Eksodas 25:2 - Nobonob Baibel

² “Israel ag ofa laa ⌊dahil mettid haknu peh lag hekkulagnu⌋ da meɗaglagnu amelagppa appe doyeg! Am danab ah anen anen ag keeke da meɗaglagnu oolag hette amu, ag keeke amu na medappeg, na dahil gamag danab daanna, dahil keeke amu awe!

Eksodas 25:2 ပူးပေါင်းရင်းမြစ်များ

Esra 1:6

Ag gokkulagnu dabmenan babaittegeg, ahilkad mudippan lailkad ag ehanadna, ag keeke silwa, gol eleppa hak, lamen keeke, doɗ, keeke daden maknu men doɗo okkai ele ahilag daakkunu, amu ɗo hamu mettaknu ofa hekkulagnu doɗ keeke ele ag madappig.

Esra 2:68

Ag eɗun gona, Yawe laug, Jerusalem appa dayomppa, ag appa tewona, Juda danab baelkadppan ikki danab laala ag danab Kayak laug eɗun, dayom abenppa bau buuglagnu, ag ɗo hamu mettaknu ofa hena, keeke ena ena Kayak medappig.

Esra 3:5

Ag amu hewona, dimppa ag deɗ ohnu manaknu ofa hattana, ag kalam bau bettenu deɗppan mana mettak ele hattana, aria, hobul dayaknu haen epeɗiak, hobul amuam Kayaknu tituanak daatteb amu, ag hobul amunu deɗ anen anenppan mana mettak ele, ag doɗ manadna, Yawe mettanna, ag ɗo hamu mettaknu ofa ele hattana, Yawe medappig.

Esra 7:16

Na amu aon gona, am silwa, gol laa ele, dahilad danab ah laih laihnu ag mettaglag dayeb amu, na amu ele aon gokkut. Aria, Israel buɗub laa, ag eɗun gokkulagnu ii dabmetteb amu, na ag, am amu dilag mana mettak danab ele, ag ɗo hamu mettaknu ofa, ag amu ahilag Kayaknu mettid lag Jerusalem daatte, ag amu ehanidkkulagnu mettaglag amu, na amu ele aon gona, Jerusalem appa Kayak mette!

Nehemaia 11:2

Danab ah oh ag adeppa adeppa daaglagnu ib amuppa bappaidppig, amge danab laippu laippu ag akka ahan, om ena yee ippunittak iittappa mattin, “Uuppeg, ig aakku Jerusalem daagnig,” appig. Ag anam appig amunu, danab ah laa ag amu binalag madappig.

Sam 110:3

Deɗ na kekeɗ nahip eɗadkkutnu banelag gokkut amu, nahipad ban danab ag gamag ahak doon, dim lamidkkulag. Ao, nahipad ban danab ag nid bau kuɗum, ɠagattag ele, ag genab nahipnu tituanak daatteb amu, ag na dim lamidkkulagnu buttuanab ahan daaglag.

Eksodas 25:1

Aria, Moses nug anam te, Yawe Nug amegppa inam aum.

Eksodas 25:3

Ofa amuppa keeke digdig ag da meɗaglagnu hena, na medappeg aokkut am inam: gol, silwa, bras,

Namba 18:24

Aɗinu? Da Lewi buɗubppan mana mettak danab iitta amu, da keeke obatak eblaih tanig ele ooppanu obatak laippu, Israel ag ofa daakkunu aon, da, Yawe, da meɗatteb amu, da amu, ag aulag bia daakkunu madattem. Diig amunu amu, da anam aakku ahilagnu ami. ‘Israel oolagppa ag wan maha laa, ag aulag daakkunu ii aomna,’ ” awa aum.

2 Korint 9:7

Ag anen anen oh ahilag dabmakppa, ag akka ag oolag tutukku elele anidna, ahilag dabmakppa gane mattaglagnu dabmak aon, matteg! Danab laa nug keeke oo qeebeb, ehanittak keeke maama, dabmak nuhigppa, “Ag ɠagattag wagai mena heppig amunu, da mattami,” ii dabmema. Iitta. Kayak Nug danab nug oo gamag ahehe, ehanittak keeke laa medatte, Nug nuhignu ooppa ena dootte.

Ikki Danab 5:9

Da Israel dilag ikki danab dilagnu amu, da ahilagnu enanag doottem. Ao, da aun aɗi ag ena hena, ikki danab amu dim lamadtteb amu, da ahilagnu enanag doottem. Hepput, Yawe binag attan dayaɗ!