Eksodas 28:4 - Nobonob Baibel

⁴ Ag amu hekkulagnu amu, na ag amelagppa appe, ag momo tonaknu lamen, ag lamen enanag-epod, ag lamen elab, aria lamen nakok elab, ag igippan lamen, amu ag lamen imuagppa matagiɗ bia qagakkunu ele koitatteg! Ag mana mettak lamen Aronnu amu hewona, amu nug bekkod nid danab dilag ele geha hadappeg, ag Aron ele dahil mana mettak uɗat hekkulag. Lamen amu oh am hamu hamu maknu lamen iitta. Iitta. Ag dahilnu tituanak daatteb, Aron bekkod ele ag dahil uɗat hekkulagnu henana, ag takkaglag.

Eksodas 28:4 ပူးပေါင်းရင်းမြစ်များ

2 Samuel 6:14

Amu Dawit nug lamen enanag-epod linenppa hak takka, nug anam dayaya, nug Yawe noobppa nuhig ɠagattag ohppa ahi goɗom.

Eksodas 25:7

aria, men oniks, amu men digdig, daden nob okkainab laa ele. Men digdig amu, ag am lamen enanag-epod, amu momo tonaknu lamen eleppa qataqekkulagnu daaglag. Ag na keeke amu oh medappeg awe!

Eksodas 29:6

Na amu hewona, na igippa lamen iton, na tappiɗ otala nag golppa hak nai yaak ele, dahilnu tituanak daatte amu, na amu ele aon, na igippanu lamen, na amuppa qakke!

Eksodas 39:28

Ag amu hena, ag igippan lamen, linen hakkabppa ikki itaknu lamen, amu lamen trausis tutu bia ele heppig.

Aisaia 11:5

Danab nug matagiɗ tagatte, amubia ⌊Jesi buɗub⌋ nug genab tutukku hak kobol aɗa dim lamidkku. Ao, danab lamen tagatte, amubia geha nug oo metta ii uuak kobol haen oh dim lamidkku.

Aisaia 59:17

Amu ban danab nug kekeɗ ele ban hekkunu, nug guppiɗ laa qahaɗ bia momoppa pale dayeye, nug igippa aen hat mewowa, bannu lamen ele tagatte amu, amubia Yawe Nug nuhig kekeɗ ele ban hekkulagnu keeke oh babaitta malom. Nuhig guppiɗ qahaɗ bia am genab tutukku hak kobol. Nuhig aen hat igippanu am ehanatteb, padal ii memananu kobol. Beɗuppanu lamen nuhig am kekeɗ ag eheɗ heppignu nob tutukku madakkunu dabmak aakku. Aria, nuhig lamen, lamen laa qaɗeppa daakkunu, amuam uɗat hekkunu daatte yag-nab-bak doyak aakku.

Hosea 3:4

⌊Amu bia amu⌋ Israel danab ah ag geha haen elabnab king iitta, anuqak danab iitta, Kayaknu dabmak doyaknu men aɗit iitta, ag mana mettak danab iitta, ag kayak hambuppuak dottog laa iitta, amu ag doɗ manadna, Kayak mettaglagnu ele, elele iitta daaglag amunu, ⌊ag Kayaknu dabmak pehettak aon, Nugib ag atognoadtte dabmekkulag⌋.

Epesus 6:14

Ag ⌊Kristen anen anen, ag⌋ ɠagattag daaglagnu ag imu heig! Ag doyak diig genabib, matagiɗ imualagppa tagatteb, amubia takkeg! Ag genab tutukku hak kobol aona, qahaɗ palatteb bia ag momolag heppeg nauhmananu paleg!

1 Tesalonaika 5:8

amge ig am amahlak bekkod, amunu ig ikka ig ihinig oiyak pehettak atognoak kobol dim lamidta oita, ig ooppa genab doyak, oo mauhak kobol ele aota, ban danab ag kekeɗ ag momolag heppeg nauhmanu qahaɗ palatteb, amubia ig kobol aɗit amu meta, Kayak Nug eɗua awigkkunu dabmak aɗat daattem ele, kobol amu ban danab ag ikkilagppa aen hat metteb ele amu, amubia ig meta oitu!

Revelesen 9:17

Da tuleglegppa hos amu danab hosppa daappig ele anadmi amu, ahilag ban bala amu inam. Danab ag momolagppanu qahaɗ am aenib. Qahaɗnu bala amu kokoɗ, ed hinqak bia amu lanlan ele. Hos ikkilkad amu laion ikki bia. Amu aab aɗu, kahug, kalu laa huana eotte onig salpa ewawa, ag oɗelagppanu bena goppig.

1 Samuel 2:18

Amu nid danab Samuel, nug Silo appa Yawe noobppa lamen enanag-epod linenppa hak tagakka, Yawenu ɗo maɗoɗ uɗat heum.

1 Samuel 22:18

Saulnu gumak danab ag mana mettak danab ameg amu aqaglagnu uueg, King Saul nug Doeg amegppa aum. “Na ahan, aqappe mauheg!” awa aum. Nug anam a, Doeg, nug Edom ted, nug aha, aqe mauhppig. Nug deɗ amuppa danab 85 aqom; ag oh am mana mettak danabib daappig.

1 Samuel 23:6

Ahimelek bekka Abiatar nug oola, Dawit gumitta ugakka amu, nug lamen enanag-epod am aɗa ukkom. Aɗa ukkom amu, aria Dawit nug nuhikkud ban danab ele Keila ukkaegeg, Abiatar nug ag ele oh gona, nug lamen amu ele awa ukkom.

1 Samuel 30:7

Dawit nug anam haaha, nug Ahimelek bekka, Abiatar, nug am mana mettak danab, nug inam amegppa aum. “Lamen enanag-epod aon uɗie!” awa aum. Nug anam a, Abiatar nug awa uɗiom.