Eksodas 32:8 - Nobonob Baibel

⁸ Ag haen elab iitta, pahanab da aɗi hekkulagnunab amelagppa ami amu, ag uuna, golppa makau gaiɗ dottog hewona, ag nug noobppa dup nona binag menana, doɗ main, nug mettana, ag atteb. ‘Doyeg! Imu nug ig Israel, ihinig kayak. Nug ig Isipnu aikka, omaikka uɗiom,’ aon appig.” Yawe nug Moses amegppa anam aum.

Eksodas 32:8 ပူးပေါင်းရင်းမြစ်များ

1 King 12:28

King Jeroboam nug anam dabmewowa, nug nuhig dabmak amunu nug nuhikkud doyak danab oɗ maatte, ag ahilag ulum nai aeg doyowa, nug golppa makau gaiɗ aɗit dottolah haatowa, nug nuhikkud danab ah amelagppa inam aum. “Ag haen oh Yawe noobppa dup nona binag mekkulagnu Jerusalem gotteb amu, ag uɗat okkai hetteb. Amge gemu ag baula appa ii gomana. Antteg! Imu am, ag Israel, ag ahilag kayak. Aa ag Isipnu diiya, omaladya uɗipiɗ. ⌊Amunu kayak aɗit imu ag noolahppa dup nona binalah meig!⌋” awa aum.

Nehemaia 9:18

Ig mamenkad aɗi ag heeg, Aron nug makau gaiɗ dottog ha, ag amelagppa, ‘Imuam ahilag kayak, nug ag ehanatte, ag Isip uun uɗippig,’ a, ag oh anam dabmeppig, amge haen amuppa ele na ag ii uuadme. O ag dabittak nai nau laala ele madippig haenppa amu, na haen amuppa ele ii uuadme.

Sam 106:19

Israel danab ah ag Horep qaukoppa makau gaiɗ dottog heppig. Ag golppa dottog heppig amu, nuhignu dup nona binag meppig.

Sam 78:36

Anam, amge nakok dimppa ag Nug amegppa nai genab iitta appig. Ao, ag nai hambuppuak Kayak amegppa appig.

Eksodas 20:23

Ag kayak hambuppuak dottolkad aib hoiyadna, ag da noolppa dup nona, da binal menana, kayak amu ele noolagppa dup nona, aib binalag meppig; ag daib noolppa dup nona, da binal mekkulag. Ag kayak hambuppuak noolagppa dup nona binalag mekkulagnu, ag dottolkad golppa, o silwappa ele aib heppig,’ ” awa aum.

Eksodas 22:20

Da am Yawe, amu ag doɗ main, daib meɗeg! Danab laa nug doɗ laa mana, kayak hambuppuak laa medakku dayeb, ag heppeg, danab amu nug dahilnuib, dahil pelemppa dayaɗ!

Eksodas 32:4

Ag akkan, aon uɗieg amu, nug daulkadppanu gol bala amu awa, aabppa mane ewa, le me, nug makau gaiɗ dottog laa babaittom ele amu, aguppa gokkaɗeg no, nug makau gaiɗ dottog golppa aakku ha mala, babaittak uɗat aakku siselppa heum. Nug anam he, Israel danab ah ag anidna appig. “Doyeg! Imuam kayak ihinig. Nug ig Isipnu aikka, nug ig omaikka uɗiom,” aon appig.

Eksodas 34:15

Amge ag tutukku dabmeig! Ag danab ah wan ag gemu gona aoglagnu hetteb, ag aguppa daatteb amu, ag Israel, ag danab ah amu ele aib nug tituanppig! Danab ah amu ag kayak hambuppuak noolagppa dup nona binalag metteb amunu, ag danab amu ele nug tituankkulag dayeb, haen danab amu ag ahilkad kayak hambuppuak noolagppa dup nona binalag menana, ag doɗ ele main ag mattaglag, kobol amuam dahil neekkakppa gappai aɗa oiyak kobol bia daatte amu, ag amu henana, haen amuppa ag Israel, ag ag ele oh laippu qagmena, geha ag doɗ main, kayak hambuppuak mettaglag, amu ag oh teppu amu lakkulagnu appeg, ag gona, ag ele teppu amu lakkulag. ⌊Amu amuppa ag kayak hambuppuak noolagppa dup nona binalag mekkulag amunu, ag aibnab ag ele nug tituanak heppig.⌋

Aisaia 46:6

⌊Amge amubia hekkulagnu⌋ laa ag ahilag bek battamppanu gol gokkaɗeg no, ag silwa skelppa tituanna meeg daatte. Dayeye amu, ag keeke golppa hak danab nug gol, silwa ele amuppa kayak hambuppuak dottog hekkunu men doɗo mettaeg hette. Nug ha male, ag dottog amu noobppa dup nona binag metteb.

Jeremaia 31:32

Nug tituana nai qakkak bau amu, da tatam ag mamelkad aɗi anukka haen da eppelag aɗen omalatti, Isip wan uun, ahan goppig ele, haen amuppa da ag ele nug tituanta nai qakkamut, am amubia iitta. Haen amuppa amu, da danab nug ah nuhig atognotte, amubia da ag gumadmi, amge ag nug tituana nai qakkak amu tippalppig,” awa atte.

Lewitikas 17:7

Am danab ah ag aben laih laih ouɗi nau dilagnu mana mettak hena, ag noolagppa dup nona binalag metteb amu, ag mana mettak hak amu uuglagoitte. Ɗo imu buɗub buɗub doobob, ahilagnu hanhan daakkunu daatte,’ ” awa aum.

Duteronomi 32:17

Ag doɗ manadna, ouɗi nau madappig; ouɗi nau amu ag kayak iitta. Ag doɗ manadna, kayak ag ii doyadppig madappig. Kayak amu ag gemuib doyadppig, anukka ag kayak amu ii doyadppig. Kayak amuam ag mamelkad aɗi ii doyadppig.

Duteronomi 9:12

Yawe Nug meɗowa, Nug da amelppa aum. “Na pahanab no! Aɗinu? Danab ah na Isipnu omaladna uɗime ele, ag aakku kobol diig ena iitta uɗig wak ele digmen heppig. Ag paha nai haknunab anak da ag mattami ele tappaeg neum. Ag aakku golppa keeke dottog hena, ⌊amu noobppa dup nona binag metteb,⌋” awa aum.

Duteronomi 9:16

Da qaukoppanu nein, honap appa haen da neegmi amu, da golppa makau gaiɗ dottog heppig am anidmi. Ag hipunin nau Yawe, ahilag Kayak, ag nuhigppa heppig anidmi. Ag pahanab, ib, Yawe Nug ag dim lamidkkulagnu haknunab aum amu dimedappig!

Josua 22:15

Ag gona, Gileat wanppa tena amu, ag Israel dilag huu okkai Ruben, Gad, amu Israel dilag huu okkai Manase mahaib ele, ag amu amelagppa appig.

Ikki Danab 2:17

Yawe anam heum, me Israel ag daulag human, ahilkad epeɗiak danab dilag nai ii dooppig. Iitta. Ag kayak laala noolagppa dup nona binalag meppig. Ag pahanab ag mamelkad aɗi dilag ib apiɗidna, laih goppig. Ag mamelkad aɗi amu, ag Yawenu haknunab anak dim lamidttappig, amge ag dimulkadppan, ag anam ii heppig.

Ikki Danab 8:24

Da ag ii gumadpa, amge da keeke laippunu laa ool daye, da amunu ag oɗ madattem. Ag anen anen oh ag, da daulagppan bid, ag ban henan, kekeɗ eɗadna, ahilagppanu diippig, ag amu meɗaglagnu oɗ madattem,” amelagppa aum. Aɗinu nug anam aum? Ahilag kekeɗ amu Ismael danab amunu, ag ahilag kobolppa ag daulagppan bid golppa hak daulagppa meppig.