Eksodas 32:12 - Nobonob Baibel

¹² Am na ag anam hadappe, geha Isip ag, ‘Yawe Nug danab ah nuhikkud dilag dabmak eheɗ awa, Nug ag Isipnu diia, omalatte uɗieg, atu qauko imuppa eheɗ naunab hadatta, Nug ag oh aqeeb mauhna, padal mena autna aon, wanppa baula ii daamnanu diia uɗiom,’ aon akkulag, amge amuam uug ele! Ena iitta! Amu O Yawe, na amu hemananu oɗ medattem. Na oo nauhak huanaknab nahip amu, na uun aɗappe, nob maknu dabmak nahip eɗueb, na heppe, danab ah nahipad ag padal ii menananu oɗ medattem.

Eksodas 32:12 ပူးပေါင်းရင်းမြစ်များ

Genesis 6:6

Nug amu antta, danab wanppa daaglagnu hattomnu kahipa aoɗom bia doya, ahilag haknu ooppa guittak doyom.

1 King 8:51

Aɗinu? Ig Israel, ig am danab ah nahipadnab. Isipnu amu, na ig aigna omaigna, ippa uɗime. Wan amuppa amu, ig eheɗ daamut, uɗat nau hemut.

Esra 10:14

⌊Amu ig inam hekkunignu dabmettem.⌋ Ihinig ehanittak anuqak danab ag ippa Jerusalem daan, ig danab ah oh, ag ihinignu uɗat imu gumaglag. Ig laa oh eɗut, appanig diigppa gokkunig, amge danab okkai amu ag ig laa anen anen ig eheɗ laa imu heta, laihnu ah diimut ele amu, ig haen mekkeb, ig, amu ig daattemppanu ikki danab, appanu epeɗiak danab ele ag ig haen megappeg, ig haen amuppa eɗut uɗit, keeke amu bappaidkkunig. Ig anamib hepput ukkeb ukkeb, ig elele hepput, Kayaknu oo nauhak huanaknab ig hipunin hemutnu daatte iitta meeb, ig aakku eɗut elele daagnig,” aon appig.

Sam 106:45

Nug ahilagnu dabmak anuqak doyaya, Nug he, ag Nug ele nug tituana nai qakkak heppig, Nug amu dabmetta ehanattom. Nug ag dabmadatta, Nug nuhig oo mauhaknab kobol dim lamittatta, ag tuɗid, uugppa daamnanu uua ehanattom.

Sam 74:18

O Yawe, kekeɗ ag na aon aon nidappig amu, na amu dabmekkutnu oɗ medattem. Ao, na danab ag na, Kayak, ag nahipnu dabmak tutukku iittappa na onin aon aon qedatteb amu, na amu dabmekkutnu unuqidttem.

Sam 78:38

Ag amu heppig, amge Kayak Nug ahilagnu oo gai-iitta doya oo matta ehanatta, Nug ahilag hipunin uhuqa mattom. Nug ag oh ii hatte nauhppig. Haen kuɗum Nug oo nauhak nuhig aɗom. Ao, haen kuɗum Nug ahilagnu oppoɗi bak doyom, amge Nug aɗaɗa, ag bu madakkunu dayom bia ii bu mattom.

Sam 85:3

Anukka na ihinignu oppoɗin beum, amge gemu amu, na hee, amu iitta meum. Ge, na anukka ihinignu oo nauhak huanaknab doome, amge gemu amu iitta.

Sam 90:13

O Yawe, na ihinignu oot nauhe hee, ig uugppa daattem, amu na heppe, nahip oo nauhak iitta mekkunu unuqidttem. Na oot nauhom daatte; haen gane laa ele ukkeb, oppoɗi bak nahip am bodoedakku? Amu, na ig nahipad maɗi nid, na ihinignu oot gai-iitta doon oot mekkan ehanigkkutnu oɗ medattem.

Eksodas 32:14

Moses nug anam unuqitte, Yawe Nug nuhig dabmak eɗue, Nug he, nuhikkud danab ah dilagppa eheɗ nau bekkunu aum amu, am ii beum.

Eksodas 33:13

amunu, na dahilnu ena doottem dayeb, aria, na nahip dabmakppa aɗi daatte am appe, da doye, geha da nahipnu tutukkunab dooppi, na heppe, da haen oh kobol na oot daatte aakkuib, da hekkulnu oɗ medattem. Am laa amu, danab ah imu amu, ag am nahipad danab ah, na amu ele dabmekkutnu oɗ medattem,” awa aum.

Aisaia 64:7

O Yawe, ig hipunin heut, na ig ii ehanigttem. Ig hipunin heut, na he, ig ihinig hipunin waappa daat nauhttem. Ig anam aakku daattem amunu, auntai laa na ii unuqidtte. Yo, ig am anam aakku daattem amunu, auntai laa na tutukku dim lamidkkunu ii hette.

Aisaia 64:8

O Yawe, ig am anam aakku daattem, amge na ig Mamenig daattem. Na waa keeke hak danab bia daattem, ig am wan, waa haknu, ig amubia daattem. Na ig oh heigme.

Jeremaia 28:16

Na amu heme amunu, Yawe Nug inam atte. ‘Da heppi, na wanppa bau ii daamna. Na danab ah imu ag da, Yawe, ag dahil nai tabappeg nekkunu nai mehuqna ippunadme amunu, maɗ imu ooppaib na mauhkkut,’ awa atte.” Jeremaia nug Hanania amegppa anam aum.

Esekiel 20:14

Da amu dabmein ami, amge da onilnu dabmak anuqak doyen, da onil wanppan wan ohppan danab ah ag da Israel Isipnu diien, omalatti uɗieg anidppig amu, danab ah amu ag da onilnu, am keeke hamu bia doomnanu da amu ii hemi.

Esekiel 20:22

Amge da ii hemi. Da amu dabmein ami, amge da onilnu dabmak anuqak doyen, da onil wanppan wan ohppan danab ah ag da Israel Isipnu diien, omalatti uɗieg anidppig amu, danab ah amu ag da onilnu, am keeke hamu bia doomnanu, da amu ii hemi.

Esekiel 20:9

Da amu dabmein ami, amge da ii hemi. Da anukka Israel ag laa oolagppa daan oiyegeg, da ag amelagppa da ehanadppi, ag Isip wan uuglagnu ai, ag, am danab ag oolagppa daan oippig ele dooppig. Ag dooppig amu da dabmemi helom am, danab ah laa amu ag da onilnu am keeke hamu bia doolob amunu, da, da onilnu dabmak anuqak doyen, da nob amu ii mattami.

Joel 2:17

Ag oh anam uɗippeg, mana mettak danab, ag na Yawe, ag nahip ɗo maɗoɗnu uɗat hetteb ele, ag na laut ooppa ukkaknu oo nakok odppa daatte, appa amu qaɗab ele gamagppa daanna gayeg! Gaanna ag inam aig! “O Yawe, na nahipad danab ah ig ehanigppe, ig padal ii mematanu oɗ medattem. Ao, na heppe, laa ag ig am nau bekkunu at daattem ii dabmemananu unuqidttem. O Yawe, na heppe, danab ah laa ag ihinignu ig keeke hamunab dooglag dayeb, danab ah amu ag, ‘Ahilag Kayak adeppa daatte,’ akkulag, amu aɗinu ag anam akkulag? Amu ena iitta.” Ag anam aig!

Amos 7:3

Da anam awe ei, Yawe Nug oo bodoetta le me, “Amuam ii bema,” awa aum.

Amos 7:6

Da anam awe ei, Naɗi Yawe Nug oo bodoetta le me, “Amu ele ii bema,” awa aum.

Jona 3:9

Ig anam hepput, Kayak anikka, ihinignu oo bodoetta le meeb, ihinignu oo nauhak huanak uukkutai. Ig iitai mauhmata,” awa aum.

Sekaraia 8:14

Yawe Nukka Ɠagattag Oh Ele Nug inam atte. “Ag ii baɗamna. Ag ahan lag bappaidkkulagnu diig am, anukka haen ag mamelkad aɗi ag hipunin heegeg, da ool nauhe, da bu madakkulnu dabmak aoi ɠagattag eppe, da dabmak dahil ii eɗumi,

Namba 14:19

O Yawe, na ame amubia, na danab ah dilagnu oo mauhaknab doon autna aottem amunu, da na danab ah imu dilag hipunin uhuqna madakkutnu oɗ medattem. Danab ah ag Isip uun uɗippig uɗie, gemu batak, na ahilag hipunin uhuqna madattem amunu, na anamib hekkutnu oɗ medattem.” Moses nug Yawe anam unuqittom.

Namba 16:21

“Da danab imu pahanab hadappi nauhkkulagnu, aa awaidya laih dayeɗ!” awa aum.

Duteronomi 13:17

Amu Yawe Nug tuɗitta, ag Israel laa, Nug ahilagnu oo nauhak huanak ii doomanu, Nug ahilagnu oo gai-iitta doya, oo metta, ehanatta heeb, ag danab ah kuɗum, Nug ag mamelkad aɗi amelagppa anam hekkunu nuhig nai ɠagattag qetta aum bia heeb bekkunu, ag aab nakok amu ooppan keeke laa aibnab ahilagnu aoppig. Keeke amu oh am Yawenuib nuhig pelemppa daatte.

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Duteronomi 9:28

Na heppe, danab ah imu padal mekkulag dayeb amu, Isip ag akkulag. ‘Yawe he, padal meppig diig am, Nug wan ag madakkununab nuhig nai ɠagattag qetta aum amu, Nug amu hekkunu elele iitta.’ O iitta, ag akkulag. ‘Nug he, ag nauhppig diig am, Nug ahilagnu nau ninig ele doyom; Nug atu taɗakppa ag aqakkunu Nug Isipnu diia, omalatte uɗippig,’ akkulag.

Josua 7:26

Ag amu hewona, ag men kuɗumnab, Aakan mauha niiom abenppa qagmeppig, amu qagmak amu daye ukke, gemu ⌊nai imu yaak haenppa⌋ ele daatte. Ag amu oh hena malaeg, Yawe Nug oo nauhak huanaknab doyom amu, Nug baula ii doyom. Amu aben amunu ag Akornu oolnu noak aon adappig.

Josua 7:9

Kanan danab, amu danab laala wan imuppa daatteb ele amu, ag imu beum doon, ag oo mekkan, ig iqappeg mauhkkunig. Ag amu hekkulag, amge O Yawe, amu anam beeb amu, na onin okkai, amuppa am attem bekku?” awa unuqittom.

1 Samuel 12:22

Ag Yawe aib dimedappig. Iitta. Ag Nug dim lamidkkulag. Aɗinu? Yawe Nug amunu ena doya, Nug ag danab ah nuhikkud daaglagnu tituanattom amunu, Nug onignu dabmak anuqak awa, Nug ag, ag am nuhikkud danab ah amu, Nug ag uuatta, di-ii-mattama.