Eksodas 27:21 - Nobonob Baibel

²¹ Amu Aron nug bekkod ele ag geha lam amu dahil mettid haknu peh lag danab ah appa qagmetteb ele, ag peh lag amu ooppa, Oo Gun Ele, Oo Gunnab Ele makkulaknu lamen, Tituanak Nainu Kunup kontrak inak ele am lamen amu dimugppa Oo Gunnab Eleppa daatte amu, ag lamen amu guguittak, Oo Gun Eleppa mekkulag. Ag meppeg dayebeb, ag deɗ oh goɗen lamppa gokkaɗppeg noob, tueb meeb amotppeg, geha lam amu deɗ oh tuebnu ukkeb tuqan, tuqannu ukkeb wakkaɗak, aben da daattem amuppa, da Yawe, da noolppa ewawa dayaɗ! Ag Israel gemu daatteb, amu geha dimppa buɗub buɗub doobob, ag buɗulkad amu ele ag ɗo amu haen oh aɗan henana, mana mettak danab ag lam amu amotppeg, tueb digma ukka, buttua batak ewawa dayaɗ!” awa aum.

Eksodas 27:21 ပူးပေါင်းရင်းမြစ်များ

Genesis 1:5

Amahlak haennu amu, Kayak Nug onig, “amun,” ataɗa, gatatu haennu Nug onig, “tuqan,” ataɗa aum. Buttua ukka uudo, ukka wagkkaɗom am deɗ tatamnu.

Genesis 1:8

Kayak Nug aben uma ukkaknu onig, “hab waappa,” ataɗom. Buttua ukka uudo, ukka wagkkaɗom am deɗ ebqak aɗit.

2 Stori 13:11

Ag deɗ oh hanhan buttua, tueb ele manaknu ofa hena, Yawe mettan, ag kalu danab ile muttuɗig enanag bette ele amotna, Nug medatteb. Ag hanhan bret balal Yawe noobppa oppiaawak daatteppa meeg, ag lam, lam maattaknu balal golppa hak attan daatteb ele hanhan tueb amotadtteb. Aɗinu ig anam hettem? Ig Yawe, ihinig Kayak, Nug attem attem hekkunignu aum amu, ig hettem, amge ag Yawe ii dim lamidtteb. Ag Nug uuppig.

Sam 134:1

Ag danab ah ag Yawenu maɗi nid maɗi ah daatteb, ag tuqan Yawe laugppa nuhig ɗo maɗoɗnu uɗat hetteb ele, ag Nug binag meig!

Eksodas 12:14

Yawe Nug anam anana amu, Nug nai tuɗitta aum. “Gemu kobol ahilagppa bekku ele amu, ag amu dabmekkulagnu ag kalam imunu deɗ imu tituankkulag. Am ag buɗub buɗub doobob, ag buɗulkad, ag ele amu dabmekkulagnu, da gemu ag aɗi hekkulagnu attem amu, ag ele deɗ imuppa anamib hekkulag. Ag oh hanhan maɗ anen anenppa deɗ imuppa da, Yawe, ag kobol da hekkul imu daulagppa dokkunu, ag deɗ imu da dabmeɗanna qagmak gamag ahak ele henan daaglagnu dabmekkulag. Am ɗo laa ag dim lamidkkulagnu laa aakku.

Eksodas 16:34

Moses nug anam a, aria Aron nug Yawe haknunab nai Moses amegppa aum, Aron nug amubia maana waappa ina, nug waa amu Tituanak Nainu Kunup kontrak inak ele, aguppa daakkunu, amu noobppa meum.

Eksodas 25:16

Aria, ag amu oh hewona, dimppa da geha men maha aɗit ɗo nai yaak niitte ele, da amu na medappi, na men aɗit amu Tituanak Nainu Kunup, na amu ooppa inate!

Eksodas 28:43

geha haen Aron nug bekkod ele ag dahil mettid haknu peh lag danab ah appa qagmetteb ele, ag amu ooppa nokkulag, o ag dahil qaɗab gukkuidna, lag Oo Gun Eleppa dahil ɗo maɗoɗnu uɗat hekkulagnu gokkulag amu, ag beɗulagppa aab iitta daaglagnu, da heppi mauhmananu amu, ag trosis ahilag, amu lamen laa oh waappa meig! Ɗo amuam hanhan anam dayebeb, Aron buɗub ele ag anamib heig!” awa aum.

Eksodas 29:42

Mana mettak amu, amuam manaknu ofa, amu buɗub buɗub doobob, ag amu hanhan maɗ ohppa anamib haknu daakku. Ag hanhan da Yawe, da noolppa, dahil mettid haknu peh lag danab ah appa qagmetteb ele, peh lag amu odppa ag anam hekkulag. Aben amuppa amu, da na ele qagmeɗa, da na ele nai mattignih amu,

Eksodas 29:44

Kobol amu ohppa amu, da dahil mettid haknu peh lag danab ah appa qagmetteb ele, da mettid haknu peh lag amu, qaɗab, Aron, amu nug bekkod ele, amu oh dahilnu tituana mettak daaglagnu aakku da heppi, ag anam daaglag. Aron, bekkod ele ag anam daanna, ag dahil mana mettak danab daaglag.

Eksodas 30:36

Na amu hena, na amunu laa aon, batappe, kalu neeb, na kalu amu dahil mettid haknu peh lag danab ah appa qagmetteb ele, lag amu ooppa aon gona, da noolppa Tituanak Nainu Kunup kontrak inak ele guguittak, aben da na ele qagmekkunih amu, na aguppa me! Na keeke amunu am dahilnu tituanaknab daatte, na amu doye!

Eksodas 30:8

Nug buttua anam hewowa, nug tuebnab lam amotkkunu uɗia, amu haen amu ele nug kalu danab ile muttuɗig enanag bette ele manakku. Am buɗub buɗub doobob, hanhan maɗ ohppa daakkunu, nug buttua da, Yawe, da noolppa kalu danab ile muttuɗig enanag bette ele manom, anamib aakku tueb ele hekku. Ao, dimppa haen oh anamib dayaɗ!

Eksodas 40:3

Yawe Nug nuhig mettid haknu peh lag qappaknu ana, Nug nai tuɗitta aum. “Na mettid haknu peh lag amu oh qappona, na Tituanak Nainu Kunup kontrak inak ele, na amu aon, dahil mettid haknu peh lag ooppa mewon, Na Oo Gun Ele, Oo Gunnab Ele makkulaknu lamen, nainu kunup amu qehagkkunu, na amu aihe!

Lewitikas 10:9

“Na, amu na buɗunadppa ele ag iinab wain, o le ɠagattag laa lawona, mettid haknu peh lag danab ah appa qagmetteb ele, ag lag amu ooppa nokkulagoitte. Ag anam lawona, mettid haknu peh lag ooppa ii nokkulag dayeb amu, ag ii mauhmana. Ɗo imu buɗub buɗub doobob, ahilagnu hanhan daakkunu daatte.

Lewitikas 16:34

Ɗo imu amu ag Israel danab ah, am ag ahilagnu, hanhannu daatte. Mana mettak danab nug maɗ anen anenppa, haen laippu, hipunin ag heppignu amu, nug hipunin amu haknu nob nau tiigppa iitta meeb elele medakkunu hekkuoitte,” awa aum. Am Moses nug Yawenu nai dim lamitta hekkununab aum amu, nug amu oh dim lamitta heum.

Lewitikas 17:7

Am danab ah ag aben laih laih ouɗi nau dilagnu mana mettak hena, ag noolagppa dup nona binalag metteb amu, ag mana mettak hak amu uuglagoitte. Ɗo imu buɗub buɗub doobob, ahilagnu hanhan daakkunu daatte,’ ” awa aum.

Lewitikas 23:14

Ag ee aeg bau aon, aib bret, o ee meu manak, o ee meu bau lappig. Ag tatam aon manan, ahilag Kayak mettona, lakkulag. Ɗo imu ahilagnu hanhan daakku. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.

Lewitikas 23:21

Deɗ laippu amuppa amu, ag uɗat ahilag oh ag hanhan hetteb amu, ⌊mana mettak danab ag,⌋ ag amu uun, ii hemananu appeg, ag Yawe noobppa qagmena dup nona Nug binag mekkulagoitte. Ɗo imuam ahilag hanhannu daakku. Ag, amu buɗub buɗub doobob, ag ele, ag adeppa adeppa daaglag amu, ag ɗo imu aɗan autna aon, dim lamidkkulagoitte.

Lewitikas 24:2

“Na Israel danab ah amelagppa haknunab nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Lam maattak balalppa lam daatteb ⌊tuqan⌋ hanhan eoglagnu appe, ag olip goɗen ena lamppa noaknu akkan uɗieg!

Lewitikas 24:3

Lam amunu amu, Aron nug geha mettid haknu peh lag danab ah appa qagmetteb ele, lag amu ooppa, Oo Gun Ele, Oo Gunnab Ele makkulaknu lamen heqo laih Oo Gun Eleppa appa bappalatta, nug Yawe noobppa, amahlak amu tuɗid ele tuebnu ukka buttua eon amahalkkulagnu, nug dabmadatta atognoatta bappaladkkuoitte. Ɗo imu ahilagnu hanhan, buɗub buɗub doobob dayebeb, ag ɗo imu aɗan autna aon, dim lamidkkulagoitte.

Lewitikas 24:9

Bret kunum amu oh am Aron, nug buɗuppan danab ele aakkuib, ahilagnu daatte. Ag aben Kayaknu tituanak daatte ele, ag amuppa daanna lakkulagoitte. Aɗinu? Bret kunum amu, ag Yawe mettaknu aab aɗunu ofa ohnu laa aakku; amu mana mettak danab ag mana mettak amuppanu maha, ahilag ee daakkunu aoglag. Amu bret kunum imu, am maha amunu maha laa aakku; am Yawenu tituanaknab daatte,” awa aum.

Lewitikas 3:17

Ag ittagte, o tiigte amu iinab lakkulagoitte. Ɗo imu buɗub buɗub doobob, ahilagnu hanhan daakkunu daatte.” Moses nug anam aum.

Lewitikas 3:8

Nug awa wana, nug eppeg igippa mewowa, mettid haknu peh lag danab ah appa qagmetteb ele, nug lag amu odppa baag otaɗkkuoitte. Aron bekkod ag sipsip tiig aon, qaɗab gigin waɗele ohppa tauɗ qettaglag.

Lewitikas 6:15

Mana mettak danab nug plaua enanag, olip goɗen ele kaboliak eppeg laippuppa appua, amu kalu danab ile muttuɗig enanag bette ele daugppa mak oh ele aokku. Nug amu laa oh ou daakkunu qaɗabppa mana, Yawe medakku. Mana mettak amunu muttuɗignu, Yawe Nug ooppa ena dootte.

Lewitikas 7:36

Mana mettak danab ag goɗen gokkaɗakppa tituanak aoppig, haen amuppa amu, Israel ag ahilkad teppu epeɗiak amu hanhan mana mettak danab mattaglagnunab, Yawe Nug ag ɗo mattom. Ɗo amu buɗub buɗub doobob, ahilagnu hanhan daakkunu daatte.

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Namba 18:23

Lewi buɗubppan mana mettak danab iitta, ag am dahil mettid haknu peh lag danab ah appa qagmetteb ele, ag amuppa uɗat henana, ag ɗo laa tippalkkulag dayeb, ag eheɗ aakku hena bu aoglag. Buɗub buɗub doobob, ɗo imuam nug alet anam hanhan daakku. Lewi buɗub ag amu, ag Israel oolagppa wan laa, ag aulag daakkunu ii aomna.

Namba 18:5

Dahil oppoɗi bak Israel danab ah laa dilagnu baula bemanu amu, ag Lewi buɗubppan mana mettak danab daatteb, ag mettid haknu peh lag ooppa, amu qaɗab ele, ag amuppa uɗat henana atognokkulag. Laal iitta.

Namba 19:21

Israel danab ah ag ɗo imu alet hanhan dim lamidkkulagoitte. Danab nug le, amuam le heeb, danab nug da, Yawe, da ele ouqa dayaknu elelenu le, nug le amu tauɗtte amu, nug ele lamen nuhikkud mihakku; amu aun nug le amu, amuam le heeb danab nug da Yawe, da ele ouqa dayaknu elelenu le amu, nug amu aɗatte amu, nug geha da ele ouqa dayaknu elele iitta dayeb ukkeb, tueb meeb, nug da ele ouqa dayaknu elele daakku.

Namba 35:29

Dahil ɗo imu amu, ag, amu ag buɗulkad buɗub buɗub dokkulag ele, ag oh hanhan dim lamidkkulagnu daatte. Ag adeppa daaglag amu, ag dim lamidkkulagib.

Namba 8:9

Amu na Lewi buɗubppan mana mettak danab iitta diin, dahil mettid haknu peh lag danab ah appa qagmetteb ele, ag peh amu odppa dona, maadppe daappeg, amu na heppe, Israel danab ah oh ele laippu tamanin dayeg!

Matyu 4:16

Danab ah ag gatatu naɗi ooppa daan oippig amu ag amahlak okkai anidppig! Ao, danab ah ag gatatu abenppa daan oippig amu, amahlak ahilagppa amahalom!”

Luk 12:35

Jesus Nug nai amu ana, Nug nai imu ele mattiom. “Ag lamen matagiɗ ele takkan, lam amotna, uɗat hekkulagnu bappaidna,

Jon 5:35

Jon nug amu lam amahaltte bia, nug amahlak ag mattom. Matte, ag haen tutu amunu oolag ena daye, gamag ahak dooglagnu ena dooppig.

2 Pita 1:19

Amunu ig propet ag nai appig ele amu, ig nai amunu oonig unuqagppa genab doottem. Anam amu, ag propet nainu daulag human doon autna aweg! Aɗinu? Ahilag nai am hul, gatatu abenppa amahlala daatte bia daatte. Amu ag ahilag nai dabmenan daappeppeg, propet nai am anam amahalebeb ukkeb ukkeb, Jesus Nug eɗua na, ag oolagppa amahalkku batak am ena.

Revelesen 2:1

Nug anam ana, Nug nai tuɗitta Jon amegppa aum. “Na nai da attem imu Epesus Kristen tamaniaknu ikki danab, nuhignu inam ye! Nai imu, laa Nug hoɗoppai eblaih aɗit ele eppeg naɗiap-ppa aɗalattatta, lam maknu balal eblaih aɗit ele oolagppa oitte amu, nuhigppanu uɗitte.

1 Samuel 3:3

Nug nuhig abenppa anam niie, Yawenu mettid haknu peh lakka appa lam ewawa dayeye, Samuel nug ele lag amuppa niiom. Kayaknu tituanak nainu kunup ele amuppa dayom.

1 Samuel 30:25

Dawit nug anam a, nai amu ɗo ba dayom. Ɗo ba dayom amunu, haen amuppa Israel wanppa ɗo amu ba dayeye uɗie uɗie, gemu ele daatte.