Eksodas 24:4 - Nobonob Baibel

⁴ Am Moses nug Yawenu nai amu oh yom. Nug amu he, deɗ amu uue, nug buttuanab aha, qauko amu diigppa qaɗab laa qewowa, qaɗab amu guguitta, nug men 12, Israel dilag huu okkai 12 amu oulag daaglagnu, nug anam diia qappalattom.

Eksodas 24:4 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 28:18

Aria, wagɗe buttuanab Jakop nug men uɗun nuhig awa, aben amuppa at daakkunu qappa, nug goɗen qaɗeppa gokkaɗom.

Genesis 28:22

Aben da men eppami ele imu amu, am Kayak noobppa dup noa binag mak aben daakku. Amu Kayak Nug aɗi aɗi keeke oh da meɗeb amu, da amunu obatak eblaih tanig ele ooppanu obatak laippu Kayak medakkul,” awa aum.

Genesis 31:45

Laban nug anam a amu, Jakop nug men laa awa, at daakkunu qappom.

1 King 11:30

Aakku Ahaiya nug nuhig ulahnu lamen bau ma uɗiom amu, nug amu uɗa awa, pattiɗe qatti 12 neeg,

1 King 18:31

Nug amu hekkunu amu, nug men 12 qaɗab hekkunu diiom. Jakop buɗub Israel dilag huu okkai 12 daappig, ebqak amubia nug men awom. Anukka Yawe nug Jakop amegppa aum. “Na onin amu Israel daakku,” awa aum.

Esra 6:17

Ag Kayak laug qeapinna Kayaknu tituanna mettaglagnu amu, ag makau dawai 100, sipsip dawai 200, sipsip gaiɗ 400 manadna, Kayak mettan, ag meeme dawai 12 ele, ag anen anen am Israel dilag huu okkai anen anen dilagnu, ag Israel oh dilag ib etta hipunin haknu ofa daaglagnu ele manadna Kayak medappig.

Nehemaia 10:1

Laa nai qakkakppan pepappa ahilkad at stemp-ppa daappig ele meppig am inam: Hakalia bekka Nehemaia, nug Juda dilag gawana. Aria laa am Sedekaia,

Eksodas 17:14

Moses, Israel ele ag anam heeg, dimppa Yawe Nug Moses amegppa inam aum. “Dabmak imu iitta memanu amu, na nai imu buk itoɗiakppa yaan, na heppe, Josua nug doyaɗ! Aɗinu? Da geha heppi, Amalek ag iitta mena autna aoppeg, hab waappa amu, danab laa nug Amalek dilagnu baula dab-ii-mema.” Yawe Nug anam aum.

Eksodas 17:15

Yawe Nug nai ana male, amu Moses nug qaɗab laa qa, nug qaɗab amu onig, Yawe Nissi, ataɗom.

Eksodas 21:1

Yawe Nug anam anana amu, Nug nai tuɗitta aum. “Na ɗo imu Israel danab ah matte!

Eksodas 24:7

Nug anam ha mala, nug nug tituana nai qakkak nainu buk awa, nug danab ah dooglagnu ebqeum. Nug ebqe doona, ag appig. “Ig Yawe aum amu, ig nai amu oh tutukku dim lamidkkunig. Genab, ig Nug oɗe doomut, dim lamidkkunig,” appig.

Eksodas 28:21

Aria, men 12 amu laib laib ohppa ag Israel bekkod onilag, laa onig am men laappa, laa onig am men laappa, ag anam otaɗadppeg ukkeb, ag Jakop bekkod nid danab 12, ag amu onilag otaɗadna malappeg, ag anen anen Israel dilag huu okkai 12 dilag at dayeg!

Eksodas 34:27

Yawe Nug anam anana, Nug nai tuɗitta, Moses amegppa aum. “Da hei, da na, Israel danab ah ele nai imuppa nug tituanta nai qakkamut amunu, na nai imu oh uɗug laappa ye!” awa aum.

Aisaia 19:19

Haen amuppa geha Yawenu qaɗab laa Isip dilag wan ooppa daakku. Laa amu, geha men biidod laa danab ah anidna, ag Yawe tutukku dabmekkulagnu Isip dilag tomppa daakku.

Lewitikas 24:5

⌊Amu Yawe tuɗitta aum.⌋ “Amu ele, na 12 kilogram plaua enanag aon, bret batappatak 12 manakkutoitte. Na bret anen anen 1 kilogram plauappa hekkut.

Namba 17:2

“Na Israel danab ah amelagppa inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Israel dilag huu okkai anen anen, huu ag tatam beppig daatteb amu, ag ahilkad ikki danab appeg, ag dudqak hokkat ahilkad na mettaglag. Dud qak hokkat amu ebqak am 12 daakku, amu ikki danab anen anen dilag hokkatppa ag onilkad yaak dayaɗ!

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.

Duteronomi 31:9

Moses nug ɗo imu ya, mana mettak danab ag Yawenu Tituanak Nainu Kunup kontrak inak ele maoppig, amu Israel dilag ikki danab ele mattom. Mana mettak danab ag Lewi buɗub.

Josua 4:20

Amu men ebqak 12 ag Jodan le ooppanu aoppig amu, Josua nug men amu Gilgal appa qappalattom.

Josua 4:5

Ag qagmeeg, aria nug ag amelagppa aum. “Ag Yawe, ahilag Kayak, ag nuhig Tituanak Nainu Kunup le gamagppa daatte amu, ag appa gona, kunup amu noobppa, Jodan le gamagppa, appanu ag anen anen, ag men laippu laippu aon, gukkalkadppa maweg! Men laippu laippu, amu dilag ebqak am Israel dilag huu okkai anen anen, ebqak anamib daaglag.

Revelesen 21:14

Aab okkai amunu aɗ ukku am men kuɗum duqe ukkak huu 12 ele. Aɗ nug amu attan daatte. Amu Sipsip Nagnu totol danab 12 onilkad amu, ag men amuppa yaalattak daappig.