Eksodas 3:18 - Nobonob Baibel

¹⁸ Kayak Nug Moses amegppa, nug Israel dilag ikki danab amelagppa anam akkunu awowa, amu Nug nai baula tuɗitta, Moses amegppa aum. “Na ag amelagppa anam appe amu, geha ag doon, na oɗen dim lamidkkulag. Aria, na Israel dilag ikki danab amu diippe, ag Isip dilag king toppa gona, inam amegppa akkulag. ‘Yawe, Nug am ig Hibru, ihinig Kayak, Nug ig atu taɗakppa gota, doɗ mait, Nug mettata, Nug noobppa dup nota, Nug binag mekkunignu ig gumikka uɗia, ig amenigppa aum amunu, na ig paɗaigppe, ig atu taɗak ooppa deɗ ewam gota teta, appa ig doɗ mait, Yawe mettagnignu oɗ medattem. Nug am ihinig Kayak.’ Ag anam aon aig!

Eksodas 3:18 ပူးပေါင်းရင်းမြစ်များ

Genesis 12:1

Amu Yawe Nug anukka Abram amegppa nai imu ana malom. “Na ahan, wan nahip imu uuna, na tiin laippu, laipad ele uuadna, wan laa, da na ippunidkkul amu, na amuppa ukke!

Genesis 14:13

King amu ag anam heeg ukke, Abram nug am Hibru danab amu, haen amuppa nug Mamrenu ad ok gukkuattak dayom. Dayeye amu, Amo danab onilag Mamre, Eskol, Aner ele, ag am eamakkud amu, ag Abram ele nug tituanak ena daanna oidppig. Anam daaegeg amu, bannu oolak danab laippu nug Abram gumitta ukka, nug amegppa aum. “Ag Lot aɗi ele diiadna goppig,” awa aum.

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Genesis 48:3

Dayeye, Josep nug gumitta wa, Jakop nug aum. “Kayak Nukka Ɠagattag Oh Ele Nug Kanan wanppa aab laa onig Lus, appa gumiɗa na itiɗa,

2 Stori 30:12

King, nuhikkud ehanittak anuqak danab ele ag Yawe Nug ag Pasowanu aɗi hekkulagnu ippuanattom hekkulagnu haknunab appig amu, Juda appa Kayak Nug he, Juda danab ah ag nai amu dim lamidkkulagnu dabmak amu aon dayeg, dabmak amu ɠagattag dayom.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Eksodas 10:3

Yawe Nug anam a, Moses, Aron ele aa Paro gumidya goya, aa nug amegppa inam apiɗ. “Yawe, Nug ig Hibru, ihinig Kayak, Nug atte. ‘Na nai dahil tappae neene, da waalppa ele ii daanna, anam henan daattem; amu na haen gane laa ele ukkeb, na kobol amu uukkut? Da attem! Na danab ah dahilad amu paɗadppe, ag gona, da noolppa dup nona binal meig!’ ” awa aum.

Eksodas 17:5

Moses nug anam a, aria Yawe Nug Moses amegppa aum. “Na Israel dilag ikki danab laala diippe, ag danab ah noolagppa anuqna gonana, na dudqak hokkat, na anukka Nil le dudqak hokkat amuppa ome amu, na dudqak hokkat amu ele aon ukke!

Eksodas 19:1

Israel ag Repidimnu ahan, oin oin gona, Sinainu atu taɗakppa tena, Sinai qauko diigppa, ag haen tutu dayaknu aab kalan daappig. Ag Isip uun, kalam aɗit oin, kalam ewam, deɗ digmakppa ag qauko Sinai diigppa teppig.

Eksodas 25:22

Ag amu oh heppeg amu, aria da Tituanak Nainu Kunup kontrak inak ele, da amu ameg attan, engel okkai-kerubim aɗit gamalahppa, da appa dayeye ⌊appi⌋, i oh qagmeɗa daagnih. I geha qagmeɗa, da ɗo nai dahil oh Israel dim lamidkkulagnu, da na amenppa mehuqkkul.

Eksodas 3:12

Amu Kayak Nug inam aum. “Da na ele daagnih. Amu geha na da, da na Israel ehanadkkutnu meitti gome ootppa genab dookkutnu at am, haen na Israel danab ah omaladppe, ag Isip uuglag, haen amuppa ag oh uɗin, ag qauko imuppa da noolppa dup nona binal mekkulag,” awa aum.

Eksodas 3:16

Kayak Nug anam awowa, Nug nai tuɗitta aum. “Amu na gona, Israel dilag ikki danab qagmaadna, na dahilnu ag amelagppa inam appe doyeg! ‘Yawe, Nug ag mamelkad aɗi dilag Kayak, Nug Abrahamnu, Aisaknu, amu Jakop elenu Kayak amu, Nug da gumiɗa na, Nug ahilagnu inam aum. “Da ag anattette, da kobol nau oh Isip ag ahilagppa hetteb amu da amu ele anidmi.

Eksodas 30:36

Na amu hena, na amunu laa aon, batappe, kalu neeb, na kalu amu dahil mettid haknu peh lag danab ah appa qagmetteb ele, lag amu ooppa aon gona, da noolppa Tituanak Nainu Kunup kontrak inak ele guguittak, aben da na ele qagmekkunih amu, na aguppa me! Na keeke amunu am dahilnu tituanaknab daatte, na amu doye!

Eksodas 30:6

Amu ag amu oh hena malona, ag qaɗab amu dahil mettid haknu peh lag ooppa, Oo Gun Ele, Oo Gunnab Ele makkulaknu lamen guguittak Oo Gun Eleppa meig! Tituanak Nainu Kunup kontrak inak ele, kunup amu ameg, kunup qaɗeppa daatte, ameg amuam eheɗ haknu nob nau tiigppa iitta me elele medatte ippunadtte, da ag ele appa qagmekkunig amu, keeke amu oh am Oo Gun Ele, Oo Gunnab Ele makkulaknu lamen dimugppa Oo Gunnab Eleppa daatteb; amu ag qaɗab lamen amu guguittak, Tituanak Nainu kunup daatte, amu eleleppa, Oo Gun Eleppa meig!

Eksodas 4:1

Kayak Nug anam a, Moses Nug amegppa inam aum. “Amge Israel ag dahil nai dooglagnu uuglagtai, oolagppa ele genab iitai dooglag. Da nai mehuqkkul amu, aria ag geha inam akkulagtai. ‘Na hambubuttem. Yawe Nug na gumitta ii neum.’ ⌊Ag anam akkulagtai amunu, ag anam appeg, geha da attem hekkul?⌋” awa aum.

Eksodas 4:23

amu da na amenppa ami, Na dahil nid paɗappe, nug ukka, da noolppa dup noa binal maɗ! ami. Da anam ami, amge na da ami bia ii hena, ii uuatte goppig amunu, da nahip nid danab tatamnu amu qeppi mauhkku.” ’ Na anam appe doyaɗ!” Yawe Nug Moses amegppa anam aum.

Eksodas 4:24

Aria, Isip ukkak ibppa Moses niiom, aben amuppa, Yawe Nug Moses uɗa ta, Nug Moses qeeb mauhkkunu dayom.

Eksodas 4:31

Nug anam he, ag oolagppa genab dooppig. Amu haen ag Yawe Nug ahilagnu dabmak awawa dayom doon, Nug ele Isip ag kobol eheɗ iɗu iɗu ahilagppa heppig anttom ele doon amu, ag dup nona, Yawe binag meppig.

Eksodas 5:1

Aria, amu dimppa amu Moses, Aron ele aa Paro gumidya goya apiɗ. “Yawe, Nug ig Israel, ihinig Kayak, Nug atte. ‘Na dahil danab ah uuadppe, ag da dabmeɗanna qagmak gamag ahak ele hekkulagnu atu taɗakppa ukkeg!’ Yawe Nug anam atte.” Aa Paro amegppa anam aoya apiɗ.

Eksodas 5:3

Nug anam a amu aa apiɗ. “Kayak, Nug ig Hibru danab, ihinig Kayak amu, Nug ihinihppa na, Nug ig inam hekkunignu aum. Ig atu taɗak ooppa gokkunignu amu, ig deɗ ewam oit oit gokkunig. Ig gota, aben ig tekkunig ele, ig appa doɗ mait, Yawe mettagnig. Nug am ihinig Kayak. Na ig uuigppe gokkunignu atte. Ig gota, nuhignu anam ii hekkunig dayeb amu, Nug heeb, ig oɗe nau danab kuɗum aqe mauhtteb digdig aognigtai, o banppa eheɗ nauhkkunigtai,” aoya apiɗ.

Eksodas 7:16

Gona daappe, nug dob, na Paro amegppa inam akkut. ‘Yawe, Nug ig Hibru, ihinig Kayak, Nug da na amenppa appi, na nuhikkud danab ah paɗadppe, ag gona, atu taɗakppa Nug noobppa dup nona binag mekkulagnu, Nug da na amenppa amu appi dookkutnu meiɗe uɗimi. Na anam hekkutnu aum, amge na nai amu ii doon hee, uɗia gemu batom

Eksodas 8:1

Deɗ eblaih aɗit ele amu uue amu, Yawe Nug Moses amegppa inam aum. “Na Paro gumidna gona, dahil nai imu appe doyaɗ! ‘Yawe Nug na amenppa inam atte. “Na danab ah dahilad, ag da noolppa dup nona binal mekkulagnu amu, na ag paɗadppe ukkeg!

Eksodas 8:20

Amu dimppa amu, Yawe Nug Moses amegppa inam aum. “Buttuanab Paro geha leppa gokku amunu, na gona, nug anidna, dahil nai imu nug amegppa akkut. ‘Yawe Nug inam atte. “Danab ah dahilad, ag da noolppa dup nona binal mekkulagnu amu, na ag paɗadppe, ag atu taɗakppa ukkeg!

Eksodas 8:23

Da keeke nahipad danab ah dilagppa hekkul amu, da amubia dahilad danab ah dilagppa laa iinab hepa. Doye! Dahilnu dabmettaknu kobol danab haknu elele iitta amu, am butti ana bekku.” ’ ” Yawe Nug anam Moses oɗeppa Paro amegppa aum.

Eksodas 9:1

Paro anam he, dimppa Yawe Nug Moses amegppa aum. “Na gona, Paro amegppa inam appe dookku! ‘Yawe, Nug ig Hibru, ihinig Kayak amu, Nug na amenppa inam atte. “Na danab ah dahilad ag gona, da noolppa dup nona binal mekkulagnu, na ag paɗadppe ukkeg!” ’ ” awa aum.

Eksodas 9:13

Aria, amu dimppa Yawe Nug Moses amegppa inam aum. “Butti buttuanab na ahan gona, Paro anidna amu, na nug amegppa inam akkut! ‘Yawe, ig Hibru, ihinig Kayak, Nug atte. “Na dahilad danab ah ag gona, da noolppa dup nona binal mekkulagnu na paɗadppe ukkeg!

Aisaia 64:5

Danab ah ag oolag gamag ahe, ib tutukku dim lamidtteb, ag nahip ib daulagppa doowo oitteb ele amu, na ag ehanadkkutnu uɗittem. Amge ig nahip ib uuta, ig tuɗidta, ihinig ib mattat gota, hipunin hemut amunu, na oot nauhom. Amu ig na ippunppa ii gokkunig dayeb amu, attemu ig padal mematanu ehanittak aognig?

Jeremaia 2:2

“Na ahan, Juda danab ah oh ag nai dahil imu dooglagnu appe doyeg! ‘Ag Israel, ag dahil ah bia daatteb. Amu da Yawe, da anukka ag dahilnu oo mauhaknab dooppig daulppa dotte. Ag ah bau nug gamunu oo mauhtte, amubia ag dahilnu oo mauhak dooppig. Ag anam doon, ag atu taɗak, appa ag dim lamiɗna uɗippig. Ao, wan danab ah keeke ii ebattebppa, appa ag da dim lamiɗppig.

Jeremaia 2:6

Ag inam bia dabmelob. ‘Yawe omaikke, ig Isip wan uut, Nug atu taɗakppa omaikke uɗimut. Atu taɗak amuam atu taɗaknab, am nau. Ee keeke appa ii daatte. Ao, atu amu, appa keeke laa ii daatte, ihiib ameg qagma, gokkaɗa nan daatte. Atu amuam qaɗaiettak, gu ii nette. Ao, danab appa mauhkkunu am miagnab daatte. Atu taɗak amuppa am, danab laa ii daatte. Ge, appa ele danab ah ag ii oitteb.’ Ag dahilnu anam dabmelob, amge iitta. Ag amuam ii dabmeppig.

Jeremaia 26:5

ag nai dahilad maɗi nid, ag propet, da ag maatti, ahilagppa haen kuɗum uɗin, nai mattieg ag ii dooppig, ag daulag human, amu dilag nai ii dooglag amu,

Namba 17:4

Aria, Israel dilag huu okkai anen anenppanu ikki danab anen anen ag hokkat medappeg amu, na hokkat amu dahil mettid haknu peh lag danab ah appa qagmetteb ele, na peh amuppa Tituanak Nainu Kunup kontrak inak ele noobppa maatte! Appa amu da ag ele qagmettem.

Josua 1:17

Ig haen oh Moses oɗe doota dim lamidmut bia, ig na oɗen doota dim lamidkkunig. Ig oonig keeke laippunu aakkuib niitte. Amuam Yawe, nahip Kayak, Nug Moses ele daapiɗ bia, Nug na ele anam daaglahnu oonig hette.