Eksodas 3:16 - Nobonob Baibel

¹⁶ Kayak Nug anam awowa, Nug nai tuɗitta aum. “Amu na gona, Israel dilag ikki danab qagmaadna, na dahilnu ag amelagppa inam appe doyeg! ‘Yawe, Nug ag mamelkad aɗi dilag Kayak, Nug Abrahamnu, Aisaknu, amu Jakop elenu Kayak amu, Nug da gumiɗa na, Nug ahilagnu inam aum. “Da ag anattette, da kobol nau oh Isip ag ahilagppa hetteb amu da amu ele anidmi.

Eksodas 3:16 ပူးပေါင်းရင်းမြစ်များ

Genesis 1:7

Anam amunu, aben uma ukkak le gamagppa beum. Be, le laa honap piɗe daye, le laa attan piɗe ele dayom; le aben laippuppa ii dayom, piɗe piɗe dayom. Kayak Nug a amu, am anam aakku beum.

Genesis 21:1

Aria, Abraham nug wau Sarah ele aa oieheh, Yawe Nug Sarahnu oo bodoette enanag maɗoɗ ele hak kobol dim lamitta, Nug anukka Sarahnu keeke hekkunu nai anan qakkom amu, Nug heum.

Genesis 28:13

Yawe Nug adqaɗ igippa dayaya, nug Jakop amegppa aum. “Da am Yawe, na alan Abraham, na mamen Aisak ele dilah Kayak. Na niittemppa, wan amu da heppi, na, amu na buɗunad ele aoglag.

Genesis 48:15

Nug anam hewowa amu, nug ⌊nid aɗit itittak ena inam mata, amuppa nug ele⌋ Josep itittak ena mettom. Nug itittatta aum. “Kayak, da mamel Aisak, da alal Abraham ele Nug noobppa oittapiɗ; Kayak, Nug da bau dayak dahil oh gumiɗaɗa ehaniɗom, gemu ele ehaniɗtte;

Genesis 50:24

Aria, dimppa Josep nug awakkud amag ele amelagppa aum. “Da mauhkkul hettem, amge Kayak Nug ehanatteb, ag eɗun, Kanan wanppa gokkulag. Kayak Nug Abraham, Aisak amu Jakop ele wan amu madakkunu nuhig nai ɠagattag qa, ag amelagppa mattiom,” awa aum.

Sam 102:21

Yawe Nug anam hekku amunu, Sion appa danab ah ag Nug onig mehuqkkulag. Ao, Jerusalem appa ag Nug binag mekkulag.

Sam 33:18

Anam aakku daatte, amge Yawe Nug danab ag nuhignu ebehilag oh bodoetta le mette ele, Nug ag ehanadtte. Yo, Nug laa ag nuhig oo mauhaknab kobolnu dabmenan oitteb ele amu, ag ehanadtte.

Sam 8:4

⌊Keeke amu oh am keeke okkainab; aria⌋ danab ah amu, ag am aɗi daatteb amunu, na ag dabmattanna daattem? Ao, danab bekkalkad, ag am aɗi daatteb amunu, na ag atognoadttem?

Eksodas 1:8

Israel ag anam appatna daaeg, haen elab ukke, dimppa king laa ba, nug Isip gumom. King amu nug Josepnu kaya nakok laa ii doyom.

Eksodas 13:19

Ag gonana, ag Josep ebehi ele maon goppig. Aɗinu? Anukka Josep nug Israel bekkod laa amelagppa aum. “Geha dimppa Kayak Nug ag Israel, ag Isipnu eɗua diia gokku amunu, haen amuppa ag da ebehil ippanu aon ele ukkeg!” awa aum. Josep anam awa ana, nug he, ag amu hekkulagnu nai mattin, ɠagattag qedappig. Ag anam appig amunu, Moses he, ag Josep ebehi ele maon goppig.

Eksodas 15:14

Wanppan wan ohppa danab daatteb amu, ag keeke imunu nai doona, ag huan baɗan, ottaikkulag. Ao, Pilistia ag eheɗ nau baɗaglag.

Eksodas 17:5

Moses nug anam a, aria Yawe Nug Moses amegppa aum. “Na Israel dilag ikki danab laala diippe, ag danab ah noolagppa anuqna gonana, na dudqak hokkat, na anukka Nil le dudqak hokkat amuppa ome amu, na dudqak hokkat amu ele aon ukke!

Eksodas 18:12

Am Jetro nug manaknu ofa, Kayak medakkunu awa uɗia, doɗ laala ele mana, Kayak medakkunu awa uɗiom. Nug awa uɗia mana, Kayak mette, Aron nug, amu Israel dilag ikki danab oh ele ag uɗieg, ag Moses tana ele, Kayak noobppa ee lappig.

Eksodas 2:25

Kayak Nug amu dabmaama, Israel neekkatta, ⌊ag naunab daaegeg antta,⌋ Nug ahilagnu oo doye, ⌊Nug ag ehanadkkunu dabmeum⌋.

Eksodas 24:11

Israel dilag ikki amu ag Kayak anam anidppig, amge Kayak Nug he, ag ii padal meppig. Aria, dimppa ag aben amuppa ag ee, le ele lappig.

Eksodas 3:2

Amu Moses nug appa oiyeye, Yawenu engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayeye, Moses nug ad amuppa aab ewewe anttom, amge nug aab dittia, ad ewa ii malele ele anttom.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Eksodas 4:1

Kayak Nug anam a, Moses Nug amegppa inam aum. “Amge Israel ag dahil nai dooglagnu uuglagtai, oolagppa ele genab iitai dooglag. Da nai mehuqkkul amu, aria ag geha inam akkulagtai. ‘Na hambubuttem. Yawe Nug na gumitta ii neum.’ ⌊Ag anam akkulagtai amunu, ag anam appeg, geha da attem hekkul?⌋” awa aum.

Eksodas 4:29

Amu dimppa amu Moses, Aron ele ⌊aa Isip goya,⌋ aa Israel dilag ikki danab qagmaadya,

Eksodas 4:31

Nug anam he, ag oolagppa genab dooppig. Amu haen ag Yawe Nug ahilagnu dabmak awawa dayom doon, Nug ele Isip ag kobol eheɗ iɗu iɗu ahilagppa heppig anttom ele doon amu, ag dup nona, Yawe binag meppig.

Eksodas 4:5

Yawe Nug anam a, Moses nug anam he, Yawe Nug aum. “Na Israel gumadna gona, na heme imu bia ele hekkut. Amu na anam hekkutnu diig am, Israel danab ah ag anidna, ag da Yawe, da genab na gumitte nemi oolagppa genab dooglagnu hekkut. Da am Yawe, da ag mamelkad aɗi dilag Kayak, amuam da am Abrahamnu Kayak, am Aisaknu Kayak, amu Jakopnu Kayak ele,” awa aum.

Matyu 26:3

Haen amuppa mana mettak danab okkai amu Juda dilag ikki danab ele, ag oh mana mettak ikki danab onig Kaiapas nug laug enanagppa qagmeppig.

Luk 1:68

“Ig Naɗi, Israel dilag Kayak, Nug binag metu. Aɗinu? Nug uɗia, Israel danab nuhikkud qagaiettakppanu eɗua uhuqak ha mattom.

Luk 19:44

geha ag ag Juda, ag buɗulkad ele tappaladna oɗoɗadna autna aoglag. Aab okkainu aɗ, lag ele menppa heppig amu kekeɗ ag loppaɗppeg, men laa nug laa qaɗeppa iinab daama. Kayak Nug ag Juda ehanadkkunu heum, amge ag amu ii dabmeppig amunu, kekeɗ ahilagnu ag anam hekkulag,” awa aum.

Aposel 11:30

Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.

Aposel 15:14

Saimon nug ig amenigppa a, ig aakku doomut. Amuam digmakppa Kayak Nug iitta aɗi ehanadkkunu dabmaama, nug ahilagppa na, Nug danab ah amu oolagppanu danab ah nuhikkud diiattom.

Aposel 20:17

Amge ig Miletus tewota amu, Pol nug Epesus Kristen tamaniak ikki danab ag nug gumidna uɗiglagnu onilagppa eum.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

Rut 1:6

Aria, Naomi nug anam Moap wanppa dayaya, nug, “Yawe Nug danab ah nuhikkud, Israel wanppa daatteb, Nug he, enug haen iitta me, Nug ag ehanatta, ee madatte,” nai amu nug doyom amunu nug, nug ahipoɗ ele ag eɗun, Juda wanppa gokkulagnu bappaidppig.