Eksodas 24:14 - Nobonob Baibel

¹⁴ Amge tatam Moses nug Israel dilag ikki danab amelagppa inam aum. “Ag ig daattemppa daanna, i amenih mebeppeg, i eɗuɗ nekkunih. Aron, Hur ele aa ag ele daatteb. Am danab laala, ag danab laa dilagnu oolagppa nai dayeb amu, ag danab aɗit amu gumatna goppeg, aa geha elele mettaglah,” awa aum.

Eksodas 24:14 ပူးပေါင်းရင်းမြစ်များ

Genesis 22:5

Antta amu, nug maɗi nid aɗit amelahppa aum. “Aa inam donki gumaya daapeɗ, da Aisak ele i laih uppa goɗa, Kayak noobppa dup noɗa binag mewoɗa, i eɗuɗ uɗignih,” awa aum.

Eksodas 17:10

Moses nug anam haknunab aum amu, aria amubia Josua nug danab laala diie, ag Amalek aqaglagnu heppig. Amu Moses, Aron, amu Hur ele, ag qauko nakok igippa teppig.

Eksodas 17:12

Anam daye, Moses nug eppeg attan hume te daye ukke, nug eppeg dagta mauhe, Moses nug anam eppeg humak ele baula daakkunu elele iitta, amu Aron, Hur ele aa men laa aoya, wanppa meeh, Moses nug men amuppa heɗep na dayeye, aa Moses heqo laih laih hippaidya daayya, aa nug eppeg laplap, amu oh aɗaya, attan humapiɗ. Aa eppeg anam aɗaya daaeheh ukke, aam noum.

Eksodas 18:16

Am haen danab aɗit laa aa keeke laanu nug aidya, diig amunu aa da gumiɗya uɗieh amu, da ahilah nai amu oh elele epeɗiatten, nai atten am tutukku, da ai dooeh, da aa Kayaknu ɗo iɗu iɗu ele ai doottep,” awa aum.

Eksodas 32:1

Moses nug haen elab qaukoppa dayom, nug paha ii neum amunu, danab ah ag qagmena, Aron gumidna gona, nug amegppa appig. “Ig danab amu, Moses, danab amu nug ig Isipnu aikka ippa uɗiom ele amu, ig nuhigppa aɗi laa beum amu, ig ii doottem amunu, na ahan, kayak laa, geha nug ibppa anuqa ugakka, omaikka gokkunu hena mekke!” aon appig.

1 Samuel 10:8

Amu na anuqna Gilgal goppe, da dimppa gokkul. Amge na gona, deɗ eblaih aɗit ele da amel men daappe, da ukken, da manaknu ofa, amu laippu dayaknu ofa ele manen, Kayak medakkul. Amu da ele na aɗi hekkutnu appi dookkut,” awa aum.