Eksodas 30:34 - Nobonob Baibel

³⁴ Yawe Nug anam awowa, Nug baula Moses amegppa inam aum. “Na keeke digdig laa muttuɗig enanagnab ele, amuam stakte, onika, galbanum, amu prankinsens dubuttid iitta ele, na keeke amu oh elele eleleib aona,

Eksodas 30:34 ပူးပေါင်းရင်းမြစ်များ

Nehemaia 13:5

Anam amunu, nug Tobia nug aguppa daakkunu Kayaknu mettid lag, amuppa oo okkai laa mettom. Tatam ag oo amuppa ee aeg main, Kayak mettaglagnu, kalu danab ile muttuɗig enanag bette, Kayaknu mettid lakkanu uɗat haknu keeke laala, ee aeg, wain bau, goɗen elenu obatak eblaih tanig ele ooppanu obatak laippu ele aguppa meppig. Obatak laippu amu, keeke amuam Lewi buɗubppan mana mettak danab iitta dilagnu, ahiettak danab dilagnu, od gumak dilag ele daye, aria maha am ele mana mettak danab dilag dayom, amge gemu Tobia nug aguppa daakkunu dayom.

Eksodas 25:6

lam amotaknu goɗen olip meuppa hak, spais digdig laaittak goɗen babaittaknu, amu kalu danab ile muttuɗig enanag bette ele kaboliaknu,

Eksodas 30:23

“Am laa amu, na spais digdig; amuam 6 kilogram mir, 3 kilogram sinamon kalu muttuɗig enanag ele, 3 kilogram keeke qaittobttob bia diig laa muttuɗig ena ele,

Eksodas 30:33

Danab aun laa nug goɗen imubianab laa hekku, o danab aun nug danab hamu laa, nug mana mettak danab iitta, aun nug danab amu igippa goɗen imu gokkaɗkku amu, ag heppeg, danab amu nug Israel oolagppanu geɗittak daakkuoitte,” awa aum.

Eksodas 30:35

kalu danab ile, muttuɗig enanag bette hekkutnu na keeke amu oh kabolie! Na amu haknu doyak danab hette bia he! Na hewona amu, na yu kalu ele kabolie! Kalu danab ile muttuɗig enanag bette amuam dahilnu tituanak daya, dubuttid iitta ele daya, yu kaboliak ele dayaɗ!

Eksodas 30:7

Ag anam meppeg, aria deɗ oh buttua, Aron nug geha ukka, lam bappalatta, haen amuppa nug kalu danab ile muttuɗig enanag bette ele qaɗabppa maneb, kahug muttuɗig ena taɗ!

Eksodas 35:15

Laa amu, kalu muttuɗig enanag ileb baknu qaɗab, amu qaɗab amu mawaknu tuqai aɗit, laittaknu goɗen, amu kalu muttuɗig ena ele, am lamen mettid haknu peh lag odppa aihak daakkunu ele.

Eksodas 37:29

Aria, ag amu hena, ag laittaknu goɗen Yawenu tituanak daatte ele, amu kalu muttuɗig enanagnab, dubuttid iitta ele, ag amu oh ele heppig. Amunu haknu doyak danab laa, nug amu heum.

Solomonnu Ahi 3:6

Laa nug atu taɗakppanu aab kah taata, wan ele aɗeɗe gotte bia uɗitte am aun? Ge, laa imu nug leppu muttuɗig enanag, mir, frankinsens, spais laa oh ele laihnu awa, dadennu mak danab dilagppanu awak, nug amuppa beɗu laitte, nuhigppanu muttuɗig enanag oowo doottem ele amu, nug am aun?

Aisaia 43:23

Ag sipsip aon uɗin, manaknu ofa hena ii meɗappig. Ao, ag binal meɗanna, mana mettak digdig da ii meɗappig. Da ag ee aegnu ofa kuɗum, ag aon da meɗaglagnu ii hemi. Ao, da kalu danab ile muttuɗig enanag bette ele kuɗumnab ag aon, da meɗaglagnu haknunab anak ii mattami.

Lewitikas 16:12

Nug qewowa, nug kalu danab ile muttuɗig enanag bettenu tappiɗ gapappa hak awa, amu nug ottag qaɗab Yawe noobppa daatte, amuppa awa ineb ambekku. Aria, nug eppeg aɗit ohppa kalu ile muttuɗig enanag bette amu appua awowa, nug amu, aria kalu ile muttuɗig enanag bettenu tappiɗ ele mawa, Oo Gun Ele, Oo Gunnab Ele makkulaknu lamen, nug amu ooppa, Oo Gunnab Eleppa nokku.

Lewitikas 2:1

Laa nug ee aegnu ofa Yawenu hekkunu haaha amu, mana mettak amuam nug plaua enanag, amuppa hekkuoitte. Nug olip goɗen gokkaɗeb noob, kalu danab ile muttuɗig enanag bette ele, am amu daugppa mekku.

Lewitikas 2:15

Amuam ee aegnu ofa amunu, ag olip goɗen amuppa mena, kalu danab ile muttuɗig enanag bette ele mekkulag.

Lewitikas 24:7

Amu na prankinsens ena dubuttid iitta ele amu, na amu aon, ⌊kap aɗit nakok golppa hak eleppa inan,⌋ huu yaak aɗit amu guguittak maatkkut. Prankinsens amuam bret laa oh ou daakkunu, ag manan Yawe mettaglagnu daakku. Amuam Yawe mettaknu aab aɗunu ofa aakku.

Lewitikas 5:11

Laa nug uppuɗil beɗulag nakok aɗit, o uppuɗil beɗulag okkai nag aɗit awa, anam hekkunu elele iitta daakku dayeb amu, nug hipunin heumnu, nug 1 kilogram plaua enanag, ib etta hipunin haknu ofa haknu awa wakkuoitte. Amuam ib etta hipunin haknu ofa amunu, nug olip goɗen amuppa ii mekkuoitte, o kalu danab ile muttuɗig enanag bette ele amu daugppa ii mekkuoitte.

Namba 4:16

Aron nug mana mettak danab daatte. Nug bekka Eleasar nug geha goɗen amahlaknu, kalu danab ile muttuɗig enanag bette, goɗen ee aeg kabolina manan Yawe medatteb ele, amu laittaknu goɗen, nug amu oh dilag italak danab anuqak daakku. Nug dahil mettid haknu peh lag, amu lag amu ooppan keeke, keeke oh dahilnu tituanak daatteb, nug amu dilag gumak anuqak italak danab daakku,” awa aum.

Matyu 2:11

ag lag ooppa nona, nid nakok, amu Nug anig Maria ele anatppig. Anatna, ag nid nakok noobppa dup nona binag meppig. Binag mewona, ag ahilag battam hipana, gol, prankinsens, mir ele, ag amu nuhig daakkunu Nug medappig.