Eksodas 27:1 - Nobonob Baibel

¹ Yawe Nug anam anana, nug nai tuɗitta, Moses amegppa aum. “Ag ad akasia aon, qaɗab laa, elab nuhig am 2 mita, 20 sentimita ele, emaitak nuhig am ele 2 mita, 20 sentimita ele, amu attan nuhig am 1 mita, 30 sentimita ele, ag qaɗab amu heig! Elab nuhig am emaitak nuhigbiaib dayaɗ!

Eksodas 27:1 ပူးပေါင်းရင်းမြစ်များ

2 Samuel 24:18

Amu deɗ Yawe Nug engel nug uukkunu aum amu, deɗ amuppa Gad nug Dawit gumitta ta, amegppa aum. “Na ahan gona, Jebus danab Arauna, na nug nuhig ee aeg mumuɗaknu abenppa appa Yawenu qaɗab bappaitte!” awa aum.

2 King 16:14

Ahas nug bras qaɗab anukkanu, Yawenu mettid lag odppa, Nug noobppa dayom amu, nug qaɗab amu awa, qaɗab bau heqo yawalti uɗitteppanu me dayom.

1 Stori 6:49

Danab amu ag ehanittak uɗat gumanna heppig, amge Aron, nug buɗub ele ag akka, ag Yawenu mettid lag, amuppa manaknu ofa haknu qaɗabppa doɗ manan, Kayak mettanna, ag kalu muttuɗig enanag ileb baknu qaɗabppa kalu amu manan, Kayak medappig. Ag aɗi uɗat laa ele aben Kayaknunab tituanak daatte eleppa hekkulagnu dayom amu, ag amu ele heppig. Aron, nug buɗub ele ag mana mettak amuppa, ag heeg, Israel danab eheɗ haknu nob nau doɗ tiigppa iitta mekkunu elele mettom. Ag heppig ele amu, ag Kayak Nug Moses, nuhig maɗi nid, Nug aɗi aɗi ɗo mette, Moses nug haknunab anak amu Aron, nug buɗub ele ippuanattom ele amu, ag Moses oɗe amu oh dim lamidnana, uɗat amu heppig.

2 Stori 4:1

Amu lag amunu keeke amu, Solomon nug qaɗab laa brasppa heum. Qaɗab amu elab nuhig am 9 mita, emaitak ele am 9 mita. Attan tak nuhig am 4 mita maha ele.

Esra 3:2

Ag qagmena, haen amuppa Josadak bekka Jesua, mana mettak danab laala ele, amu Sealtiel bekka Serubabel, nug laikkud laala ele, ag qaɗabppa manaknu ofa, Kayaknu uɗat danab Moses ɗo naippa yom bia hekkulagnu, ag digmena, Israel dilag Kayaknu qaɗab qeppig.

Eksodas 17:15

Yawe Nug nai ana male, amu Moses nug qaɗab laa qa, nug qaɗab amu onig, Yawe Nissi, ataɗom.

Eksodas 24:4

Am Moses nug Yawenu nai amu oh yom. Nug amu he, deɗ amu uue, nug buttuanab aha, qauko amu diigppa qaɗab laa qewowa, qaɗab amu guguitta, nug men 12, Israel dilag huu okkai 12 amu oulag daaglagnu, nug anam diia qappalattom.

Eksodas 35:16

Aria, keeke laala am, manaknu ofa haknu qaɗab, nuhig keeke naunau, nuhig keeke laa, battam okkai bia brasppa giɗo giɗo ele hak, qaɗab amu mawaknu tuqai aɗit, amu le layaknu tappiɗ okkai, nug baeg ele.

Eksodas 39:39

laa am, qaɗab laa brasppa hak, nuhig keeke naunau, nuhig keeke laa, battam okkai bia brasppa giɗo giɗo ele hak, qaɗab amu mawaknu tuqai aɗit, amu le layaknu tappiɗ okkai, nug baeg ele;

Eksodas 40:10

Na amu hewona, na goɗen amu aon, manaknu ofa haknu qaɗab, nuhig keeke naunau oh ele, na goɗen gokkaɗakppa tituanak hena, dahilnu tituanna meɗe! Na anam heppe, qaɗab amuam dahilnu tituanaknab daakku.

Eksodas 40:29

Moses nug amu ha malowa, nug manaknu ofa haknu qaɗab, mettid haknu peh lag danab ah appa qagmetteb ele, nug qaɗab amu mettid haknu peh lag amunu od oɗe guguittak meum. Amu Moses nug qaɗab aguppa mewowa, nug manaknu ofa, amu ee aegnu ofa ele mana, Yawe mettom. Yawe Nug Moses amegppa haknunab aum, nug aumbianab aakku heum.

Eksodas 40:6

Amu dimppa amu, na manaknu ofa haknu qaɗab dahil mettid haknu peh lag, amuam dahil mettid haknu peh lag danab ah appa qagmetteb ele, na mettid haknu peh lag amunu od gukkuittak lag dimittim me!

Namba 3:31

Kohat buɗubppan aab ikki, ag Tituanak Nainu Kunup, balal mettid haknu peh lag ooppa dayom, amu lam maattaknu balal, qaɗab oh, amu keeke mana mettak danab ag Yawenu ɗo maɗoɗnu uɗat hekkulagnu uɗat madappig, amu lamen Aben Gunnab Ele hautaknu dayom ele, ag keeke amu oh dabmettaglagnu daadttappig.

Namba 4:13

Ag uhuɗ qaɗab brasppa hak, ag amuppa mautppeg na ukkeb, amu ag lamen perpel laa qaɗeppa otalkkulag.

Namba 4:14

Anam dayeb amu, Aron, bekkod ele ag keeke oh mana mettak danab ag qaɗab brasppa hak, ag amuppa daanna, dahil ɗo maɗoɗnu uɗat amuppa hetteb ele amu, ag amuppa maadkkulag. Keeke amuam iikku; tappiɗ aab mawa oiyaknu, huɗup teppu yaaknu, sabol, amu tiig amuppanu awa tauɗeb ukkaknu tappiɗ. Ag keeke amu oh qaɗab tonaknu lamen qaɗeppa mewona, ag kakai maoi gaɗa otalona, ag tuqai aɗit aben ahilahppa aɗualatppeg wakkulah.

Hibru 13:10

Aria, ig Kristen ele, ig am qaɗab laa, ⌊amuam Jesusnu ad emaitak,⌋ am mana mettak danab ag mettid haknu peh lakka appa ahilag uɗat hetteb ele, ag ihinig qaɗabppa ehanittak aoglagnu elele iitta.