Eksodas 27:14 - Nobonob Baibel

^14-15 Amu od heqo laih laih lamen aɗit aihatkkulagnu hekkulag amu, elab ahilah anen anen am 6 mita, 60 sentimita ele. Ag lamen laanu biidod ewam, diig ɠagattag daakkunu tatap ewam ele hadappeg daappeg, aria lamen laanu am anamib hadappeg daaglag.

Eksodas 27:14 ပူးပေါင်းရင်းမြစ်များ

Eksodas 26:36

Ag amu hena amu, ag lamen okkai laa, lamen amuam mettid haknu peh lagnu od oɗe tonakkunu daatte amu, ag lamen amu ele heig! Ag lamen amu hekkulagnu, ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aon, ag lamen okkai amu akkeg! Ag akkona, ag keeke koitaknu doya autanab awak danab madappeg, ag lamen amuppa kobol kobol koitatteg!

Eksodas 27:13

Amu laih kaɗag uɗitteppanu, aben od daatte ele amu, nuhig melemel amu ele 22 mita daakku.

Eksodas 27:9

Aria laa amu, ag lamen laala, linen muɗi hakkab eleppa agappeg, lamen amuam dahil mettid haknu peh lagnu aɗ bia daya, lag amu talilitteb, haɗap dayaɗ! Am lamen laa, am aben laih ulah yau uɗitteppanu daakku amu, lamen amu, elab nuhig am 44 mita daakku.

Eksodas 38:14

Amu haɗapnu od heqo laih laih lamen aɗit aihatkkulagnu heppig amu, elab ahilah anen anen am 6 mita, 60 sentimita ele. Ag lamen laanu biidod ewam, diig ɠagattag daakkunu tatap ewam ele hatteg daaeg, aria lamen laanu am anamib hatteg daappig.