Eksodas 27:2 - Nobonob Baibel

² Ag henana amu, ag qaɗab ad akasia, amuppa hetteb, ag ad amuppaib ag keeke makau qeqeɗi bia waɗele qaɗabnu daug waɗele ohppa hoiatteg! Ag ad piɗenu hoyadna, qaɗabppa aib atulppig; laippu heig! Ag amu oh hewona, ag qaɗab amu oh brasppa toneg!

Eksodas 27:2 ပူးပေါင်းရင်းမြစ်များ

1 King 1:50

Amu Adonaiya nug ele Solomon baɗitta, oola ukka, mettid haknu peh lakka ukka, nug makau qeqeɗi dottolag, qaɗab daugppa daatteb, nug amu aɗalata, appa dayom. ⌊Aɗinu? Nug auntai laa aben amuppa nug ii qema doyom.⌋

1 King 2:28

Amu Joap nug anukka Apsalom ele, aa oh laippu ii oidpiɗ, amge nug Adonaiya ehanittom amunu, haen nug Adonaiya, Abiatar ele dilahppa kobol amu be antta amu, nug ele baɗa, oola ukka, Yawenu mettid haknu peh lag, nug amuppa ukka, qaɗabnu makau qeqeɗi dottog amu aɗalata dayom.

1 King 8:64

Laa ele, deɗ amuppa King Solomon nug wan huppu nakok laa Yawenu mettid lag odppa, haɗap amu gamagppa wan huppu amu Yawenu tituana mettom. Wan gamag amuppa nug manaknu ofa, amu ee aegnu ofa, amu laippu dayaknu ofanu ittag ele manatta, Yawe mettom. Aɗinu? Bras qaɗab Yawe noobppa dayom amu, qaɗab amu, nuhig okkai am elele iitta, Solomon nug manaknu ofa, amu ee aegnu ofa, amu laippu dayaknu ofanu ittag ele, nug mana mettak amu oh amuppa hekkunu elele iitta.

2 King 16:14

Ahas nug bras qaɗab anukkanu, Yawenu mettid lag odppa, Nug noobppa dayom amu, nug qaɗab amu awa, qaɗab bau heqo yawalti uɗitteppanu me dayom.

2 Stori 4:1

Amu lag amunu keeke amu, Solomon nug qaɗab laa brasppa heum. Qaɗab amu elab nuhig am 9 mita, emaitak ele am 9 mita. Attan tak nuhig am 4 mita maha ele.

Sam 118:27

Yawe Nug Kayak daatte. Nug ig nuhig amahlak mekkom. Ag oolag gamag ahebeb, mana mettak aon uɗin, qaɗabppa meig!

Eksodas 27:3

Ag qaɗab amu hena, ag brasib aon, tappiɗ okkai laala aab uhuɗ awaknu hewona, sabol naunau, tiig amuppanu awa tauɗeb ukkaknu tappiɗ, huɗup ele hena, aria, tappiɗ nakok, aab ma mawa ukkaknu amu, ag amu oh ele heig!

Eksodas 29:12

Na qeppe mauheb, na eppen doɗo makau gaiɗ amunu tiigppa meppe noob aon, qaɗabnu qeqeɗi waɗele, na amuppa maattona, tiig laa oh amu laih qaɗab diigppa gokkaɗppe ukkaɗ!

Eksodas 38:30

Ag bras amu aon, ag mettid haknu peh lag danab ah appa qagmetteb ele, ag lag amu odnu biidod diig ɠagattag daakkunu tatap, amu doɗ main Yawe mettaglagnu qaɗab, nuhig keeke battam bia giɗo giɗo ele, amu nuhig keeke laala ele,

Esekiel 43:15

Qaɗab gamag anam aakku daye, amu qaɗeppa qaɗab ikki daatte. Nuhig attan tak am 2 mita. Amu qaɗab ikkinu melemel laih laih oh am 6 mita. Aria, qaɗab ikki qaɗeppa, daug daug ohppa, keeke laa doɗ qeqeɗi bia daatteb; amu keeke waɗele amu oh qaɗab ikki qaɗeppanu tena, nakok attan daatteb. Qaɗab qaɗeppa amu, ag appa doɗ main, Kayak medatteb.

Lewitikas 16:18

Nug anam hewowa amu, nug uɗia, doɗ tiigppa nug qaɗab Yawe noobppa daattenu heeb, qaɗab am Yawenu neekkakppa oppiaawak daakku. Nug amu hekkunu amu, nug makau gaiɗ tiig laa awa, amu meeme tiig laa ele awa, qaɗabnu qeqeɗippa mekku.

Lewitikas 4:18

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa appa gokkaɗkku.

Lewitikas 4:25

Nug amu heeb, mana mettak danab nug eppeg doɗo ib etta hipunin haknu ofanu tiigppa meeb noob awa, manaknu ofa haknu qaɗabnu qeqeɗi waɗeleppa mekku. Nug amuppa meeb, tiig laa oh am qaɗab diigppa gokkaɗkku.

Lewitikas 4:7

Mana mettak danab nug amu hewowa, nug tiig laa qeqeɗi waɗele oh, kalu muttuɗig ena ele manaknu qaɗabppa daatteb, qaɗab amuam mettid haknu peh lag danab ah appa qagmetteb ele, lag amu ooppa, Yawe noobppa daatte amu, nug qeqeɗi amuppa mekku. Makau tiig laa oh amu, nug mettid haknu peh lag danab ah appa qagmetteb ele, lag amu odppa, manaknu ofa haknu qaɗab diigppa, appa gokkaɗkku.

Lewitikas 8:15

Ag eppelag igippa meeg amu, aria Moses makau dawai amu baag otaɗom dimppa, qaɗab oppiak ele daakkunu, Moses nug eppeg doɗo makau amunu tiigppa me no awa, manaknu ofa haknu qaɗabnu qeqeɗi waɗele ohppa meum. Amu tiig laih dayom amu, nug amu oh qaɗab diigppa gokkaɗom. Amunu Moses nug ib amuppa tiigppa he, qaɗab am Yawenu tituana mettak daya, Yawenu neekkakppa oppiaawak dayom.

Sekaraia 9:15

Yawe Nukka Ɠagattag Oh Ele Nug nuhikkud danab ah dilag guppiɗ daakku. Nug ehanatteb, ag ahilkad kekeɗ men katapulppa mena aqan eɗadkkulag. Danab wain lanan etteb, amubia Yawenu danab ag kekeɗ eɗadna ekkulag. Yawenu danab ag ahilkad kekeɗ tiilag huana gokkaɗkkulag. Mana mettak danab nug doɗ mana, Kayak medakkunu haaha, doɗ tiig qaɗab daugppa gokkaɗtte, kekeɗ tiilag amubia gokkaɗkkulag.

Namba 3:31

Kohat buɗubppan aab ikki, ag Tituanak Nainu Kunup, balal mettid haknu peh lag ooppa dayom, amu lam maattaknu balal, qaɗab oh, amu keeke mana mettak danab ag Yawenu ɗo maɗoɗnu uɗat hekkulagnu uɗat madappig, amu lamen Aben Gunnab Ele hautaknu dayom ele, ag keeke amu oh dabmettaglagnu daadttappig.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.