Eksodas 32:30 - Nobonob Baibel

³⁰ Amu oh ba ukke, wagɗe deɗ amuppa Moses nug danab ah amelagppa aum. “Hipunin ag heppig am naunab, amge da geha qauko attan eɗue tein, da Yawe gumitte ukken, ag ahilag eheɗ haknu nob nau doɗ tiigppa iitta meeb elele medakkunu, da Nug oɗ medappi, Nug, ‘Yo,’ akkutai,” awa aum.

Eksodas 32:30 ပူးပေါင်းရင်းမြစ်များ

2 Samuel 12:9

Amunu aɗinu na da Yawe, na dahil nainu ena iinab doon, eheɗ nau amu heme? Na hee, kekeɗ ag Hit danab Uraia qep elabppa qeeg mauhom. Ao, ag nug qeeg mauhe, na nug wau, nahip ah daakkunu aome. Ge, na hee, Amon danab ag qep elabppa Uraia qeeg mauhom.

2 Samuel 16:12

Nug anam heebeb, Yawe Nug uug nau dahilppa gemu beum antta, Nug nai nau danab imu dahilnu maditte ele dabmaama, eɗua ehaniɗa heeb, da ena daakkultai,” awa aum.

2 King 17:21

Anukka Israel, Juda ele oh aa King Dawit, nug buɗub ele waappa daappig. Amge dimppa Yawe Nug he, Israel buɗub ag oppatna, huu laa gemu ahilagnu ag “Israel” atteb amu, huu amu ag Juda buɗub uuadna, laih daanna, aria Israel ag ahan, Nebat bekka Jeroboam aon, ahilag king otieg, nug ahilag king beum. Amge Jeroboam nug ag eeɗatte, ag Yawe uun, ag hipunin okkai okkai aakku heppig.

Sam 99:6

Moses, Aron ele aa mana mettak danab nuhikkud oolagppa daapiɗ. Samuel nug laa ag Nug onig diiom ele amu, nug ag oolagppa dayom. Ag Yawe ehanadkkunu gaaeg, Nug ag oɗelagppa awom.

Eksodas 32:29

Ag anam heeg amu, Moses nug Lewi buɗub amelagppa inam aum. “Ag gemu ag bekkalkad, awalkad, amalkad aɗi eheɗ heppig ele, ag ag aqaeg mauhppig. Ag amu aqaglagnu ii uuppig amunu, ag Yawenu daaglagnu tituana mettak daatteb. Nug gemu ag itattom,” awa aum.

Amos 5:15

Ag kobol enanu amu, ag oo mauhak doon, ag kobol naunu, ag nau ninig ele doyeg! Ag hettoɗiakppa nai doya mala hettoɗia epeɗia elele mettak kobol ele dim lamitteg! Ag anam hebeppeg amu, Yawe Kayak Nukka Ɠagattag Oh Ele, Nug geha ag Israel danab ah, oɗo yaak daaglag, Nug ahilagnu oo gai-iitta doya oo matta ehanadkkutai.

Jona 3:9

Ig anam hepput, Kayak anikka, ihinignu oo bodoetta le meeb, ihinignu oo nauhak huanak uukkutai. Ig iitai mauhmata,” awa aum.

Namba 16:47

Moses anam haknu aum amunu, Aron nug Moses aum bia heum. Nug bras tappiɗ nuhig awa, pahanab danab ah daappig oolagppa ukkom. Oɗe nau danab kuɗum aqe mauhtteb ele amu, matu danab ah dilagppa digmeum, amge Aron nug danab ah bau daappig, amu mauhppig ele, amu oolagppa hibaitta dayaya, nug kalu danab ile muttuɗig enanag bette ele amu mana, amuppa nug danab ah dilag eheɗ haknu noob nau iitta meeb elele medakkunu heum, amu oɗe nau danab kuɗum aqe mauhtteb ele, amu ele aakku iitta meum.

Namba 25:13

amu tituanak amuam iikku. Nug danab ah ag da, Kayak, da diilnu eheɗ doomnanu yag-nab-bak doya heum amu, nug anam heumppa nug Israel danab ah dilag eheɗ haknu nob nau iitta mekkunu he elele mettom amunu, nug, amu nug buɗub ele, ag geha hanhan mana mettak danab daaglagib,” awa aum.

Luk 15:18

Amu da attem hekkul? Da gemu ahe eɗue, mame toppa ukken, am da nug amegppa inam akkul. “Mame, da Kayak nuhigppa, nahip-ppa ele hipunin hemi.

Luk 7:47

Amunu da na amenppa attem. Nug hipunin kuɗum heum amu, nug amunu uhuqak awom daatte amunu, Nug dahilnu oo huanak mauhtte. Amge danab nug hipunin nakok ha, hipunin uhuqa mettak aotte amu, nug oo mauhak nakokib dootte,” awa aum.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

Galesia 3:13

Ɗo ig eheɗ laa awaknu anak waappa daattemnu atte, amge Kristus Nug Kayak naippa yaak, “Danab oh ag ad attan aihadtteb ele, danab amu ag eheɗ laa awaknu anak waappa daatteb,” Nug nai amu attenu qagaiettak awa, amuppa Nug qagaiettak amuppanu eɗua uhuqak ha megakka, nob nau amu awa ehanikkom.

2 Timoti 2:25

Nug laa ag nai nuhig tappaeg nette ele oo bodoettak kobolppa ag ib tutukku ippuanattaɗ! Kayak Nug ag oo eɗuak madakkunu, ⌊ag oolag eɗueb,⌋ ag doyak diig genabib tutukku dooglagnu nug anam hekku.

Jems 5:16

Amunu ag oɗe aon, eɗun ena daaglagnu amu, aun laa nug layagppa hipunin heum ele, nug layag amu amegppa nug hipunin heum miag atiak ab, ag oh anen anen ag lailkad dilagnu Kayak unuqitteg! Amu genab tutukku hak danab, nuhig unuqittak am ebehi ele amunu, danab ehanitteb ena daakkunu elele.

1 Samuel 12:17

Gemu am wit meu awak haen, gu nakok laa ii nak haen, amge da Yawe Nug heeb, hakkaɗ qeebeb, gu ele nekkunu unuqidkkul. Da anam unuqidppi, Nug anam heeb, keeke amu anam beeb, ag aakku inam dooglag: ‘Ig Kayak Nug ihinig king daakkunu uut, danab nug ihinig king daakkunu amut amu, amuppa ig eheɗ hemut.’ Ag anam dooglag.” Samuel nug anam aum.

1 Samuel 12:19

Danab ah ag anam doon, ag Samuel amegppa appig. “Danab naɗi, ig hipunin kuɗum hetata daamut, amge amu aakkuib iitta. Iitta! Ig gemu tuɗidta, hipunin laa ele hemut. Ig Yawe Nug ihinig king daakkunu uut, na king laa tituanppe, ig gumigkkunu oɗ mettamut amunu, Yawe heeb, ig mauhmatanu amu na Yawe, nahip Kayak, na Nug ihinignu unuqitte!” aon appig.

1 Samuel 12:20

Ag anam appig amge Samuel nug aum. “Ag aib baɗappig! Genab, ag eheɗ amu oh heppig, amge ag tuɗidna, Yawe aib dimedappig. Iitta. Ag meulag ohppa Nug waappa daan, Nug oɗe dim lamitteg!

1 Samuel 12:23

Amge dahilnu amu, Yawe da unuqittakppa ag ehanadkkulnu uɗat meɗom amunu, da uɗat amu uuen, nuhigppa hipunin hepanu amu, da Nug ahilagnu unuqidkkulnu iinab uupa. Iitta. Da amu heinne, da ag ib ena, ib tutukku ele tuɗitten ippunadkkul.

1 Samuel 2:17

Aa anam heyaya daadpiɗ, amge Yawe Nug kobol amunu ena ii doyom. Iitta. Nuhig neekkakppa amuam hipunin okkainab. Aɗinu? Doɗ ittag Yawenu amu, nid aɗit amu aa mana mettak amunu, aa keeke hamu bia doopiɗ.