Eksodas 27:3 - Nobonob Baibel

³ Ag qaɗab amu hena, ag brasib aon, tappiɗ okkai laala aab uhuɗ awaknu hewona, sabol naunau, tiig amuppanu awa tauɗeb ukkaknu tappiɗ, huɗup ele hena, aria, tappiɗ nakok, aab ma mawa ukkaknu amu, ag amu oh ele heig!

Eksodas 27:3 ပူးပေါင်းရင်းမြစ်များ

1 King 7:40

Amu Huram nug tappiɗ, sabol naunau, amu tiig amuppanu awa tauɗeb ukkaknu tappiɗ ele hattom. Amu Huram nug aakku uɗat oh King Solomon nug Yawenu mettid lag, nug amuppa hekkunu nug mettom amu, nug aakku ha malom.

1 King 7:45

waa ⌊brasppa hak⌋; sabol; amu tiig amuppanu awa tauɗeb ukkaknu tappiɗ ele. King Solomon nug Huram Yawenu mettid lagnu keeke aɗi aɗi hadakkunu aum amu, nug keeke amu oh bras amemɗi aotte eleppa heum.

1 King 7:50

tappiɗ gol ena dubuttid iitta eleppa hak; lamnu wik babaittaknu keeke; tiig amuppanu awa tauɗeb ukkaknu tappiɗ, tappiɗ naunau, amu tappiɗ danab amuppa kalu danab ile muttuɗig enanag bette ilappig ele, amu oh am gol ena dubuttid iitta eleppa hak; mettid lag Oo Gunnab Ele, amunu odnu hinsis, amu Kayaknu mettid lag, amunu odnu hinsis ele golppa hak.

2 King 25:14

Ag amu aon gonana, ag waa, sabol naunau, lam wik eeɗaknu keeke, tappiɗ, am keeke laa oh brasppa hak, Juda dilag mana mettak danab ag amuppa Yawenu mettid lag, amuppa uɗat heppig ele, Babilon ag amu ele aon goppig.

2 King 25:15

Nebusaradan, nug daup Nebukatnesar gumappig dilag okkai amu, nug tappiɗ, mana mettak danab ag amuppa kalu danab ile muttuɗig enanag bette ele manaknu uɗat hetteb, tiig amuppanu awa tauɗeb ukkaknu tappiɗ, keeke oh gol ena dubuttid iitta ele, o silwa ena dubuttid iitta eleppa hak amu, nug amu oh awa, Babilon ukkom.

1 Stori 28:17

Nug anam awowa, nug huɗup, tiig amuppanu awa tauɗeb ukkaknu tappiɗ, hinai ele, keeke amu oh am gol ena dubuttid iitta eleppa hak amu, nug gol uug ganeppa amu anen anen haknu Solomon amegppa ana, nug tappiɗ golppa hak amu, nug gol uug ganeppa amu anen anennu haknu ele ana, nug tappiɗ silwappa hak amu, nug silwa uug ganeppa amu anen anen haknu ele nug amegppa aum.

2 Stori 4:11

Amu Huram ⌊nug Solomon waappa dayaya, uɗat heum amu,⌋ nug waa ⌊brasppa hak⌋, sabol naunau, amu tiig amuppanu awa tauɗeb ukkaknu tappiɗ ele hattom. Amu Huram nug aakku uɗat King Solomon nug Kayaknu mettid lag, amuppa hekkunu nug mettom amu, nug aakku ha malom.

2 Stori 4:16

waa ⌊brasppa hak⌋, sabol, amu teppu awaknu huɗup ele. King Solomon nug Huram Abi Yawenu mettid lagnu keeke aɗi aɗi hadakkunu aum amu, nug keeke amu oh bras amemɗi aotte eleppa heum.

Eksodas 24:6

Ag mana mettak amu heegeg, Moses nug doɗ amu tiilag awa, tappiɗ laala diia, tiig laih tappiɗ amuppa gokkaɗe no, laih laa, gokkaɗe noum bia, nug laih amu qaɗabppa tauɗe teum.

Eksodas 27:19

Amuam anam daakku, amge dahil mettid haknu peh lakkanu keeke laa oh, ag keeke amuppa dahil mettid haknu peh lakka uɗat hekkulag amu, ag keeke amu oh, amu pin elab mettid haknu peh lag taietteb, ɠagattag qaadkkunu, haɗapnu aɗ talilittaknu ele ɠagattag qaadkkunu pin elab, ag keeke amu oh brasppaib heig!

Eksodas 27:2

Ag henana amu, ag qaɗab ad akasia, amuppa hetteb, ag ad amuppaib ag keeke makau qeqeɗi bia waɗele qaɗabnu daug waɗele ohppa hoiatteg! Ag ad piɗenu hoyadna, qaɗabppa aib atulppig; laippu heig! Ag amu oh hewona, ag qaɗab amu oh brasppa toneg!

Eksodas 27:4

Amu ag qaɗab hena, ag nuhig keeke laa, battam okkai bia, ag keeke amu brasppa giɗo giɗo ele heig! Ag hewona, ag ring bras waɗele hattana, ag keeke battam okkai bia daug waɗeleppa qata-aqadna, keeke battam bia amu aɗan, qaɗab amu ooppa paɗappeg noaɗ! Ag paɗappeg noobob, keeke battam okkai bia bitob am qaɗab gamagppa, attan iitta, honap ele iitta, nug anam noa dayebeb, keeke battam okkai bia oɗe am qaɗab agappan maha, otala nakok okkai ele amu, am amu waappa daakku.

Eksodas 38:3

Ag qaɗab amu hena, ag brasib aon, tappiɗ okkai laala hewona, sabol naunau, tiig amuppanu awa tauɗeb ukkaknu tappiɗ, huɗup ele hena, aria, tappiɗ nakok, aab ma mawa ukkaknu amu, ag amu oh ele heppig.

Lewitikas 16:12

Nug qewowa, nug kalu danab ile muttuɗig enanag bettenu tappiɗ gapappa hak awa, amu nug ottag qaɗab Yawe noobppa daatte, amuppa awa ineb ambekku. Aria, nug eppeg aɗit ohppa kalu ile muttuɗig enanag bette amu appua awowa, nug amu, aria kalu ile muttuɗig enanag bettenu tappiɗ ele mawa, Oo Gun Ele, Oo Gunnab Ele makkulaknu lamen, nug amu ooppa, Oo Gunnab Eleppa nokku.

Namba 4:14

Anam dayeb amu, Aron, bekkod ele ag keeke oh mana mettak danab ag qaɗab brasppa hak, ag amuppa daanna, dahil ɗo maɗoɗnu uɗat amuppa hetteb ele amu, ag amuppa maadkkulag. Keeke amuam iikku; tappiɗ aab mawa oiyaknu, huɗup teppu yaaknu, sabol, amu tiig amuppanu awa tauɗeb ukkaknu tappiɗ. Ag keeke amu oh qaɗab tonaknu lamen qaɗeppa mewona, ag kakai maoi gaɗa otalona, ag tuqai aɗit aben ahilahppa aɗualatppeg wakkulah.