Eksodas 23:1 - Nobonob Baibel

¹ Aria, laa amu, laa ag hambuppuak nai laa mattiglag dayeb, ag nai genab iitta amu aib tuɗidppeg okkai meum! Amu danab nug nau heeb, laa ag nug hettoɗiakppa meppeg dayebeb amu, aria ag nug ehanidna, nai hambuppuak, ‘Nug eheɗ laa ii heum,’ aib appig!

Eksodas 23:1 ပူးပေါင်းရင်းမြစ်များ

Genesis 39:17

Nug gamu uɗie, amegppa nai imu mattiom. “Hibru begbeg maɗi nid na aon uɗime ele amu, nug gemu dagattolppa da aɗailkkunu uɗiom.

2 Samuel 16:3

Siba nug anam aum, amge Dawit nug oɗ mettom. “Amge Mepiboset, nug nahip okkai Saul alag amu, nug adeppa daatte?” awa oɗ mettom. Oɗ mette, Siba nug aum. “Nug Jerusalem daatte. Aɗinu? Nug, ‘Da alal king dayom amu, gemu Israel danab ah ag heppeg, da nug dayom bia king daakkul,’ atte,” awa aum

2 Samuel 19:27

Nug anam he, nug na, na am dahil naɗi, dahil king, nug na amenppa da bael qeum. O dahil naɗi, dahil king, nug anam heum, amge na am Kayaknu engel bia daattem amunu, na attem dahilppa hekkutnu ena doottem amu, anamib he!

Sam 101:5

⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.

Sam 120:3

Aun aɗi ag nai hambubutteb ele amu, Yawe Nug ahilagppa aɗi hekku? Nug ag attem bu madakku?

Sam 15:3

ag laa dilagnu ag onilag nauhkkunu nai nau ii atteb, ag ahilkad mudippan laippu guittak ii madatteb, ag lailkad dilagnu nai nau ii atteb,

Sam 27:12

Danab laa ag hettoɗiakppa nai hambuppuak dahilnu maditteb amu, ag da guittak nau mauhnoak meɗaglagnu hetteb amunu, kekeɗ dahilad amu ag dabmak ahilag dim lamidna, ag da eɗilna, iuppeg mauhpanu, na da ii uuiɗmananu oɗ medattem.

Sam 35:11

Amu aɗi heehe anttomnu mattiak danab laa, ag naippa guittak meɗaglagnu hetteb amu, ag hettoɗiakppa dahilnu, “Nug eheɗ heum,” anana, amuppa ag ahilag naippa da iutteb. Ao, ag keeke laalanu, da anam laa ii hemi, da amunu nakok laa ii doottem ele amu, ag keeke amunu da naippa yaaiɗna, da hemi atteb.

Eksodas 20:16

Na hettoɗiakppa, aben laa oh eleppa, na layapnu nai hambuppuak aib mattime.

Eksodas 23:7

Danab ag danab laa hettoɗiakppa mekkulagnu henana, ag nai hambuppuak nuhignu madippeg amu, aria ag laa amu, ag aib amu dim lamidna, nai amu ele madippig. Am danab tutukku nug eheɗ laa ii heum dayeb amu, aria ag nug hamu hettoɗiakppa mena, nug aib qeppeg mauhom. Aɗinu? Da ⌊Yawe, da⌋ danab nug beɗuppa aab ele amu, da nug hettoɗidppi, nug padal mekku.

Prowerb 10:18

Am laa nug laanu, nug layag bia hette, amge nug ooppa, nug nuhignu nau ninig ele dootte, nug am hambuppuak danab; danab nug laa onig nauhkkunu nai maditte, nug am Kayak dab-ii-maama ii dim lamitta oiyak danab.

Prowerb 12:17

Danab nug hanhan nai genabib maditte amu, nug hettoɗiakppa, appa ele genabib maditte; amge hambuppuak danab nug hettoɗiakppa nai hambuppuak maditte.

Prowerb 14:5

Laa nai genabib maditte amu, hettoɗiakppa ele, nug laa aɗi heehe anttomnu mattiak danab dayaya, nug nai genab maditte, nug ham-ii-bubutte; amge laa nai hambuppuak maditte amu, hettoɗiakppa ele, nug laa aɗi heehe anttomnu mattiak danab dayaya, nug nai hambuppuak huanak maditte.

Prowerb 17:4

Nau hak danab nug nai mattiak eheɗ dookkunu hette. Ao, hambuppuak danab nug laa heeb nauhkkunu nai dookkunu daug huma daatte.

Prowerb 19:28

Aɗi heehe anttomnu mattiak danab, nug hettoɗiakppa hambuppuak nai maditte, kobol amuppa nug nai doya mala hettoɗia epeɗia elele mettak kobol awa awa qedatte; amu nau hak danab ag eheɗ hekkulagnu oolag huana hette.

Prowerb 19:5

Hettoɗiakppa laa aɗi heehe anttomnu mattiak danab daatte, nug hambubukku dayeb amu, nug bu aokku. Ao, danab nug hettoɗiakppa nai genab iitta madikku dayeb amu, nug guittak iitta ele gokkunu elele iitta.

Prowerb 19:9

Danab nug hettoɗiakppa laa aɗi heehe anttomnu mattiak danab daatte, nug nai hambuppuak akku dayeb am, nug bu aokku. Ao, danab nug hettoɗiakppa nai genab ii akku dayeb amu, nug mauhkku.

Prowerb 21:28

Danab nug hettoɗiakppa nai hambuppuak maditte, nug mauhkku; amge danab nug nai diig genabnab maditte, nug nai tuɗitta mattieb ukkeb, gogppa tekku.

Prowerb 24:28

Mudippan laippu layap nug keeke eheɗ laa ii heum dayeb, hettoɗiakppa, “Nug eheɗ heum,” aib ame; na aibnab hambuppume.

Prowerb 25:18

Na mudippan laippu, na nuhignu hambuppuak nai hettoɗiakppa madittem dayeb amu; buppuak amuam daɗib laa, o qep elab laa, o lat doɗo hawaɗ ele laa guittak mettalo, amubia guittak medatte.

Prowerb 25:23

Gu haenppa gu genab nettebia; laa nug layagnu nai nau maditte amu, layag nug genab oo nauhtte.

Prowerb 6:19

hettoɗiakppa aɗi heehe anttomnu mattiak danab dayaya, nai hambuppua, ii daye daye mattiak kobol, amu laa nug he, awag amag ag nug qetteb, kobol amu ele.

Jeremaia 20:10

Danab ah ag dahilnu otiptip-ppa mattiegeg doomi. Ag atteb. “⌊Nug ig padal mekkunignu, nug amuib maditte.⌋ Nug mattieye, nai amu he, danab ah oh ag eheɗ nau baɗatteb amunu, ig okkai danab amelagppa nai nug atte amu amelagppa apput, ag nug aɗaglag,” aon atteb. Ag anam aegeg, da lailad, ⌊ag oɗelagppaib da lailad daatteb amu,⌋ ag ele da nein qekkulnu oolag daatte. Ag anam henana, amu ag atteb. “Aria, ig hepput, nug kobol eheɗ laa heeb, ig nug eɗidta, ⌊nug nai eheɗ atte amu, ig⌋ amunu nob nau laa mettagnig,” aon atteb.

Lewitikas 19:11

Ag aib yab heppig. Ag aib nai hambubuppig. Ag aib lailkad dilagppa ameg qakkak kobol heppig.

Lewitikas 19:16

Laa baeg aib qeme. Na keeke laa heppe, diig amunu na layap nug mauhkkutai amu, na amu aib heme. Da am Yawe.

Matyu 19:18

Anam a amu danab amu nug aum. “Aɗi ɗo dim lamidkkul?” awa aum. A amu Jesus Nug aum. “Na danab aib qeppe mauhom. Na ewau aib pakkuna gappai heme. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime.

Luk 19:8

Aria Sakius aha hibaitta, Jesus amegppa aum. “Naɗi, gemu da dahil keeke oh gamagppanab oppaten, laih awe, daɗek danab madakkul. Amu da danab laa hambuppuitten, nuhig keeke yab aomi dayeb amu, da yab awak amu qaɗeppa ewam amubia laa ele nug medakkul,” awa aum.

Luk 3:14

Anam a amu ban danab laala ele ag oɗ medappig. “Ig amu attem hekkunig?” aon appig. Aeg amu nug amelagppa aum. “Ag danab laa aib duttunattegeg, ag men doɗo madappig; amu laa ag hambuppuna, danab eheɗ laa ii heum ele, ag nug eheɗ heum aib appig. Ag ahilag uɗatnu nob tutukku aona, baubau awaknu aib dabmeppig. Ag aotteb ele amu, ag amunu elele doonna dayeg!” awa aum.

Jon 7:51

“Ig ihinig ɗoppa danab laa hettoɗiakppa ii dayom haenppa, nug eheɗ heumnu akkunignu am elelete? Iitta. Nug keeke heum amu ig tatam doota, ig nug epeɗignig,” awa aum.

Rom 3:8

Aɗinu ig kobol ena bekkunu ig kobol nau ii hekkunig?” Laa nug anam akkutai, amge anam iittanab. Am elele iittanab, amge danab laala ag dahilnu baeg qak nai mattina, “Polnu nai ele anamib,” aon atteb. Amu dimppa geha Kayak Nug danab amu nob nau tutukku ahilag eheɗ hak eleleppa madakku.

Epesus 4:25

Ag kobol hambuppuak uueg! Ag nai genabib laa amelagppa mattieg! Aɗinu? Ig am beɗu laippunu laih kuɗum daattem.

Duteronomi 5:20

Na hettoɗiakppa, aben laa oh eleppa, na layapnu nai hambuppuak aib mattime.

2 Timoti 3:3

Ag tiilag laippu ele dilagnu oo mauhak ii doomna, ag laa dilagnu uhuqa mettak kobol ii hemana. Ag baeg qak nai mattiglag, ag akka ahilag oiyak pehettak atognoak kobol ii hemana, dakkuɗ kobol hena, ag kobol enanu kekeɗ daaglag.

1 Pita 3:16

amge na oo bodoettak kobol, na laanu ena elele doyak kobol ele dim lamidna, anam he! Danab laa ag na Kristusnu daanna, hak ena hettem anidna, ag baeg qak nai nahipnu maditteb amu, ag amunu uɗalag nekkunu na beɗunppa aab iitta eleppa henan oikkut.

Revelesen 12:10

Buɗiatteg noeg amu, da hab aab appa baag oqotti okkai laa inam aawo doomi. “Gemu ihinig Kayak Nug he, nuhig Padal ii maknu ehanittak kobol, nuhig ɠagattag, nuhig ɗo maɗoɗ, amu laa Nug tituanom, am Kristus, Nug okkai daakkunu ehah ele miag atieg ippunikkom. Aɗinu? Laa nug ig lainkad amun tuqan ele Kayak noobppa hettoɗiakppa maadttom ele amu, hab daup ag aakku nug maoeg wanppa noum.