Eksodas 32:6 - Nobonob Baibel

⁶ Nug anam a, wagɗe deɗ amuppa amu, danab ah ag manaknu ofanu doɗ manadna, ⌊dottog amu⌋ mettona, ag laippu dayaknu ofanu doɗ ele manadna ⌊dottog amu⌋ medappig. Danab ah ag ofa amu mettona, ag ee, le ele lawona, ag ahan gona, ahi uɗa nak ele goɗappig.

Eksodas 32:6 ပူးပေါင်းရင်းမြစ်များ

Eksodas 32:5

Ag anam aeg, haen Aron nug aɗi heegeg antta amu, nug qaɗab laa makau gaiɗ dottog noobppa qewowa, nug aum. “Butti ig Yawe dabmettata, qagmak gamag ahak ele hekkunig,” awa aum.

Amos 2:8

Ag laa dilag lamen, lamen amuam keeke lonnu onig awak daatte, ag tueb eɗun, mameg mettalob amu, ag lamen amuppa niitteb. Ag ahilkad kayak hambuppuak binalag menana, ahilkad qaɗab oh daugppa amu hetteb. Ao, ag danab hettoɗiakppa mena, ag eppelagppanu men doɗo aon, ag men doɗo amuppa wain aon, ag ahilkad kayak hambuppuak laulkadppa wain amu latteb.

Amos 8:10

Ag gemu hobul dayaknu gamag ahak dootteb, amge haen amuppa da heppi, ahilag hobul dayak haen anen anen am gamag ahak haen ii daamna. Iitta! Mahiak haen daaglag. Ao, gemu ag ahi edatteb, amge haen amuppa da heppi, ag ahi ii ettamna. Iitta. Ag gayakib gaaglag. Haen amuppa da heppi, ag oh oolagppa uug nau doon, lamen heɗiag ele takkan, ag ikkilkad uɗug hoiglag. Yo, da heppi, haen amuppa ag nid danab laippuib mauhe, anig mameg mahittep bia mahiglag. Ge, haen amu gogppa tak, amuam deɗ nau ninig ele daatte bia daakku,” awa atte.

Namba 25:2

Moap ah ag Israel danab ele niiona amu, ag danab amu gona, ag kayak hambuppuak ahilkadnu mana mettak hekkulagppa oh daaglagnu appig. Moap ah ag anam aeg, Israel danab ah kuɗum ag ele oh gona, ag appa ee lanana, kayak hambuppuak amu noolagppa dup nona binalag meppig.

1 Korint 10:7

Israel oolagppan danab laala heppig bia, ag kayak hambuppuak aib dim lamidppig. Kayak naippa, nai amunu inam daatte. “Danab ah ag ee, le ele lawona, ag ahan gona, ahi uɗa nak ele goɗappig.”

Revelesen 11:10

Danab wanppa daatteb ele amu, ag aa mauhpiɗnu, “Ena,” ana, ag oolag gamag ahebeb, ɗo hamu nug mettaglag. Aɗinu? Propet aɗit aa danab ah wanppa daatteb ele ⌊ag oolag eɗukkunu ahilah naippa, ahilah hakppa ele⌋ guittak okkai madapiɗ.