Eksodas 30:6 - Nobonob Baibel

⁶ Amu ag amu oh hena malona, ag qaɗab amu dahil mettid haknu peh lag ooppa, Oo Gun Ele, Oo Gunnab Ele makkulaknu lamen guguittak Oo Gun Eleppa meig! Tituanak Nainu Kunup kontrak inak ele, kunup amu ameg, kunup qaɗeppa daatte, ameg amuam eheɗ haknu nob nau tiigppa iitta me elele medatte ippunadtte, da ag ele appa qagmekkunig amu, keeke amu oh am Oo Gun Ele, Oo Gunnab Ele makkulaknu lamen dimugppa Oo Gunnab Eleppa daatteb; amu ag qaɗab lamen amu guguittak, Tituanak Nainu kunup daatte, amu eleleppa, Oo Gun Eleppa meig!

Eksodas 30:6 ပူးပေါင်းရင်းမြစ်များ

1 Stori 23:13

Amram bekoɗ am Aron, Moses ele. Yawe Nug Aron, nug buɗub ele ag hanhan keeke Yawenu tituanaknab daatteb ele Yawenu tituana mettak daaglagnu, ag doɗ keeke manan, Yawe mettaglagnu, ag Yawenu ɗo maɗoɗnu uɗat hekkulagnu, amu ag hanhan Yawe onig aon, itittak ena danab ah mattaglagnu tituanattom.

1 Stori 28:11

Dawit nug anam mattia mala, nug Yawenu mettid lag dottog Solomon mettom. Dottog amuppa lag amu, lag amunu odppa ukkaknu oo laa, veranda bia, lag amunu lag laala, lag amunu keeke maknu oo, lag amunu oo attan daaglag, lag amunu Oo Gun Ele, amu lag amunu Oo Gunnab Ele, amu ohnu dottog dayom. Oo Gunnab Ele, amuppa mana mettak danab ag eheɗ haknu nob nau doɗ tiigppa iitta mekkunu heeb elele mettaknu uɗat heppig.

Eksodas 30:36

Na amu hena, na amunu laa aon, batappe, kalu neeb, na kalu amu dahil mettid haknu peh lag danab ah appa qagmetteb ele, lag amu ooppa aon gona, da noolppa Tituanak Nainu Kunup kontrak inak ele guguittak, aben da na ele qagmekkunih amu, na aguppa me! Na keeke amunu am dahilnu tituanaknab daatte, na amu doye!

Eksodas 30:5

Ag maoglagnu tuqai hekkulagnu amu, ag akasia ad maha aɗit aon hoina, qaɗeppa gol aon tonateg!

Eksodas 30:7

Ag anam meppeg, aria deɗ oh buttua, Aron nug geha ukka, lam bappalatta, haen amuppa nug kalu danab ile muttuɗig enanag bette ele qaɗabppa maneb, kahug muttuɗig ena taɗ!

Eksodas 40:26

Amu dimppa amu, Moses nug qaɗab, golppa hak ele mettid haknu peh lag danab ah appa qagmetteb ele, nug lag amu ooppa, Oo Gun Eleppa, Oo Gun Ele, Oo Gunnab Ele makkulaknu lamen guguittak meum.

Eksodas 40:3

Yawe Nug nuhig mettid haknu peh lag qappaknu ana, Nug nai tuɗitta aum. “Na mettid haknu peh lag amu oh qappona, na Tituanak Nainu Kunup kontrak inak ele, na amu aon, dahil mettid haknu peh lag ooppa mewon, Na Oo Gun Ele, Oo Gunnab Ele makkulaknu lamen, nainu kunup amu qehagkkunu, na amu aihe!

Eksodas 40:5

Aria, na amu hewona, na kalu muttuɗig enanag ileb baknu qaɗab golppa hak aon, Tituanak Nainu Kunup kontrak inak ele daatte, amu eleleppa, Oo Gun Ele, Oo Gunnab Ele makkulaknu lamen, amu heqo laih Oo Gun Eleppa mekkut. Mewon, aria lamen dahil mettid haknu peh lag od oɗeppa daakkunu daatte amu, na lamen amu aihe!

Lewitikas 16:13

Appa Yawe noobppa, nug kalu ile muttuɗig enanag bette ele amu ottag attan meeb, amu kalu danab ile muttuɗig enanag bette ele kahug amu ba, Tituanak Nainu Kunup kontrak inak ele ameg, ameg amuam eheɗ haknu nob nau tiigppa iitta me elele medatte ippunadtte, Kayaknu tituanak nai tonatte amu, am ameg amu hautkku. Nug nai imu dim lamidkku dayeb amu, nug ii mauhma.

Namba 17:4

Aria, Israel dilag huu okkai anen anenppanu ikki danab anen anen ag hokkat medappeg amu, na hokkat amu dahil mettid haknu peh lag danab ah appa qagmetteb ele, na peh amuppa Tituanak Nainu Kunup kontrak inak ele noobppa maatte! Appa amu da ag ele qagmettem.

Matyu 27:51

Nug mauhom, haen amuppa Kayaknu mettid lag ooppa, lamen naɗi aiheg dayom attannu kattiɗa ukka, honap noa, aɗit meum. Anam amu, wan uɗale, men ele aoɗppig.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!