Eksodas 23:9 - Nobonob Baibel

⁹ Ag laa nug wan laihnu danab, ag nuhignu kobol nau aib heppig. Aɗinu? Anukka ag Israel ag Isip appa wan laihnu danab ah daappig amunu, ag wan laihnu danab ah ag aɗi uug digdig dootteb amu, ag amu aakku dootteb.

Eksodas 23:9 ပူးပေါင်းရင်းမြစ်များ

Sam 94:6

Ag ah qab, wan laihnu danab ele aqaeg mauhtteb. Ao, ag nid naunau anilkad mamelkad mauhppig amu, ag ag duulkad otteb.

Eksodas 21:21

Amge nug begbeg maɗi nid o begbeg maɗi ah amu anam makkuɗeb, deɗ laippu, o aɗit uueb, nug eɗua ena daakku dayeb amu, ag begbeg maɗi nidnu okkai, nug makkuɗom ele, ag nug aib qeppeg mauhom. Aɗinu? Nug nuhig men doɗoppa bappaidkku.

Eksodas 22:20

Da am Yawe, amu ag doɗ main, daib meɗeg! Danab laa nug doɗ laa mana, kayak hambuppuak laa medakku dayeb, ag heppeg, danab amu nug dahilnuib, dahil pelemppa dayaɗ!

Eksodas 22:21

Amu ag laa nug wan laihnu danab, ag nug uug aib medappig. Aɗinu? Anukka ag Israel, ag ele anam aakku nug daatte bia, ag Isip appa wan laihnu danab daappig.

Esekiel 22:29

Danab okkai, mana mettak danab, propet ele ag anam hetteb, amge hamu aabppan danab ag ele eheɗ hetteb. Hamu aabppan danab ag keeke lokkumakppa awaknu duttuna hak kobol dim lamidnana, ag danab hamu, ɠagattag iitta, ag, ag eppelagppanu men doɗo aotteb. Ag keeke yab aotteb. Ag daɗek danab amu laa ag keekenu tutu mak daatteb ele, ag amu dilag eheɗ hadatteb. Israel danab ah ag amu hena, ag wan laihnu danab ah ele eheɗ hattana, ag gona, hettoɗiakppa danab ah amu dilag uug bappaidkkulagnu nai doya mala hettoɗia epeɗia elele mettak kobol ii dim lamidtteb.

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.

Lewitikas 19:33

Ag wan laihnu danab nug uɗia, ag oolagppa daatte amu, ag nug aib eheɗ hedappig.

Matyu 18:33

Da nahipnu ool gai-iitta doye ool metten ehanidmi, am aɗinu na layapnu anambia ii heme?’ awa aum.

Duteronomi 10:19

Ag Israel, ag anukka Isip wanppa, ag wan laihnu danab ah daadppig amunu, ag ele wan laihnu danab dilagnu oolag mauhaɗ!

Duteronomi 23:7

Ag Edom dilagnu, Isip dilagnu ele oolagppa uuaknab aib dooppig. Aɗinu? Edom ag ele amu, ag am eamag bia. Aria, Isipnu amu, ag appa wan laihnu danab ah ag oolagppa daappig.

Duteronomi 27:19

Appeg, Lewi buɗub ag inam akkulag. “Aun laa nug nai doya mala hettoɗia epeɗia elele mettak kobol, wan laihnu danab ah, nid mamelkad mauhppig, amu ah qab dilagppa ele elele ii hette, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.