Eksodas 26:7 - Nobonob Baibel

⁷ Aria, dimppa ag lamen laa, mettid haknu peh lag dahil tonakkunu henana, ag lamen 11 meeme uɗigppa heig!

Eksodas 26:7 ပူးပေါင်းရင်းမြစ်များ

Sam 45:13

⌊Wan laappan⌋ king aɗeg amu, nug nuhig neekkak am enanagnab, amu nug lag oo nuhigppa daatte. Nuhig lamen am muɗi golppa hak, muɗi laa ele, amuppa koitak daatte.

Eksodas 25:4

linen muɗi hakkab, linen muɗi kaala iɗu iɗu, am ed, perpel, kokoɗnab ele; aria, meeme uɗig,

Eksodas 26:1

Yawe Nug amu hekkulagnu anana, Nug keeke laanu inam aum. “⌊Danab uɗat amu hetteb ele amu,⌋ ag mettid haknu peh lag dahil heig! Ag mettid haknu peh lag amu hekkulagnu ag linen muɗi hakkab, linen muɗi kaala iɗu iɗu, am ed, perpel, kokoɗnab ele amu, ag muɗi amu oh aona, ag lamen eblaih laih ele oh amuppa akkeg! Ag lamen eblaih laih ele amu akkona, ag lamen qaɗeppa bala koitaknu ag danab uɗat amu haknu doyak okkai ele madappeg, ag engel okkai-kerubim dottog lamen amuppa koitatteg!

Eksodas 26:12

Amu lamen okkai amunu maha laa hamu daatte ele amu, ag uuppeg, anam dahil mettid haknu peh lag dimittim dimugppa aiha dayaɗ!

Eksodas 26:14

Ag amu oh hewona amu, ag keeke aɗit laa ele dahil mettid haknu peh lag tonaglahnu hekkulag. Ag laa sipsip dawai gaɗappa, laa ag heeg, kokoɗ eppom daatte ele, amuppa ag peh lag laa hewona, aria ag peh lag laa kakai maoi gaɗappa hekkulag. Aɗit amu oh, aa am laa qaɗeppa nug tonak daaglah.

Eksodas 26:6

Ag amu hewona amu, ag huk-ring 50 golppa hattaglag. Ag amu hattana amu, ag lamen otala okkai aɗit amu amuppa qakkadna, ⌊lag daug daug tona, ebehi attan ele⌋ duqatppeg, geha lamen aɗit amu aa lamen okkai laippu mettid haknu peh lag dahil daakkunu daaglah.

Eksodas 26:8

Ag lamen amu oh, ahilag ebqak am 11, ag amu oh melemel laippuppa hattaglag. Elab ahilag am 13 mita, okkai ahilag am 2 mita.

Eksodas 26:9

Ag amu hena, ag lamen tanig ele aon koitadppeg, geha lamen okkai laippu dayeb, ag lamen eblaih laippu ele laa amu aon, oh laippu koitadppeg, geha amu ele lamen okkai laippu daakku. Amu ag lamen ebqak eblaih laippu ele amu, ag lamen amu piippeg, mettid haknu peh lag odppa teppu ele aɗit dayaɗ!

Eksodas 35:23

Am danab laala, ah laala ele ag linen muɗi hakkab, o muɗi linen kaala iɗu iɗu, am ed, perpel, kokoɗnab ele, lamen otala okkai akkaglagnu, amu ele, o meeme uɗig ele, o sipsip dawai gaɗa, laa ag heeg, kokoɗ eppom daatte ele, o kakai maoi gaɗa ele amu, ag keeke anam aakku akkan, aon uɗippig.

Eksodas 35:26

Aria, ah laala ag oolag heum ele, ag muɗi meeme uɗigppa hak dooppig ele amu, ag amu hena, ag amu aon uɗippig.

Eksodas 35:6

linen muɗi hakkab, linen muɗi kaala iɗu iɗu, am ed, perpel, kokoɗnab ele; aria, meeme uɗig,

Aisaia 4:5

Amu Yawe Nug ⌊anukka lombigppa dayaya, Nug Israel Isipnu omalatta uɗiom bia,⌋ Nug heeb, lombig am Sion qaukoppa dayaya, tonakku. Amunppa amu, lombig boppala daakku, tuqan amu, lombig amuam aab bia eokku. Am danab ah ag mettid hekkulagnu qagmeppeg, lombig nug na, ahilagppa boppalkku. Aɗinu? Yawenu binag amahlak oppiaawak ele, binag amahlak oppiaawak ele amuam keeke amu oh tonatta, piag bia daakku.

Namba 3:25

Gerson buɗubppan aab ikki ag mettid haknu peh lag danab ah appa qagmetteb ele, ag amu dabmedattappig. Amuam ag mettid haknu peh lag amunu ooppan hautak keeke, dimittimnu hautak keeke ele, peh lag amu od oɗeppanu lamen, aria mettid haknu peh lag, qaɗab qak ele taliliatak haɗap daatte, haɗap amunu taliliaknu lamen, amu lamen amunu odnu lamen, amu muɗi ele, ag keeke amu oh dabmettalagnu daadttappig.

Namba 31:20

Ag lamen oh, aria keeke laa doɗ gaɗappa hattak, o meeme uɗilkadppa hattak, o iitta adppate hattak, ag amu oh ele heppeg, oppiak dayeg!” Moses nug nai amu Israel daup amelagppa aum.

Namba 4:25

Ag dahil mettid haknu peh lag, amuam dahil mettid haknu peh lag danab ah appa qagmetteb ele, ag lag amu ooppan lamen enanag, mettid haknu peh lag tonaknu lamen laa, amu mettid haknu peh lagnu lamen dimittimnu, kakai maoi gaɗappa heppig, ag keeke amu oh maoglagnu daatte. Ag mettid haknu peh lagnu odppan lamen, ag amu ele maoglagnu daatte.

1 Pita 3:4

Iitta. Ag oolag unuqagppa bala mettaglag am ena. Bala mettak amuam nauhkkunu elele iitta. Bala amuam oo bodoettak kobol, amu dagom kobol ele. Kobol amu Kayak noobppa amu enanag.

1 Pita 5:5

Ag danab bau ag onilag qeppeg neeb, ikki danab waalagppa dayeg! Ag oh ag ag onilkad qeppeg neeb, ag nug ehanittak kobol heig! Aɗinu? Kayak naippa, nai amunu inam daatte. “Kayak Nug dada danab ippulag oo nette, amge danab ag akka onilag qeeg nette ele, Nug ahilagnu ii helo bia me, Nug ag ehanadtte.”