Eksodas 27:8 - Nobonob Baibel

⁸ Ag qaɗab amu plangppa kunup bia hekkulag, amge ag kunup ameg waappa attan ele aib meppig; uuppeg, hamu anam dayeɗ! Da ippa qaukoppa dottog na ippunidmi iikku, amu ag anamnab aakku hekkulag.

Eksodas 27:8 ပူးပေါင်းရင်းမြစ်များ

1 Stori 28:11

Dawit nug anam mattia mala, nug Yawenu mettid lag dottog Solomon mettom. Dottog amuppa lag amu, lag amunu odppa ukkaknu oo laa, veranda bia, lag amunu lag laala, lag amunu keeke maknu oo, lag amunu oo attan daaglag, lag amunu Oo Gun Ele, amu lag amunu Oo Gunnab Ele, amu ohnu dottog dayom. Oo Gunnab Ele, amuppa mana mettak danab ag eheɗ haknu nob nau doɗ tiigppa iitta mekkunu heeb elele mettaknu uɗat heppig.

1 Stori 28:19

Dawit nug amu oh Solomon ippunitta, nug aum. “Yawe Nug da aɗaile, da Nug oɗeppanu nai awen yaami amu, nai amu oh amuppa daatte. Nug nai amu da meɗa he, da nuhig lag haknu dottog oh doyen malami,” awa aum.

Eksodas 25:40

Da na qaukoppa dottog ippunidmi bianab na heppe, ag keeke amu oh anamib heig” awa aum.

Eksodas 25:9

Amu mettid haknu peh lag amu, keeke oh peh lag ooppanu ele, da na dottog ippunidkkul bianab na heppe, ag heig!” awa aum.

Matyu 15:9

Ag dup nona binal metteb, amge ag kobol genab dim lamidna ii hetteb. Iitta. Ag danab dilag dabmakppaib, amu ag danab dilag ɗoppaib amu hetteb,’ awa yom.” Jesus Nug anam aum.

Aposel 7:44

Aria, ig mamelkad aɗi anukka ag atu taɗakppa daappig amu, haen amuppa ag mettid haknu peh lag men maha aɗit ɗo nai yaak niitte ele appa daattep amu, ag peh lag amu ele aon oippig. Ag mettid haknu peh lag heppig amu, ag hekkulagnu dottog Kayak Moses ippunittom amu, ag amubia heppig.

Hibru 8:5

Mana mettak uɗat, ag wan imuppa hetteb ele amu, ag hab aabppa Kayaknu mettid lag ooppa kobol niitte amubia dottog aakku hetteb. Nai laa amu ippunigtte am nai anukka Kayak Nug Moses amegppa aum. Nai amuam haen Moses nug Kayaknu mettid haknu peh lag digma hekkunu heehe, Kayak aum. “Da na qaukoppa dottog ippunidmi bianab na heppe, ag keeke amu oh anamib heig!” awa aum.