Eksodas 3:9 - Nobonob Baibel

⁹ Antte! Da Israel danab dilag gayak doyen, Isip danab ag layag ɠagattag iitta ele eheɗ hettak kobol dim lamidnana, Israel dilagppa kobol eheɗ hetteb ele anidmi,

Eksodas 3:9 ပူးပေါင်းရင်းမြစ်များ

Genesis 16:11

Yawenu engel nug baula ele aum. “Na gemu oot ele daattem. Dimppa na nid danab menukkut. Menuna amu, na nug onig Ismael ataɗkkut. Aɗinu? Yawe Nug nahip gayak doyom.

Genesis 31:12

Da anam ai, Kayaknu engel nug aum. ‘Doye! Keeke oh Laban nug nahip-ppa heehe, da anidmi amunu, na neegna, meeme dawai ag beɗulag geɗaɗa elab ele, o ag beɗulag otultul ele, o ag beɗulag geɗaɗa ele, agib doɗ anig pappaladtteb anidkkut.

2 King 13:4

Aria, King Jehoahas nug Yawe ehanidkkunu unuqitte, Yawe Nug Jehoahasnu unuqittak amu doyom. Aɗinu? Yawe Nug doyom, Aram ag eheɗ huanak Israel dilagppa heppig.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

Nehemaia 9:9

Anukka ig mamenkad aɗi ag Isip wanppa daan, guittak okkai dooppig amu, na amu anidme. Ag gonana, Le Kokoɗ appa qagaiettak daan, ehanittak aoglagnu unuqidppig amu, na unuqittak amu doome.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Sam 9:14

⌊O Yawe,⌋ da Sionnu aɗ odppa na onin humakkulnu, na da ehaniɗe, da kekeɗ eppelagppa ii daattemnu na binan medakkulnu amu, da diig amunu na anam ehaniɗkkutnu oɗ medattem.

Eksodas 1:11

Isip dilag king nug anam aum amunu, ag Isip danab laa, ag uɗat gumak danab nau oo doyak iitta ele amu, ag danab amu laala epeɗiatteg, ag gumak danab daanna, Israel danab uɗat hekkulagnu huana duttunattegeg, uɗat nau ɠagattag hamu heppig. Ag heeg, Israel danab ag aab okkai aɗit Paronu heppig. Laa amu Pitom, amu laa am Rameses. Aab okkai aɗit amu, aa keeke maatte dayaknu aab daapiɗ.

Eksodas 1:22

Aria dimppa, Paro nug Isip danab ah amelagppa inam aum. “Hibru ah ag nid danab bau menuadppeg anidna, ag aɗadna, Nil leppa agappeg noig; amge nid ah menuadppeg amu, ag uuadppeg dayeg!” awa aum.

Eksodas 1:8

Israel ag anam appatna daaeg, haen elab ukke, dimppa king laa ba, nug Isip gumom. King amu nug Josepnu kaya nakok laa ii doyom.

Eksodas 2:23

Aria, maɗ laala ukke, dimppa Isip dilag king ⌊Moses qeeb mauhkkunu dabmeum amu,⌋ nug mauhom, ⌊amge laa nug king abenab awom, nug Israel ii ehanatta, nug king laa heum bia tuɗitte,⌋ Isip ag Israel danab uɗat ɠagattag, uug elenab mattaegeg, Israel ag Isip dilag begbeg maɗi nid maɗi ah daanna, uɗat amu heppig. Amuppa amu, Israel ag uug nau doon gaanna, Kayak ehanadkkunu unuqittegeg, Kayak Nug ag uug nau doon gaappig amu, Nug ahilag gayak amu doyom.

Eksodas 2:25

Kayak Nug amu dabmaama, Israel neekkatta, ⌊ag naunab daaegeg antta,⌋ Nug ahilagnu oo doye, ⌊Nug ag ehanadkkunu dabmeum⌋.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Amos 4:1

Amu Yawe Nug atte. “Samaria ah, ag nai imu doyeg! Ag amu, ag makau, Basan appa ⌊gikkiɗah enaib lanana, beɗulag enaib daatteb,⌋ ag amubia daatteb. Ag daɗek danab ah eheɗ hattanna, ag laa keeke iitta ele am hatteg nauhtteb. Ag amu henana, ag ahilkad danab amelagppa, ‘Le ɠagattag aon doppeg latu!’ aon atteb.

Duteronomi 26:7

Isip ag anam eheɗ heikkeg, ig Yawe, ig mamenkad aɗi dilag Kayak, ig Nug unuqittut, Yawe Nug baanig doya, ig oonigppa naunab nau dootta, uɗat uug ele hetat, ig gai-iitta daautut, danab laa eheɗ heigppig anttom.

1 Samuel 9:16

“Dahilad danab ah ag Pilistia waalagppa daan gaaegeg doottem amunu, butti, haen inamppa amu, da heppi, danab laa nug na gumitta uɗikku; nug am Benyamin ted, nug appanu uɗikku. Nug uɗieb amu, nug Israel danab ah dilag king daakkunu na nug goɗen gokkaɗakppa tituane! Nug dahilad danab ah Pilistia waalagppa daamnanu, ag ehanadkku,” awa aum.