Eksodas 32:4 - Nobonob Baibel

⁴ Ag akkan, aon uɗieg amu, nug daulkadppanu gol bala amu awa, aabppa mane ewa, le me, nug makau gaiɗ dottog laa babaittom ele amu, aguppa gokkaɗeg no, nug makau gaiɗ dottog golppa aakku ha mala, babaittak uɗat aakku siselppa heum. Nug anam he, Israel danab ah ag anidna appig. “Doyeg! Imuam kayak ihinig. Nug ig Isipnu aikka, nug ig omaikka uɗiom,” aon appig.

Eksodas 32:4 ပူးပေါင်းရင်းမြစ်များ

1 King 12:28

King Jeroboam nug anam dabmewowa, nug nuhig dabmak amunu nug nuhikkud doyak danab oɗ maatte, ag ahilag ulum nai aeg doyowa, nug golppa makau gaiɗ aɗit dottolah haatowa, nug nuhikkud danab ah amelagppa inam aum. “Ag haen oh Yawe noobppa dup nona binag mekkulagnu Jerusalem gotteb amu, ag uɗat okkai hetteb. Amge gemu ag baula appa ii gomana. Antteg! Imu am, ag Israel, ag ahilag kayak. Aa ag Isipnu diiya, omaladya uɗipiɗ. ⌊Amunu kayak aɗit imu ag noolahppa dup nona binalah meig!⌋” awa aum.

1 King 12:32

Jeroboam nug ele qagmak gamag ahak elenu deɗ laa tituanom. Nug kalam ebqak eblaih ewam ele, kalam amunu deɗ 15ppa, nug qagmak gamag ahak ele amunu deɗ tituanom. Amuam Juda dilag qagmak gamag ahak elenu deɗ, amubia. Deɗ amu haenppa king nug Betel appa qaɗabppa mana mettak heum. Mana mettak amuam nug Betel appa heum, amge nug makau gaiɗ aɗit golppa hak oh dilahnu doɗ manatta matattom. Nug Betel appa mana mettak amu ha, nug mana mettak danab ag kayak hambuppuak dilag mettid lag nakok, nug babaittom ele, ag amu gumadkkulagnu appa ele baɗ mattom.

2 King 10:20

Jehu anam ana, nug aum. “Ag Bal binag maknu deɗ laa tituaneg!” awa aum. Nug anam awa a, aakku ag qagmak amu hekkulagnu deɗ meppig.

2 King 10:29

Jehu anam heum, amge nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug hipunin amu hekkunu ii uua, di-ii-mettom. Hipunin amuam makau gaiɗ aɗit golppa hak noolahppa dup noa binag mak. Makau dottog amu laa Betel daye, laa Dan dayom.

2 Stori 11:15

Jeroboam nug danab laa ag mana mettak danab daaglagnu tituanattom. Israel ooppa kayak hambuppuak dilag mettid lag nakok daappig, aben laalappa nug makau gaiɗ dottog, meeme dottog ele qappalattom amu, amuppa ag mana mettak uɗat hekkulagnu maattom.

2 Stori 13:8

Anam amu, gemu ag Yawenu wan, Dawit buɗub gumatte ele, ag wan amu ele ban hekkulagnu dabmetteb. Am genab, ag daup huanak daatteb, amu ag makau gaiɗ dottolah golppa hak, Jeroboam ahilag kayak daaglahnu heum ele amu, ag amu ele.

Nehemaia 9:18

Ig mamenkad aɗi ag heeg, Aron nug makau gaiɗ dottog ha, ag amelagppa, ‘Imuam ahilag kayak, nug ag ehanatte, ag Isip uun uɗippig,’ a, ag oh anam dabmeppig, amge haen amuppa ele na ag ii uuadme. O ag dabittak nai nau laala ele madippig haenppa amu, na haen amuppa ele ii uuadme.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 20:23

Ag kayak hambuppuak dottolkad aib hoiyadna, ag da noolppa dup nona, da binal menana, kayak amu ele noolagppa dup nona, aib binalag meppig; ag daib noolppa dup nona, da binal mekkulag. Ag kayak hambuppuak noolagppa dup nona binalag mekkulagnu, ag dottolkad golppa, o silwappa ele aib heppig,’ ” awa aum.

Eksodas 20:4

Na habppan keeke laa, o wanppan keeke laa, o le ooppan keeke laa anidna, na amu dottog laa da abenalppa mekkutnu aib hoime.

Eksodas 28:11

Na danab laa nug men daden nob okkainab eleppa nai otaɗak haknu doyak okkainab ele, ag nug uɗat amu medappeg, nug Israel bekkod onilag men aɗit amuppa otaɗeb, aria ag gol aon, aɗalataknu bala enanag nakok aɗit laa hena, ag men aɗit amu maatppeg dayeɗ!

Eksodas 28:9

Aria, ag men oniks aɗit diiatna, ag Israel bekkod 12 onilag amuppa otaɗppeg dayaɗ!

Eksodas 32:1

Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.

Eksodas 32:24

Ag anam aeg, da doyen, da danab ah amelagppa ag ahilag gol bala uhuqadkklagnu ai, ag bala gol ele amu uhuqadna meɗappig. Ag da meɗaeg, da aab aɗuppa maoi ta, makau gaiɗ aakku nukka hamu beum,” awa aum.

Eksodas 32:3

Aron nug anam awa a amu, aria danab ah ag gol bala daulkadppanu uhuqadna akkan, Aron gumidna uɗippig.

Eksodas 32:35

Aron makau gaiɗ dottog golppa he, ⌊nug, danab ah ele ag hipunin heppig⌋ amunu, ⌊haen tutukkuppa amu,⌋ Yawe Nug he, oɗe nau danab kuɗum aqe mauhtteb ele laa ag aqom.

Eksodas 32:5

Ag anam aeg, haen Aron nug aɗi heegeg antta amu, nug qaɗab laa makau gaiɗ dottog noobppa qewowa, nug aum. “Butti ig Yawe dabmettata, qagmak gamag ahak ele hekkunig,” awa aum.

Eksodas 32:7

Ag amu heegeg amu, Yawe Nug Moses amegppa aum. “Na paha no! Aɗinu? Danab ah nahipad, na ag Isipnu diin uɗime ele amu, ag kobol ena iitta uɗig wak ele hena, da dimeɗappig.

Eksodas 32:8

Ag haen elab iitta, pahanab da aɗi hekkulagnunab amelagppa ami amu, ag uuna, golppa makau gaiɗ dottog hewona, ag nug noobppa dup nona binag menana, doɗ main, nug mettana, ag atteb. ‘Doyeg! Imu nug ig Israel, ihinig kayak. Nug ig Isipnu aikka, omaikka uɗiom,’ aon appig.” Yawe nug Moses amegppa anam aum.

Aisaia 30:22

Amu haen amuppa ag ahilkad kayak hambuppuak dottolkad silwappa hak, golppa hak ele, ag dottolkad amu heppeg nauhppeg, ag dottolkad amunu kinipan nau, beɗak doon, baula anidmananu ag agappeg gokkulag.

Aisaia 46:6

⌊Amge amubia hekkulagnu⌋ laa ag ahilag bek battamppanu gol gokkaɗeg no, ag silwa skelppa tituanna meeg daatte. Dayeye amu, ag keeke golppa hak danab nug gol, silwa ele amuppa kayak hambuppuak dottog hekkunu men doɗo mettaeg hette. Nug ha male, ag dottog amu noobppa dup nona binag metteb.

Esekiel 23:8

Nug Isip appa ah makkun dayaya, nug digma ib baag ah dayaya he, danab digdig ele niippig. Haen amuppa nug Isip appa kobol amu digmeum amu, nug kobol amu ii uuom. Iitta. Nug haahaib dayom. Nug Isip appa ah makkun daya, anam heehe, danab ag ahilag kobol nug beɗuppa henana, ag nug ele niiglagnu oo hak nau doyegeg, ag amu dim lamidna, nug ele aakku niippig.

Hosea 10:5

Am danab ah Samaria daatteb ele ag kekeɗ uɗin, makau gaiɗ dottog golppa hak, Bet Awen appa daatte amu, ag uɗin, dottog amu ahilag wanppanu aon gomananu baɗan daatteb. Amge kekeɗ ag uɗin anam hekkulag amunu, kayak hambuppuak amu dilag mana mettak danab, danab ah laa ag dottog amu dim lamidtteb ele, ag geha nuhignu oolag dookku. Ge, danab ah oh ag dottog amu, nuhig neekkak enanagnab ele, ag amunu gamag ahak okkai dooppig, gemu ele hetteb amu, haen kekeɗ ag appalagppa maon gobeppeg, ag diig amunu geha oo doyak aoglag.

Hosea 13:2

Gemu amu, ag tuɗidna, hipunin henan henan daatteb; ag kayak hambuppuak dottolkad danab ah ag amu noolagppa dup nona binalag mekkulagnu silwa ahilagppa hetteb. Ag dottolag amu eppelagppa kobol kobol ele hattana autna aotteb. Ao, danab uɗat amu haknu doyak okkai ele, ag dottolkad amu oh hetteb. Am danab ah laala ag Israel danab ah dilag atteb. “Ag nid naunau ahilkad manan, kayak hambuppuak mattanna; ag makau gaiɗ dottolkad eppelagppa hadappig, ag ag ootuqadtteb,” aon atteb.

Aposel 17:29

Aria, ig Kayak bekkod daattem amunu, ig ihinig dabmakppa, ‘Danab ag gol, silwa, men ele aona, ahilag dabmakppa ag eppelagppa dottog hetteb, amu Kayak Nug keeke amubia daatte,’ aib doomut.

Aposel 7:41

Aria ag anam ana, haen amuppa ag makau gaiɗ dottog laa hena, ag doɗ main kayak hambuppuak amu mettanna, ag eppelagppa keeke heppig ele, ag amunu gamalag ahe, nuhig hobul okkai heppig.

1 Korint 10:7

Israel oolagppan danab laala heppig bia, ag kayak hambuppuak aib dim lamidppig. Kayak naippa, nai amunu inam daatte. “Danab ah ag ee, le ele lawona, ag ahan gona, ahi uɗa nak ele goɗappig.”

Duteronomi 9:16

Da qaukoppanu nein, honap appa haen da neegmi amu, da golppa makau gaiɗ dottog heppig am anidmi. Ag hipunin nau Yawe, ahilag Kayak, ag nuhigppa heppig anidmi. Ag pahanab, ib, Yawe Nug ag dim lamidkkulagnu haknunab aum amu dimedappig!

Ikki Danab 8:24

Da ag ii gumadpa, amge da keeke laippunu laa ool daye, da amunu ag oɗ madattem. Ag anen anen oh ag, da daulagppan bid, ag ban henan, kekeɗ eɗadna, ahilagppanu diippig, ag amu meɗaglagnu oɗ madattem,” amelagppa aum. Aɗinu nug anam aum? Ahilag kekeɗ amu Ismael danab amunu, ag ahilag kobolppa ag daulagppan bid golppa hak daulagppa meppig.

Ikki Danab 8:27

Amu Gideon nug amu oh awa, nug gol amuppa nug lamen enanag-epod laa ha, bala metta, nug amu nug appag Opra, appa meum. Amge haen elab iitta, Israel ag Kayak ag Nug noobppa dup nona binag mekkulagnu ib ippuanattom dimettanna, ag lamen enanag-epod amu noobppa dup nona binag meppig. Keeke amuam Gideon, amu nuhigppan ele, ahilagppa pelem nau laa dayom.