Eksodas 32:11 - Nobonob Baibel11 Yawe Nug Moses amegppa anam aum, amge Moses nug Yawe, nuhig Kayak, nug nuhig oo mak ag uuadmanu haaha, Nug inam Yawe amegppa anana, inam unuqittom. “O Yawe, na oo nauhak doonna, na heppe, danab ah nahipad, na danab ah amu na nahip ɠagattag okkaippa Isipnu diin uɗime ele amu, ag padal mekkulag, amge amuam uug ele. အခန်းကိုကြည့်ပါ။ |
Anam amunu, na da oɗel imu aon, Israel amelagppa inam appe doyeg! ‘Da am Yawe. Da geha heppi, ag Isip dilag begbeg maɗi nid maɗi ah ele baula ii daamna. Ao, ag Isip waalagppa baula ii daamna. Da dahil ɠagattag naɗippa, dahil bu mettak okkai eleppa ag Isip dilag begbeg maɗi nidnu qagaiettakppanu eɗua uhuqak hein madakkul.
O Yawe, da ig ib nahip ii ettamtanu, na ib laa oɗe oo ii nettemnu diig dookkulnu ool daatte. Ao, ig ebehinig oh bodoetta le mak kobol nahipnu dim ii lamidtutut, na ib amu oɗe ii oo nettemnu diig dookkulnu ool daatte. Ig am nahipad maɗi nid maɗi ah ele, amu na eɗun ehanigkkutnu oɗ medattem. Ao, ig Israel dilag huu okkai oh, ig am danab ah nahipadnab daattem, amu na eɗun ehanigkkutnu unuqidttem.
O Yawe, na imu anidna dabmekkutnu oɗ medattem; na Juda danab ah uug naunab mattame amu, na laa dilagppa anambia hemete? Ah ag ahilkad nid, ag nid amu atognoattegeg, ena metteb ele amu, ag ag battiadna latteb am kobol tutukkute? Ge, kekeɗ ag mana mettak danab, propet ele Naɗinu mettid lakka aqaeg mauhtteb am enate?
Da amu dabmein ami, amge da ii hemi. Da anukka Israel ag laa oolagppa daan oiyegeg, da ag amelagppa da ehanadppi, ag Isip wan uuglagnu ai, ag, am danab ag oolagppa daan oippig ele dooppig. Ag dooppig amu da dabmemi helom am, danab ah laa amu ag da onilnu am keeke hamu bia doolob amunu, da, da onilnu dabmak anuqak doyen, da nob amu ii mattami.
Ag oh anam uɗippeg, mana mettak danab, ag na Yawe, ag nahip ɗo maɗoɗnu uɗat hetteb ele, ag na laut ooppa ukkaknu oo nakok odppa daatte, appa amu qaɗab ele gamagppa daanna gayeg! Gaanna ag inam aig! “O Yawe, na nahipad danab ah ig ehanigppe, ig padal ii mematanu oɗ medattem. Ao, na heppe, laa ag ig am nau bekkunu at daattem ii dabmemananu unuqidttem. O Yawe, na heppe, danab ah laa ag ihinignu ig keeke hamunab dooglag dayeb, danab ah amu ag, ‘Ahilag Kayak adeppa daatte,’ akkulag, amu aɗinu ag anam akkulag? Amu ena iitta.” Ag anam aig!