Eksodas 29:3 - Nobonob Baibel

³ Na amu oh hena malona, aria na bret digdig amu kaleg laappa inan, na bret amu, makau gaiɗ, amu sipsip dawai aɗit ele diin, da gumiɗna uɗin meɗe!

Eksodas 29:3 ပူးပေါင်းရင်းမြစ်များ

Eksodas 29:2

Na amu diin, na wit plaua enanag ele aon, na plaua laih laappa bret yis iitta hena, amu na plaua amu laih laappa na bret batappatak, yis iitta, goɗen ele kaboliak hena, amu na plaua amu laih laappa na bisket teppu iitta, yis iitta hena, goɗenppa laitte!

Eksodas 29:4

Amu dimppa na Aron bekkod ele omaladna gona, dahil mettid haknu peh lag danab ah appa qagmetteb ele, na ag lag amu odppa maadna heppe, ag le layeg!

Lewitikas 8:2

“Na gemu Aron, bekkod ele, amu ahilkad mana mettaknu uɗatnu bala ele, aria laittaknu goɗen, ib etta hipunin haknu ofa haknu makau dawai laippu, aria sipsip dawai aɗit, amu kaleg bret yis iitta ele amuppa daatte, amu ele, na amu oh diin,

Lewitikas 8:26

Amu nug kaleg bret yis iitta inak, Yawe noobppa daatte amu, nug kaleg amuppanu bret batappatak, yis iitta laippu, amu bret batappatak, yis iitta, goɗen ele kaboliak laippu, amu bisket teppu iitta, yis iitta laippu ele amu awa, ittag amu tuɗi naɗiap ele qaɗeppa maattom. Bret amu oh am kaleg, bret yis iitta inak, am kaleg amuppan awak.

Lewitikas 8:31

Moses nug anam hewowa amu, nug Aron, bekkod ele amelagppa aum. Ag mettid haknu peh lag danab ah appa qagmetteb ele, ag lag amu odppa, Nug ag anam hekkulagnunab aum bia, ag doɗ teppu laa daatte amu, ag amu oh uhina, ag appa ag baɗ awaknu ofanu kalegppa bret daatte amu ele laig! Ag amu hekkulagnunab amu, Yawe Nug inam aum. “Aron, bekkod ele aguppa laig!” awa aum.

Namba 6:17

Nug anam hewowa amu, nug kaleg bret yis iitta inak, nug amu awa, Yawe gumitta wana, Nug medakku. Ukka amu, nug sipsip dawai, danab o ah laa nug laippu dayaknu ofa amu hette amu, mana mettak danab nug doɗ amu mana, Yawe medakku. Nug sipsip dawai amu mana, Yawe medatta amu, nug amunu ee aegnu ofa, wain gokkaɗaknu ofa ele hekku.