Eksodas 22:7 - Nobonob Baibel

⁷ Danab laa nug men doɗo nug layag gumakkun metteb gumebeb, aria yab danab laa nug men doɗo amu yab aweb, dimppa ag yab danab amu mattin anidppeg, yab danab nug men doɗo amu oh nob mekkunu, nug keeke awom bia, nug aɗit amubia mettaɗ!

Eksodas 22:7 ပူးပေါင်းရင်းမြစ်များ

Eksodas 22:6

Danab nug nuhig atuppa aben laa ad naunau qaun ele, nug amu amoteb ewa, naɗi ewa, nuhig tom tippala ukka, danab laanu wit, bali keeke eokku dayeb, o nug wit, bali keeke okkula, qagme dayeye ewom dayeb amu, danab aab amote, ewa ee ewom ele amu, nug ee amu oh nob eɗua, mameg mettaɗ!

Jeremaia 2:26

Amu Israel oh ag uɗa nak nau guittak eleppa daatteb. Haen polis ag yab danab aɗaeg, uɗa nak nau guittak ele dootte, uɗa nak ahilagppa anamib daatte. Ag, ahilag king, ahilag ehanittak anuqak danab, ahilkad mana mettak danab, amu ahilkad propet danab ele, ag oh anamib.

Lewitikas 19:13

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!

Lewitikas 6:1

Yawe Nug Moses amegppa tuɗitta aum. “⌊Na Israel danab ah amelagppa nai imu appe doyeg!” awa aum. Nug anam a amu, Moses nug Israel amelagppa inam aum.⌋

Lewitikas 6:2

“Laa nug Yawe ippunittomnu oo metta ii uuak kobol ii dim lamitta, hipunin imu laa qekkutai: Nug laa dilag keeke, nug atognotte ele, nug amunu hambuppuak laa hekkutai, o nug aɗi laa hekkunu ana nai qakkom, nug amunu hambubukkutai, o nug keeke laa yab aokkutai, o nug laanu keeke nai mattiak nauppa, o ib eheɗ laappa aokkutai.

Lewitikas 6:5

O nug aɗi keekenu hambuppuak nai ɠagattag qetta ana awom amu, nug amu ele eɗua mameg medakkuoitte. Nug keeke amu ohppanu keeke nuhig daakkunu ii daatte ele amu eɗua, laa nuhigppanu awom amu, nug keeke amu, aria maha laa ele, 20 pesent tuɗitta medakkuoitte. Nug keeke amu deɗ nug eheɗ haknu ofa hekku amu, nug deɗ amuppa keeke amu eɗua medakkuoitte.

Jon 12:6

Judas nug anam awa aum, amge nug daɗek danab dilag dabma ii aum. Iitta. Nug ippunittak awak dilag men doɗonu kunup gumama yab aottom.

1 Korint 6:10

o aun aɗi ag yabhak kobol hetteb, o aun aɗi ag baubau awaknu hik qak kobol dim lamidtteb, o aun aɗi ag le ɠagattag laeg, kaaka aqatte, o aun aɗi ag baeg qak nai maditteb, o aun aun aɗi ag nai ittag ele mattinna yabhoi hak danab daatteb amu, danab ah amu ag oh Kayaknu ɗo maɗoɗ ooppa ii daamna.