Eksodas 24:18 - Nobonob Baibel

¹⁸ Nug anam e, aakku Moses nug qaukoppa taata, nug lombig ooppa noa, nug qauko igippa ta, nug appa amun 40, tuqan 40 ele dayom.

Eksodas 24:18 ပူးပေါင်းရင်းမြစ်များ

1 King 19:11

Elaiya nug anam a amu, Yawe Nug aum. “Na ahan dimittim gona, qaukoppa da noolppa daappe, da laihnu uɗien, na noomppa laih gokkul,” awa aum. Nug anam a, ulah okkai naɗi uɗia he, qauko amu, amu qauko amunu men ele Yawe noobppa aoɗppig, amge Yawe Nug ulah amuppa ii dayom. Ulah amu uɗia ukke, mim laa neum, amge Yawe Nug mim amuppa ii dayom.

1 King 19:8

Engel nug anam a, Elaiya nug ee, le ele baula lawowa, nug aha, ee, le ele amu ɠagattag mette, deɗ 40, tuqan 40 ele ukka ukka, Kayaknu qauko onig Horep, appa ukkom.

Eksodas 19:20

Amu kobol amuppa Yawe Nug Sinai qauko igippa na dayaya, Moses tekkunu onigppa e, aria Moses nug teum.

Eksodas 25:1

Aria, Moses nug anam te, Yawe Nug amegppa inam aum.

Eksodas 32:1

Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.

Eksodas 34:28

Amu Moses nug Yawe ele qaukoppa deɗ 40 daayya, tuqan 40 ele daapiɗ. Moses nug appa anam dayaya, nug ee laa ii laum, le ele ii laum. Am Yawe Nug men maha aɗit, Moses awa teum ele, Nug amuppa nug tituana nai qakkak heppig, Nug amunu nai yom. Nai amuam Yawenu ɗo 10.

Eksodas 9:29

Paro nug anam a amu, Moses nug oɗeppa awa aum. “Da aab okkai ooppanu eɗue, dimittim goppi, haen amuppa na wan oh am Yawe, nuhigib daatte dookkutnu, da eppel attan hume, Yawe unuqidppi, geha hakkaɗ qak uueb, ais doɗo nette amu, amu ele iitta mekku.

Eksodas 9:33

Aria, Moses nug Paro uuitta, aab okkai dimittim ukka, nug eppeg hume attan te, Yawe unuqittom. Unuqitte, hakkaɗ baula ii qe, ais doɗo baula ii ne, gu huana ele ii neum; mataɗom.

Prowerb 28:1

Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.

Matyu 4:2

Nug omala ukke, Jesus Nug deɗ 40, tuqan amun ele, ee ohnu kud ma dayowa, Nug enug qeum.

Mak 1:13

appa deɗ 40 dayeye, Satan nug Jesus eheɗ hekkunu oo eeɗeɗe, Jesus Nug doɗ dakkuɗ oolagppa dayeye, engel ag Nug ehanidppig.

Luk 4:2

Ukka dayeye, Satan nug Jesus deɗ 40 eheɗ hekkunu oo eeɗom. Amu haen amu ohppa Jesus Nug ee laa ii la, haen amu male, Nug enug qeum.

Duteronomi 10:10

⌊Amu matu anak, amubia,⌋ da qaukoppa Yawe noobppa deɗ 40, tuqan 40 ele, haen tatam daami bia daami. Yawe Nug dahil unuqittaknu oo elele doya, Nug heeb, ag padal mekkulagnu uua, Nug he, ag ii padal meppig.

Duteronomi 5:31

Amge haknunab anak dahil, ɗo iɗu iɗu dahil ele, na medakkulnu amu, na da ele ippa daagnih. Danab ah ag wan laa, wan amu ag aulag daakkunu madakkulnu hettem amu, ag wan amuppa haknunab anak dahil, ɗo iɗu iɗu dahil ele oh dim lamidkkulagnu amu, na danab ah ippunadkkut,” awa aum.

Duteronomi 9:18

Aria, ⌊dimppa da eɗue qaukoppa tein,⌋ da Yawe noobppa laippun gatel qaun o, gomelen, iɗul wanppa memi. ⌊Da anam hei, da deɗ 40, tuqan 40 oh da Yawe noobppa dagom dayeye, da Nug unuqidmi.⌋ Da ee laa ii lami, le ele ii lami. Ag hipunin qeppig akkunu da anam hemi. Ag kobol laa, kobol amuam Yawenu neekkakppa eheɗ daatte, ag eheɗ amu heppig amunu, Nug oo huanak nauhom.

Duteronomi 9:25

Nug heeb, ag padal mekkulagnu ana malom, amu diig amunu da dagom dayeye, Yawenu deɗ 40, tuqan 40 ele unuqidmi.

Duteronomi 9:9

Haen amuam da qaukoppa men maha aɗit, Yawe Nug he, Nug ag ele nug tituana nai qakkak heppig, Nug nai amu men maha aɗit amuppa yom, amu da men maha aɗit amu diiatkkulnu temi. Da attan appa deɗ 40, tuqan 40 oh daami, da ee laa ii lami, le ele ii lami.