Eksodas 3:1 - Nobonob Baibel

¹ Haen amu Moses nug tana Jetro, Midian dilag mana mettak danab amu, nug nuhig sipsip, meeme ele gumadttom. Am haen laa Moses nug sipsip, meeme ele amu diia, atu taɗak obata ⌊qinonob oiya oiya⌋ ukka ukka, nug qauko Horep teum. Qauko amuam Kayaknu.

Eksodas 3:1 ပူးပေါင်းရင်းမြစ်များ

1 King 19:19

Yawe Nug anam Elaiya amegppa aum amunu, Elaiya nug appanu aha ukka, nug Sapat bekka Elisa gumitta ukkom. Elisa nug plau eeɗaknu makau 24 mamelag dayom. Makau amu ag aɗit aɗit plau anen anen eeɗattegeg, danab 11 Elisa ele ag gumadnan lamadppig. Danab laa ag anuqna ukkaegeg, Elisa nug makau nuhikuɗ lamatata, danab laa oh dim lamatta, wan buuom. Nug buuewe, Elaiya nug uɗia, qe-eɗidkkunu haaha, nug lamen nuhig Elisa beɗuppa meum.

1 King 19:8

Engel nug anam a, Elaiya nug ee, le ele baula lawowa, nug aha, ee, le ele amu ɠagattag mette, deɗ 40, tuqan 40 ele ukka ukka, Kayaknu qauko onig Horep, appa ukkom.

Sam 106:19

Israel danab ah ag Horep qaukoppa makau gaiɗ dottog heppig. Ag golppa dottog heppig amu, nuhignu dup nona binag meppig.

Eksodas 17:6

Na gobeppe, da geha men laa Horep guguittak daatte amu, da men amu attan daappi, na da gukkuiɗna doppe, da na noomppa daappi, na dudqak hokkat amuppa men amu oppe, geha men amuppanu le beeb, danab ah ag lakkulag,” awa aum. Aria, Israel dilag ikki danab ag Moses anam he, menppanu le be anidppig.

Eksodas 18:12

Am Jetro nug manaknu ofa, Kayak medakkunu awa uɗia, doɗ laala ele mana, Kayak medakkunu awa uɗiom. Nug awa uɗia mana, Kayak mette, Aron nug, amu Israel dilag ikki danab oh ele ag uɗieg, ag Moses tana ele, Kayak noobppa ee lappig.

Eksodas 19:11

ag laatu buttua, ag da noolppa elele daaglagnu babaittak dayeg! Aɗinu? Deɗ amuppa da Yawe, da geha nein, Sinai qaukoppa daappi, danab ah ag da aniɗkkulag.

Eksodas 19:3

Aria, Moses nug ⌊Kayak ele aa nai mattiglahnu⌋ qaukoppa ta, ⌊nug Yawe gumitta te,⌋ Yawe Nug qaukoppanu Moses onigppa ewa, nug amegppa aum. “Nai laala na Israel danab ah amelagppa appe dooglagnu am inam. Ao, na Jakop buɗub, na ag amelagppa nai appe dooglagnu am inam.

Eksodas 2:16

Midian wan amuppa amu, mana mettak danab laa dayom, ⌊nug onig Jetro⌋. Nug am aɗekkud eblaih aɗit ele. Ah amu ag ⌊hanhan⌋ uɗin, ag mamelagnu sipsip, meeme ele le lakkulagnu ⌊le moɗ amuppanu⌋ le itan, doɗ dilag le lanak tappiɗppa gokkaɗeg noum.

Eksodas 2:18

Aria dimppa ag eɗun, mamelag Reuel, ⌊Jetro ele atteb,⌋ amu, ag nug toppa ukkaeg, nug inam awa oɗ mattom. “Aɗinu ag gemu pahanab eɗun uɗippig?” oɗ mattom.

Eksodas 2:21

Ag anam heeg ⌊ukke, dimppa amu Jetro nug Moses nug ele oh daaglahnu oo dayom amu,⌋ Moses nug ele appa daaglahnu oo daye, “Ena,” awa a, aakku Jetro nug aɗeg laa Sipora awa, Moses mette, aa ewau matulak aopiɗ.

Eksodas 24:13

Yawe Nug Moses amegppa anam a, aria Moses nug nuhig maɗi nid Josua ele aa ahaya, Moses nug Kayaknu qauko igippa tekkunu teum.

Eksodas 3:12

Amu Kayak Nug inam aum. “Da na ele daagnih. Amu geha na da, da na Israel ehanadkkutnu meitti gome ootppa genab dookkutnu at am, haen na Israel danab ah omaladppe, ag Isip uuglag, haen amuppa ag oh uɗin, ag qauko imuppa da noolppa dup nona binal mekkulag,” awa aum.

Eksodas 3:5

Awa a amu, Kayak Nug aum. “Na tuɗidna, aib gukkuiɗna dome,” awa aum. Nug anam anana, Nug nai tuɗitta aum. “Wan na hippaidna daattemppa, amuam dahilnu tituanak daatte amunu, na baen gaɗa meme ele amu, na uɗe!” awa aum.

Eksodas 33:6

Yawe Nug anam aum, haen amuppa ag Horep qaukoppa daappig amu, haen amuppa ag bala amu uhuqeg ne gonana, ag eɗun ii meppig.

Eksodas 4:18

Yawe Nug Moses amegppa nai amu mattia male, Moses nug eɗua, tana Jetro gumitta ukka, amegppa aum. “Na uuiɗppe, da eɗue Isip ukken, da lailad anadkkulnu ool daatte. Ag ana daattebtai, o ag mauhppigtai amu, da dookkul,” awa aum. Jetro nug amunu ena doya, nug Moses amegppa aum. “Amu elele, na maɗoɗ ele ukke!” awa aum.

Eksodas 4:27

⌊Amge keeke amu oh ii nak haenppa amu,⌋ Yawe Nug Aron amegppa inam aum. “Na Moses uɗa tekkutnu amu, na atu taɗakppa ukke!” awa aum. Nug anam aum amunu, Aron nug aha ukka, Kayaknu qaukoppa, Moses uɗa ta, nug ootuqittom.

Amos 1:1

Nai imuam Amosnu nai. Amos nug sipsip gumak danab aab Tekoanu, nug ag oolagppanu sipsip gumak danab laa. Nug nai imu tuleglegppa anttom. Nug anttom, haen amuppa Usia nug Juda dilag king daye, Jehoas bekka Jeroboam nug Israel dilag king dayom. Nug tulegleg imu antte, maɗ aɗit uue, mim naɗi aakku neum. Nai imuam Israel dilagppa dimppa aɗi bekkunu nai.

Malakai 4:4

Amu Yawe Nukka Ɠagattag Oh Ele Nug atte. “⌊Ag nai dim lamidna hekkulagnu⌋ ag dahil maɗi nid Mosesnu nai aoppig amu, nai amu ag daulagppa doaɗ! Ao, ag ɗo iɗu iɗu, da Horep qaukoppa Israel oh dilagnu nug mettami amu, ɗo amu ag daulagppa doaɗ!

Namba 10:29

Amu haen Israel ag ahan, Sinai uuglagnu heppig amu, danab laa onig Hobap, nug ag ele oh daanna, oidppig. Hobap nug amu Reuel bekka. Reuel nug am Midian danab, nug amu Moses tana. Amu Moses nug oeb Hobap amegppa aum. “Ig am wan laa Yawe Nug megakkunu, nuhig nai anan qakkom amu, ig ahat, amuppa gokkunig hettem. Yawe Nug ig wan amuppa enanag daagnignu nai ana qakkom amunu, na ig ele oh gotu! Ig geha nahipnu enaib hekkunig,” awa aum.

Namba 10:33

Moses nug Hobap ele aa amu mattiya malaeh, dimppa amu Israel danab ah ag Sinai qauko uuna, ag digmena, deɗ ewam goppig. Laa ag Yawenu Tituanak Nainu Kunup kontrak inak ele, laa ag amu maoppig ele amu, ag Yawe Nug ag haen tutu dayak aab adekkuppa kalaglagnu ippuanatteb daaglagnu, ag danab ah noolag aon anuqna goppig.

Luk 2:8

Amu tuqan amuppa Betlehem aab guguittak doɗ sipsip gumattak danab ag sipsip gumadna daaegeg,

Aposel 7:30

Appa dayeye, maɗ 40 ukke, atu taɗakppa qauko Sainai guguittak engel nug tula, Moses toppa beum, amge Nug miag ii beum. Iitta. Nug aab ewak bia, ad nakok laa eppeg ooppa dayaya, tula beum.

Duteronomi 1:2

Danab ag hanhan oinna, qauko Horep uun, qauko Seir qe-eɗidna gonana, Kades Barnea gotteb ele amu, ag deɗ 11 gokkulagnu elele ⌊amge Israel danab ag Yawe oɗe tappaeg ne, haen elabnab atu taɗakppa oippig amunu⌋

Duteronomi 1:6

Ig Horep qaukoppa daautut, Yawe, ihinig Kayak, Nug ig amenigppa aum. “Ag qauko imuppa elele daappig.

Duteronomi 4:10

Anukka, Horep qaukoppa appa Yawe, ahilag Kayak, Nug da amelppa inam aum. “Na danab ah qagmadappe, da nai appi, ag dahil nai dooglagnu, ag doon, ag wanppa bau daatteb, haen amu oh ag dahilnu ebehilag oh bodoetta le mekkunu, ag nid naunau ahilkad dahil ɗo ele ippunadkkulagnu da noolppa dayeg!” Nug da amelppa anam a, da hei, ag Horep qaukoppa Nug noobppa qagmeppig amu, ag deɗ amu aib daulag atiom. Iitta! Ag daulagppa dayaɗ!

Ikki Danab 4:11

Amge tatam amu, Ken danab onig Heber, nug Ken buɗub laa, ag Moses wau appinag Hobap buɗub, nug ag oolagppanu laa amu, nug aha, laih ukka, nug Sananimnu ad ok diigppa peh lag nuhig qappom. Amuam Kedes guguittak.

1 Samuel 16:11

nahip nid danab imu iikkuibte? Da gumiɗna doppig amu, ag am nid danab nahip ohte, o iitta laa ele daattebte?” oɗ mettom. Nug anam a amu, Jesi nug aum. “Laippu laa daatte, nug am huh bieg dahil. Nug aab dimittim sipsip gumattatta daatte,” awa aum. Jesi nug anam a amu, Samuel nug aum, “Nid laa appe ukka, omala uɗiaɗ! Aɗinu? Ig paha mana mettak ii hemata. Iitta. Nug uɗieb, dimppa ig geha mana mettak hekkunig,” awa aum.