Eksodas 22:30 - Nobonob Baibel

³⁰ Ag makau dawai, amu sipsip dawai tatamnu ele anamib meɗeg! Makau nag dawai, o sipsip nag dawai nug anig ele deɗ eblaih aɗit ele daapeɗ, aria deɗ eblaih ewamppa amu, ag aon qena, main meɗeg!

Eksodas 22:30 ပူးပေါင်းရင်းမြစ်များ

Genesis 17:12

Buɗub buɗub doobob, nid danab, ag anilkad ag laulkadppa menuadkkulag ele amu, deɗ eblaih ewamppa ag gaɗa otaɗak aoglag. Amu wan laihnu danab, ag ele tiilag laippu iitta, ag daden maadna diiglag amu, ag ele gaɗa otaɗak aoglag.

Eksodas 13:12

ag ah oolkadppanu nid danab tatamnu oh, ag Yawe mettaglagoitte! Amu doɗ nalkad dawai tatamnu oh ele, ag Yawenu daaglag.

Esekiel 4:14

Yawe Nug anam a, da ami. “O Naɗi Yawe, da amu hekkulnu ool ii daatte. Ee lanak dahilppa da deɗ laa eheɗ heinne, ee nahip neekkakppa dubuttid tak ele ii lami. Da amu helom amu, nahip neekkakppa da dubuttid tak ele daalom. Da nid bauppan digmak uɗie, gemu batak amu, da doɗ laa nukka mauhom, o doɗ laa layag dakkuɗ qe mauhom amu, da teppu amu nakok laa ii lami. Da doɗ ii lanaknu epeɗiak daattenu teppu laa ii lami. ⌊Da amu ii lami amunu, da ee danab dilag biiak qaɗaiettakppa manak ele lakkulnu amu, da uug nau doottem. Da uug doottem amunu, na da anam hekkulnu ii amananu oɗ medattem,⌋” awe ami.

Lewitikas 11:44

Aɗinu? ⌊Yawe Nug inam aum daatte.⌋ ‘Da am Yawe, ahilag Kayak. Da oppiaawak daattem amunu, ag dahilnu tituana meɗak daaglagnu hena, ag dahilnu, ag oppiaawak ele dayeg! Ag doɗ laa ag oolag wan qeeqe oitteb ele, ag amu aɗualadkkulag dayeb, ag da ele ouqa dayaknu elele iitta amunu, ag aib aɗualadppig.

Lewitikas 11:45

Aɗinu? Da am Yawe. Da ag ahilag Kayak daakkulnu, da ag Isip wanppan diiyi, ippa uɗippig. Da am oppiaawak daattem amunu, ag dahilnu, oppiaawak ele daaglagoitte,’ awa aum.

Lewitikas 12:3

Deɗ eblaih ewamppa amu, nid nug gaɗa otaɗak daakkuoitte.

Lewitikas 17:15

Am nai keeke haknunab daatte imu am, Israel, wan laihnu danab ele, ahilag ohnu aakku daatte. Aun nug doɗ nug nukka mauhom, o nug doɗ layag laate qe mauhom, amu lakku dayeb amu, nug lamen nuhig ihalatta, le ele laakkuoitte. Amu nug aakku Kayak ele ouqa dayaknu elele iitta dayeb ukkeb, tueb meeb batakku. Amu dimppa nug am Kayaknu neekkakppa dubuttid iitta daakku.

Lewitikas 22:27

“Am haen makau dawaite, o sipsipte, o meemete nag laa, bau menuak dokku amu, nug deɗ eblaih aɗit ele anam anig ele oh daaglahoitte. Am deɗ eblaih ewamppa digma ukkak amu, Yawe mettaknu aab aɗunu ofa daakkunu elele.

Lewitikas 22:8

Mana mettak danab ag doɗ akka mauhppigte, o doɗ laa, doɗ dakkuɗ laa ag aqadna tuqatteg neppig amu, ag amu iinab lamana. Ag lakkulag amu, ag am Kayak ele ouqa dayaknu elele iitta daaglag. Da am Yawe.

Lewitikas 7:23

“Na Israel danab ah amelagppa nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ag makau, o sipsip, o meeme ittag iinab lamana.

Lewitikas 7:24

Ag doɗ mauhak niieye anttak, o doɗ dakkuɗ ag doɗ laa aqaeg mauhppig ele amu, ag amu ittalkad aon, amuppa keeke laa hekkulagnu elele, amge ag iinab lamana.

Lewitikas 7:26

Ag adeppa adeppa daatteb ele amu, appa ag ai tiilag, o doɗ tiilag iinab lakkulagoitte.

Duteronomi 14:21

Doɗ ag akka mauhtteb amu, ag aib lappig. Ag doɗ amu wan laihnu danab, ag uɗin, ahilkad aab adekkuppa, ag oolagppa daatteb madappeg lakkulag, o ag heppeg, wan laihnu danab ag daden mekkulagnu elele. Ag akka amu aib lappignu diig am, Yawe, ahilag Kayak, Nug ahilagnu, nuhignu tituanak daatteb anadtteb. Ag meeme nag, anignu huhppa aib badippig.

Duteronomi 15:19

Ag doɗ sipsip, meeme, makau dawai tatamnu, ahilag aɗppanu Yawe, ahilag Kayak, ag nuhig daaglagnu tituankkulagoitte. Ag makau okkai ebehi ele ⌊dawai⌋ tatamnu ahilag dadppa uɗat hekkulagnu aib heppig; sipsip, meeme ⌊dawai⌋ ele tatamnu uɗig ele aib otaɗppig.