Eksodas 22:8 - Nobonob Baibel

⁸ Amge ag yab danab amu mattin ii anidna amu, ag danab keeke gumom ele, nug keeke amu yab awomte, o iittate, ag amu dooglagnu, ag nug aon, mettid lakka da noolppa goppeg, da nuhignu ippunadppi dooglag.

Eksodas 22:8 ပူးပေါင်းရင်းမြစ်များ

1 King 8:31

Amu danab laa nug layagnu, ‘Nug dahilppa nau imu heum,’ ab, laa eheɗ heumnu nai yaakppa daatte amu, ikki danab ag heppeg, nug uɗia, nahip mettid lag imuppa qaɗab guguittak dayaya, nug nai nuhig Kayak onigppa ɠagattag qa, ‘Da ii hemi,’ akku amu,

1 Stori 23:4

Dawit ebaqa mala, nug aum. “Lewi buɗub 38,000 daatteb amu, ag oolagppanu 24,000 ag Yawenu mettid lagnu uɗat henan daaglag. 6,000 laa ag am Israel dilag ehanittak anuqak danab, epeɗiak danab ele daaglag.

Sam 82:1

Kayak Nug Israel dilag tamaniakppa dayaya, Nug qagmeppig ele dilag okkai daatte. Ao, Nug epeɗiak danab dilagnu nai doya mala hettoɗia epeɗia elele mettak kobol dim lamitta, Nug ag daulag batata, ag amelagppa inam atte.

Eksodas 21:6

aria, gumak danab nuhig nug danab amu awa, Kayaknu mettid lagppa, nug amuppa ukka heeb, nid nug od ukku, ad amuppa hibaitta dayebeb, gumak danab nuhig nug tutuippa nug daug bami otuleb, amu geha nid amu nug danab amu, nuhig maɗi nidib dayeb ukkeb, nuhig mauhak batakku.

Eksodas 22:28

Da am Kayak, ag dahilnu dabittak nai aib appig. Amu ag ahilag huuppan ikki danabnu, nug eheɗ laa awaknu anak waappa daakkunu aib appig.

Eksodas 22:9

Haen oh nai keekenu, amuam makau okkai ebehi elenu, o donkinu, o sipsipnu o lamennu keeke, haen nai keeke amunu beebe, danab laa nug, ‘Amuam dahil,’ awa atte, amge laa nug ele keeke amunu, ‘Iitta. Am dahil,’ awa atte amu, haen amu oh, diig amunu ag aa omalatna, mettid lakka da noolppa goppeg, da danab aun nug hambuppua, ‘Am dahil,’ atte ele amu, da nug miag atippi, am danab amu nug keeke amu aɗit nug layag eɗua mettaɗ!

Duteronomi 16:18

Yawe, ahilag Kayak, Nug aab oh madakkun hette amu, ag amuppanu epeɗiak danab, amu okkai danab ele otiatteg! Ag Israel dilag huu okkai anen anen, ag anam heig! Ag otiadppeg, geha ag danab ah dilagppa epeɗiak, Israel wan ohppa nai doya mala hettoɗia epeɗia elele mettak kobol dim lamidnana hekkulag.