Eksodas 26:14 - Nobonob Baibel

¹⁴ Ag amu oh hewona amu, ag keeke aɗit laa ele dahil mettid haknu peh lag tonaglahnu hekkulag. Ag laa sipsip dawai gaɗappa, laa ag heeg, kokoɗ eppom daatte ele, amuppa ag peh lag laa hewona, aria ag peh lag laa kakai maoi gaɗappa hekkulag. Aɗit amu oh, aa am laa qaɗeppa nug tonak daaglah.

Eksodas 26:14 ပူးပေါင်းရင်းမြစ်များ

Sam 27:5

Aɗinu? Da Yawenu mettid lag, amuppa ena anam daakkul dayeb amu, uug haenppa Nug da atognoiɗebeb, da eheɗ laa ii anidpa. Yo, Nug da nuhig mettid haknu peh lagppa lokkumiɗeb daappi, uug laa da ii aniɗma. Ge, Nug heeb, da danab laa men okkai attan ena daatte, da amubia ena daakkul.

Eksodas 25:5

sipsip dawai gaɗa, laa ag heeg kokoɗ eppom daatte, kakai maoi gaɗa, plang ad akasianu,

Eksodas 26:13

Am tonak lamen amu, elab nuhig amu dahil mettid haknu peh lagnu lamen gilil amu waappa daatte, eɗitta, 50 sentimita laih laih ohppa anam daakku. Tonaknu lamen am anam daakku amunu, geha tonaknu lamen, amuam peh lag laa aakku, lamen amuam dahil mettid haknu peh lagnu lamen gilil oh elele tonakku.

Eksodas 35:23

Am danab laala, ah laala ele ag linen muɗi hakkab, o muɗi linen kaala iɗu iɗu, am ed, perpel, kokoɗnab ele, lamen otala okkai akkaglagnu, amu ele, o meeme uɗig ele, o sipsip dawai gaɗa, laa ag heeg, kokoɗ eppom daatte ele, o kakai maoi gaɗa ele amu, ag keeke anam aakku akkan, aon uɗippig.

Eksodas 35:7

sipsip dawai gaɗa, laa ag heeg kokoɗ eppom daatte, kakai maoi gaɗa, plang ad akasianu,

Eksodas 36:19

Ag amu oh hewona amu, ag keeke aɗit laa ele mettid haknu peh lag tonakkunu heppig. Ag laa sipsip dawai gaɗappa, laa ag heeg, kokoɗ eppom daatte ele, amuppa ag peh lag laa hewona, aria ag peh lag laa kakai maoi gaɗappa heppig. Aɗit amu oh, aa am laa qaɗeppa nug tonak daapiɗ.

Eksodas 39:34

laa am, mettid haknu peh lag tonaknu keeke laa sipsip dawai gaɗa, laa ag heeg, kokoɗ eppom daatte, gaɗa amuppa hak, amu mettid haknu peh lag tonakkunu keeke laa kakai maoi gaɗappa hak, amu lamen Oo Gunnab Ele qehagkkunu aihak daakkunu.

Aisaia 25:4

Aɗinu ⌊ag anam hekkulag⌋? Na daɗek danab dilag padal mak eɗitteb ena dayaknu ehanittak dayeye, uug haenppa ag ena daappig. Ao, danab ah keekenu tutu mak daan oitteb ele amu, ahilag uug nau ag tonattette, na ahilag padal mak eɗitteb ena dayaknu ehanittak dayeye, ag ena daappig. Danab ag laanu oo doyak ii doon nau hadatteb ele amu, hak ahilag am ulah ɠagattag uɗia, aɗ duttune ⌊na qette⌋ bia daatte.

Aisaia 4:6

Amu Yawenu binag amahlak oppiaawak ele amuam Sion toneb, aamnu gakkaɗak ɠagattag qehakkebeb, danab ah ii aqama. Amu gu, ulah, hakkaɗ ele huana heebeb, haen amuppa ele Jerusalem danab ah ag qagaiettak ii anidmana. Iitta. Ag ena daaglag.

Esekiel 16:10

Da lamen kobol kobol koitak ele awe metten, da baeg gaɗa ena ele na baenppa memi. Ge, da linen lamen hakkab awe metten, men doɗo okkai mein, laala ele awen mettami.

Namba 4:10

Ag anam hewona, ag lam mattaknu balal, nuhig keeke laa oh ele kakai maoi gaɗappa hautona, ag qaɗeppa maknu tuqaippa mekkulag.

Namba 4:25

Ag dahil mettid haknu peh lag, amuam dahil mettid haknu peh lag danab ah appa qagmetteb ele, ag lag amu ooppan lamen enanag, mettid haknu peh lag tonaknu lamen laa, amu mettid haknu peh lagnu lamen dimittimnu, kakai maoi gaɗappa heppig, ag keeke amu oh maoglagnu daatte. Ag mettid haknu peh lagnu odppan lamen, ag amu ele maoglagnu daatte.

Namba 4:5

Haen danab ag ahan laih gokkulagnu heppeg amu, Aron nug bekkod ele ag mettid haknu peh lag ooppa nona, ag Oo Gun Ele, Oo Gunnab Ele makkulaknu lamen, ag amu autppeg neeb, ag Tituanak Nainu Kunup kontrak inak ele amuppa hautppeg daakku.