Eksodas 30:18 - Nobonob Baibel

¹⁸ “Ag bras aon, le layaknu tappiɗ okkai laa baeg ele hena, ag tappiɗ amu dahil mettid haknu peh lag danab ah appa qagmetteb ele, lag amu, qaɗab ele gamalahppa wanppa meppeg dayaɗ! Tappiɗ okkai amuppa amu, ag le gokkaɗppeg noaɗ!

Eksodas 30:18 ပူးပေါင်းရင်းမြစ်များ

1 King 7:23

Huram nug le daakkunu tappiɗ naɗi okkai brasppa hak onig Yu heum. Keeke amuam tappiɗ naɗi. Laihnu laih ukkak am 4 mita, 40 sentimita ele. Attan tak nuhig am 2 mita, 20 sentimita ele. Tappiɗ akka talilia ukkak am 13 mita, 50 sentimita ele.

1 King 7:38

Huram nug balal anen anen ohppa le tappiɗ daaglagnu, nug le tappiɗ 10 hattom. Tappiɗ amu oh okkai ahilag am 1 mita, 80 sentimita ele. Tappiɗ amu oh anen anen am, 800 lita le tappiɗ amuppa daakkunu elele.

2 Stori 4:2

Am nug le daakkunu tappiɗ naɗi okkai brasppa hak onig Yu heum. Keeke amuam tappiɗ naɗi. Laihnu laih ukkak am 4 mita, 40 sentimita. Attan tak nuhig am 2 mita, 20 sentimita ele. Tappiɗ akka talilia ukkak am 13 mita, 50 sentimita ele.

2 Stori 4:6

Solomon nug amu ha mala, nug tappiɗ nakok okkai eblaih laih ele hattom. Nug tanig ele am tappiɗ naɗi heqo laih yau uɗitteppanu maatte daaeg, tanig ele laa tappiɗ naɗi heqo laih yawalti uɗitteppanu maatte daappig. Mana mettak danab ag manaknu ofa henana, ag mana mettak amuppa aɗi aɗi keeke uɗat medappig amu, laa keeke amu babaittak uɗat hetteb ele ag tappiɗ nakok okkai eblaih laih eleppa ihappig, amge mana mettak danab ag tappiɗ naɗi okkai brasppa hak onig Yu, ag amuppa eppelag, baelag keeke ihappig.

Eksodas 30:17

Amu Yawe Nug anana, Nug Moses amegppa inam ele aum.

Eksodas 38:8

Ag amu hena, ag tappiɗ okkai, nug baeg ele brasppa heppig. Ag amu hekkulagnu bras aoppig ele amu, ag ah ag mettid haknu peh lag danab ah appa qagmetteb ele, ag lag amu odppa daanna, danab ah uɗitteb ele ehanadtteb amu, ag lettod brasppa hak ahilag mattaeg akkan, aon uɗieg, doyak danab ag amu aon, ag bras amuppa keeke amu heppig.

Eksodas 40:7

Na amu hewona, na le layaknu tappiɗ okkai aon, dahil mettid haknu peh lag danab ah appa qagmetteb ele, peh lag amu, amu mana mettaknu qaɗab ele gamalahppa mena, le ele goɗappe dayaɗ!

Eklisiastis 5:1

Haen na Kayaknu mettid lag amuppa gonana, na dabmenan ukke! Na appa gona, Kayak baag dookkutnu dabmenan gokkut; na gona, doɗ keeke hamu hamu, danab nug Kayak dab-ii-maama ii dim lamidtte ele hette bia manadna, Kayak aib mettame. Aɗinu? Danab amu ag eheɗ aakku hetteb ii dootteb.

Lewitikas 8:11

Nug qaɗab haen eblaih aɗit ele tauɗ qedatta, qaɗabppan keeke oh, lenu tappiɗ, nuhig balal, baeg ele tauɗ qattom. Nug anam ha, nug keeke amu oh goɗen gokkaɗakppa tituanak haaha, nug Yawenu tituana mettak daaglagnu anam heum.

Sekaraia 13:1

Le dubuttid ihe, iitta mette, amubia qinob Yawe Nug heeb, Dawit buɗub, am Jerusalem danab ah ele ag hipunin iitta, beɗulagppa ele aab iitta daaglagnu ib daakku.

Taitus 3:5

Nug ig eɗua awikkom. Ig ihinig genab tutukku hak kobol hemutnu laala anatta ii heum. Iitta. Nug ihinignu oo gai-iitta doya oo mekka ehanikkom amunu, Nug ig ihikka, nuhig Ouɗippa Nug bauklel mekke, ig bau menuak aomut.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.