Josua 3:10

Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

Ikki Danab 6:9

Da hei, ag Isip eppelagppa ii daan, ag danab oh ag eheɗ hadappig ele, ag ag eppelagppa ele ii daappig. Da hei, ag Israel, ag wan imuppan danab lamatteg, da ahilag wan ag mattami.