Eksodas 3:21 - Nobonob Baibel

²¹ Amu da geha heppi, Isip danab ah ag, ag Israel ahilagnu ag ii helob bia me, ag ehanadkkulag amunu, haen ag Isip uun gokkulag, ag hamu iinab gomana.

Eksodas 3:21 ပူးပေါင်းရင်းမြစ်များ

Genesis 15:14

Wan amuppanu danab ag heppeg, na buɗunad ag begbeg maɗi nid maɗi ah ele anam daaglag, amge da wan amuppan danab bu madappi, na buɗunad ag wan amu uun, wan amuppanu keeke kuɗum aon aɗaglag.

Genesis 39:21

haen amu ele Yawe nug Josep ele daapiɗ. Nug nug ele daayya, Yawe Nug Josepnu oo bodoettak kobol nuhig dim lamitta he, maniguittak gumak ikki danab nug Josepnu ena doya, dabmettom.

1 King 8:50

amu na ig nahipad danab ah, na ig ihinig hipunin digdig oh, ig nahip-ppa hemut amu, na amu oh uhuqna mekkan, na heppe, kekeɗ ig eɗigppig ele, ag ihinignu oo gai-iitta doya oo metta ehanittak kobol dim lamidna ig amu mekkaglagnu ool daatte.

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Sam 105:37

Yawe Nug nuhig danab ah enaib Isipnu diie ahan, ag silwa, gol kuɗum akkan ele gonana, Israel dilag huu okkai oh oolagppa auntai laa eheɗ laa ii oiyom.

Sam 106:46

Nug he, laa ag ag aɗualatteg, ag eppelagppa daappig amu, ag ahilagnu oolag gai-iitta doon, oolag mattan, ehanadppig.

Eksodas 11:2

⌊amunu,⌋ na gemu Israel danab ah oh, danabib iitta, ah ele, na ag oh amelagppa, ag Isip danab ah miag daatteb amu, ag ag gumadna gona, gol balanu, silwa balanu ele oɗ mattaglagnu appe doyeg!” awa aum.

Eksodas 11:3

Aria, Yawe aum bia Israel anam heppig haenppa amu, Yawe Nug he, Isip danab ah ag Israel dilagnu, ag maɗi nid maɗi ah ele bia ii anadppig. Iitta! Ag danab ah ena anadppig, amu Paronu ehanittak anuqak danab ele, ag Mosesnu, nug am danab okkainab ele dooppig ⌊amunu, ag keekenu appig amu, ag hagakka ii aoppig. Iitta ag appig bia madappig⌋.

Eksodas 12:35

Am Israel ag Moses aum bia, ag matu Isip danab ah gol balanu, silwa balanu, amu lamennu ele oɗ madappig.

Eksodas 12:36

Am Yawe Nug he, Isip danab ag Israel dilagnu ena anadppig, amu Isip ag Israel aɗi keeke aoglagnu oolag daye appig amu, ag madappig. Israel ag kobol anam heppig amunu, amuppa ag Isip danab ah dilag keeke amu ohbia aɗadppig.

Prowerb 16:7

Haen danab nug Yawe oo daatte bia oitte amu; Kayak Nug he, danab amu nug laikkud aakkuib iitta, nuhikkud kekeɗ ele ag nug ele oolag maɗoɗ ele laippu daatteb.

Aposel 7:10

Josep nug uug digdigppa dayeye, Kayak Nug amu ohppa ehanitte qagaiettakppa ii dayom. Amuam Kayak Nug doyak dabmak ena ele Josep mette, Paro, Isip dilag king, nug Josepnu oo daye, awa me Isip dilag gabman anuqak dayaya, king laugppanu keeke oh gumama, nug kingib waappa dayom.

Duteronomi 15:13

Na maɗi nid nahip laa, nug nahip uɗat hette ele amu, na heppe, uhuqak aokkunu amu, na nug aib eppeg hamu uuidppe ukkom.