Eksodas 25:1 - Nobonob Baibel

¹ Aria, Moses nug anam te, Yawe Nug amegppa inam aum.

Eksodas 25:1 ပူးပေါင်းရင်းမြစ်များ

2 King 12:4

Amu Joas nug mana mettak danab onilagppa e uɗieg, nug ag amelagppa inam aum. “Ag mana mettak danab, ag men doɗo, ofa Kayaknu tituanak daakkunu, danab ah ag Yawenu mettid lakka aon dotteb ele, ag amu oh aoglag. Amuam Yawenu mettid lagnu takis men doɗo, men doɗo danab ag ahilag keeke laa genab hekkunu nai anan qakkaknu nai, nai amu elele mettan medatteb, amu men doɗo danab ag akka Kayak mettaglagnu oolag daye medatteb amu, ag amu oh aweg!

Eksodas 24:18

Nug anam e, aakku Moses nug qaukoppa taata, nug lombig ooppa noa, nug qauko igippa ta, nug appa amun 40, tuqan 40 ele dayom.

Eksodas 25:2

“Israel ag ofa laa ⌊dahil mettid haknu peh lag hekkulagnu⌋ da meɗaglagnu amelagppa appe doyeg! Am danab ah anen anen ag keeke da meɗaglagnu oolag hette amu, ag keeke amu na medappeg, na dahil gamag danab daanna, dahil keeke amu awe!

Eksodas 35:1

Amu Moses nug qaukoppanu na, nug Israel danab ah oh onilagppa e uɗieg, nug inam amelagppa aum. “Yawe Nug ag haknunab nai imu dim lamidkkulagnu aum.

Eksodas 35:4

Moses nug anam awowa, dimppa nug Israel amelagppa inam aum. “Yawe Nug ag imu hekkulagnunab aum.

Eksodas 35:5

Ag keeke aɗatteb oolagppanu amu, ag aun aɗi ag ofa laa gemu Yawe mettaglagnu oolag daatte, ag danab ah amu ag amu aon metteg! Keeke ag Nug mettaglagnu daatteb am inam: gol, silwa, bras,

Eksodas 35:8

lam amotaknu goɗen olip meuppa hak, spais digdig laaittak goɗen babaittaknu, amu kalu danab ile muttuɗig enanag bette ele kaboliaknu,

Eksodas 39:32

Mettid haknu peh lag amu, lag amunu uɗat oh anam heeg, uɗat amu aakku malom. Israel ag keeke oh Yawe Nug Moses amegppa haknunab aum, ag Nug aumbianab aakku heppig.

Eksodas 39:33

Ag amu oh hena malona, ag keeke amu akkan, Moses toppa ⌊nug anidkkunu⌋ goppig. Keeke ag akkan goppig am inam: mettid haknu peh lag, nuhig keeke ele, nuhig huk-ring, nuhig gililnu ukku, nuhig emaitak maknu ad, nuhig biidod, amu nuhig diig ɠagattag daakkunu tatap ele;

Eksodas 39:42

Israel ag uɗat oh Yawe Nug Moses amegppa ag hekkulagnu haknunab aum amu, ag anamnab aakku heppig.

Namba 7:5

“Amu Lewi buɗubppan mana mettak danab iitta ag amuppa dahil mettid haknu peh lag danab ah appa qagmetteb ele, ag appa uɗat hekkulagnu amu, na keeke amu ikki danab amu eppelagppanu awe! Lewi buɗub anen anen, ag aɗi aɗi uɗat hekkulagnu daatte amu, na ag matte!” awa aum.