Eksodas 30:12 - Nobonob Baibel

¹² “Na Israel danab onilag aon, uɗugppa yaabppe, danab laib laib oh ag mauhmananu, ag qagaiettak amuppa daamnanu uhuqak aoglagnu, ag men doɗo laa, da meɗaglag amunu, haen ag anam heppeg amu, geha oɗe nau danab kuɗum aqe mauhtteb ele beeb, ag padal ii memana.

Eksodas 30:12 ပူးပေါင်းရင်းမြစ်များ

1 Stori 21:1

Amu Satan nug Israel danab ah uug madakkunu dabma, aha he, Dawit nug Israel danab ah ebaqakkunu dabmeum.

1 Stori 21:12

Maɗ ewam Israel wanppa enug haen daakku, o iitta ahilkad kekeɗ ag kalam ewam ag Israel eɗadna lamadkkulag, o iitta Yawenu engel nug heeb, oɗe nau danab kuɗum aqe mauhtteb am deɗ ewam Israel wan ohnab ooppa daya heeb, danab ah mauhkkulag. Oɗe amuam Yawenu qep elab bia aakku.’ Ib ewam aakku amunu, na dabmak aona, na appe, da nahip dabmak laa meiɗe uɗimi ele amegppa appi dookku,” awa aum.

1 Stori 21:14

Dawit nug anam aum amunu, Yawe he, oɗe nau danab kuɗum aqe mauhtteb ele Israel aqe, 70,000 mauhppig.

1 Stori 21:3

King Dawit nug ag amelagppa anam aum, amge Joap nug eɗua nob ma aum. “Yawe Nug heeb, nuhikkud daup ag huanaknab daaglagnu ool daatte. Gemu daup laippu daatte, Kayak Nug heeb, 100 daaglagnu ool daatte. O dahil naɗi, gemu daatteb amu, ag nahipnu, ‘Ihinig okkai,’ aon iite atteb? Na ebaqadkkunignu attem am diig aɗinu na anam hekkutnu attem? Na amu heppe, ig gota amu hekkunig dayeb amu, ⌊Yawe Nug ena ii dooma,⌋ Israel oolagppa aab daakku, am na diig aɗinu anam hekkutnu dabmettem?” awa oɗ mettom.

1 Stori 27:24

Amu Dawit nug he, Seruia bekka Joap nug digma, Israel danab ebaqakkunu heehe, Kayak Nug amu haknu uua, oppoɗi be he, uug naunab nau Israel danab ah dilagppa beum amunu, Joap nug ebqak uɗat amu uue dayeye, danab dilag ebqak amu King Dawitnu kaya bukppa ii yaappig.

2 Stori 24:6

Ag paha ii heppig amunu, king nug mana mettak ikki danab Jehoiada onigppa e do, nug Jehoiada amegppa aum. “Anukkanab Yawenu maɗi nid Moses, nug Israel danab oh ag takis laa maɗ anen anen mekkulagnu nai qakkom. Men doɗo amuppa anukka ag Kayaknu mettid haknu peh lag men maha aɗit ɗo nai yaak niitte ele appa daattep bappaidppig, ⌊gemu ig ele amubia lag imu bappaidkkunig⌋. Anam amu, aɗinu na Lewi buɗub ag gona, Juda danab, laa Jerusalemnu, laa Juda wanppa laih laihnu ele, ag eppelagppanu men doɗo Yawe mettaglagnu daatte aoglagnu ii tappaɗna duttunadme?” awa oɗ metta aum.

2 Stori 24:9

Nug kunup anam hekkulagnu anam a, ag heeg, nug nai laa Juda wan ohppa, Jerusalem appa ele, appan danab ah ag dooglagnu me ukkom. Nai amuppa amu nug Israel danab oh ag Kayaknu maɗi nid Moses nug atu taɗakppa dayaya, ɗo meum bia, ag takis Yawe mettaglagnu aon uɗin, kunup amuppa mekkulagnu aum.

Job 33:24

ehanittak laa amu nug danab amunu oo bodoette enanag maɗoɗ ele hak kobol dim lamitta, nuhigppa kobol enanag ha, Kayak amegppa akku. ‘Danab imu nug moɗppa ii nomanu, da nug ou laa elele anidmi amunu, na nug uuppe, ii mauhmanu oɗ medattem,’ awa akku. ⌊Nug anam akku amu, Kayak Nug heeb, oɗe danab amu nug aakku ena daakku.⌋

Job 36:18

Am laa nug na nuhig dabmak dim lamidkkutnu en okkainab medakkunu ab, diig amunu na amu aib dabmeme. Ge, laa nug na Kayak dimedappe, nug na lokkumakppa eheɗ haknu ehanittak okkainab medakkunu ab, diig amunu na dabmak amu aib dim lamidme.

Sam 49:7

Ag anam atteb amge iitta. Auntai laa nug layag mauhaknu qagaiettakppanu eɗua uhuqak hekkunu elele iitta. Ao, laa nug mauhkkunu heeb, layag nug Kayak en okkai metteb, qagaiettak amuppanu uhuqkkunu elele iitta.

Eksodas 30:11

Yawe Nug anam anana, Nug nai tuɗitta, Moses amegppa inam aum.

Namba 31:49

ag nug amegppa appig. “Ig nahip maɗi nid amu, ig daup ihinig, ig ag gumadttem ele amu, ig ag ebaqadmut, amu laippu laa ii qettoɗom.

Namba 31:50

Amunu ig anen anen golnu keeke Midian dilagppan aomut ele amu, ig Yawe mettagnignu akkat uɗimut. Keeke amuam nuhignu mana mettak bia aakku. Keeke ig Midian dilagppan aomut ele amu inam; eɗi, eppelag baagppan eɗi, ahilkad doyaknu at ringppa daatteb, daulagppan bala, am kalele ele. Ig keeke amu ihinig eheɗ haknu nob nau amuppa iitta mekkunu hepput, elele medakkunu aakku Yawe noobppa hettem,” aon appig.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Mak 10:45

Ag anam hekkulagnu diig amu Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta! Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

1 Timoti 2:6

Nug danab ah oh dilagnu Nug nukka Nug bau dayak nuhig uua, amuppa Nug haenppanab Kayak Nug danab oh eɗua diikkun hette ippunikkom.