Eksodas 3:5 - Nobonob Baibel

⁵ Awa a amu, Kayak Nug aum. “Na tuɗidna, aib gukkuiɗna dome,” awa aum. Nug anam anana, Nug nai tuɗitta aum. “Wan na hippaidna daattemppa, amuam dahilnu tituanak daatte amunu, na baen gaɗa meme ele amu, na uɗe!” awa aum.

Eksodas 3:5 ပူးပေါင်းရင်းမြစ်များ

Eksodas 19:12

Na danab ah ag qauko temananu, na qauko diigppa tom bappaidna, danab ah amelagppa inam appe doyeg! ‘Geha ag tom letan, ooppa nona, qauko iinab temana. Ao, ag qauko diigppa, tom ooppa baelag meppeg ii wama. Laa nug tom amu ooppa qauko aɗeb amu, ag nug genab qeppeg mauhaɗ!

Eksodas 19:21

Nug te amu, Yawe Nug amegppa aum. “Danab ah ag tom letana, da aniɗkkulagnu bekkulag dayeb amu, kuɗum ag mauhkkulag amunu, ag tom letamnanu na nona, ag amu ii hemananu, na ag nau aomnanu dabmettak nai danab ah oh amelagppa appe doyeg!

Eksodas 4:28

Nug ootuqitte, Moses nug Aron amegppa keeke oh Yawe nug ⌊Paro amegppa⌋ madikknu amegppa anana, he uɗiom ele amu, nug amunu nug amegppa mattiom. Am Moses nug Aron amegppa Kayak dabmettaknu kobol danab haknu elele iitta hekkunu Yawe ⌊ippunitta⌋, hekkununab aum amu, nug Aron amegppa amunu ele mattiom.

Eklisiastis 5:1

Haen na Kayaknu mettid lag amuppa gonana, na dabmenan ukke! Na appa gona, Kayak baag dookkutnu dabmenan gokkut; na gona, doɗ keeke hamu hamu, danab nug Kayak dab-ii-maama ii dim lamidtte ele hette bia manadna, Kayak aib mettame. Aɗinu? Danab amu ag eheɗ aakku hetteb ii dootteb.

Jeremaia 30:21

Jakop buɗub oolagppanunab laa, nug ahilag okkai daakku. Ao, ag oolagppanu laa nug king daakku. Da nug da gumiɗa uɗikkunu omalkkul. Da nug omalppi, nug da gumiɗa uɗikku. Aɗinu? Laa nug nukka nug, ‘Da dakka, da Yawe guguitten wakkul,’ ana hekkunu am elele iitta.

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

Aposel 7:33

Anam daye, Naɗi Nug amegppa aum. ‘Wan na hippaidna daattemppa, amuam dahilnu tituanak daatte amunu, na baen gaɗa meme ele amu, na uɗe!

Duteronomi 23:14

Haen tutu dayaknu aab kalak am Yawenu tituanak daakkuoitte. Amunu diig am, Yawe, ahilag Kayak, Nug haen tutu dayaknu aab kalakppa eɗua ona, eɗua doawa, atognoattatta, ahilkad kekeɗ ippulag oo nekkuoitte amunu, Nug keeke eheɗ antta, dimattamade, ag anam heig!

Hibru 12:20

Haen amuppa ag Kayak nai mattom, ag nai amunu baɗan autna aoppig. Nug nai inam aum. “Danab laa nug eppeg bahia qauko imu aɗeb, o doɗ laa nug qauko nakoknab tappeb amu, ag menppa qeppeg mauhaɗ!” awa aum.

Josua 5:15

Josua nug Yawenu ban daup ikki amu anam oɗ mette, ban daup ikki nug nob ma aum. “Aben na hippaidme daattem ele, amuam Kayaknu tituanak daatte amunu, na baen gaɗa uɗe!” awa aum. Nug anam a amu, Josua nug anam aakku heum.

2 Pita 1:18

Ig Nug ele qaukoppa daamut amunu, ig baag amu hab aabppanu neene doomut. Qauko amuam Kayaknu tituanak daatte.