Eksodas 22:27 - Nobonob Baibel

²⁷ Aɗinu? Nug ulahnu lamen laippu aakkuib. Nug tuqan beɗu ulah qemanu amuib laidtte amunu, ag eɗun ii mettanna, ag aɗaglag dayeb amu, geha nug tuqan aɗi beɗu laitta niikku? Dahil oo bodoetta le mak kobol danab ah oh dilagppa daatte amunu, haen nug da ehanidkkulnu unuqiɗkku amu, da geha nuhig unuqittak amu doyen ehanidkkul.

Eksodas 22:27 ပူးပေါင်းရင်းမြစ်များ

2 Samuel 16:5

Siba, Dawit ele aa anam mattieh ukke, King Dawit nug ukka ukka, Bahurim guguitta ukke, danab laa, nug Saul ele aab ikki laippu, nug aab amu nakok uua ukka, Dawit eheɗ laa awaknu anak waappa daakkunu nai mattiom. Nug am Gera bekka Simei.

1 King 2:8

Am laa imu ele dabmekkut. Gera bekka Simei, Bahurim ted, Benyaminnu huu dilag wanppanu, nug ele daatte. Anukka haen Apsalom he, da oole gomi, haen amuppa da Mahanaim gokkulnu ukkaiyi, nug da eheɗ laa awaknu anak waappa daakkulnu nai mattiom. Amge haen da eɗue uɗiyi, nug na, da Jodan leppa aniɗe, da Yawe onigppa nug qep elabppa qeppi ii mauhmanu nai ɠagattag qettami.

1 King 2:9

Amge na nug nau dahilppa heum amu, na amunu dabmak aona, na, ‘Nug eheɗ laa ii heum,’ aib dabmeme. Na am danab doyak dabmak ena ele amunu, na nuhigppa aɗi hekkutnu daatte amu, na dookkut. Na heppe, nug mauhaɗ!” awa aum.

2 Stori 30:9

Aɗinu? Ag eɗun, Yawe waappa daaglag dayeb, Nug heeb, kekeɗ ag Juda danab ah laa diin goppig ele amu, ag ahilagnu oo bodoetta le mak doon, ag heppeg, laa amu ag eɗun, wan imuppa uɗiglag. Yawe, ahilag Kayak, Nug oo bodoette enanag maɗoɗ ele hak kobol dim lamitta, Nug oo gai-iitta, oo metta, ehanittak kobol ele hanhan hette amunu, Nug anam hekku. Ag eɗun, Nug dim lamidkkulag dayeb amu, Nug ag ii geɗadma.” Pasppa yaak anam dayom.

Sam 34:6

Da am daɗek danab laa, amge Yawe unuqitti, Nug doya ehaniɗe, uug dahil oh eɗidmi.

Sam 72:12

Ag anam hekkulagnu diig am, daɗek ag nug unuqidppeg, nug ag ehanatteb, qagaiettakppa ii daamna. Ao, laa ag laa eppelagppa daatteb, auntai laa ehanadkku iitta ele amu, ag nug unuqidppeg, nug ag ehanadkku.

Sam 86:15

Amge O Naɗi, na kayak laa bia iitta; na am Kayak oo bodoetta le mak kobol, oo bodoette enanag maɗoɗ ele hak kobol ele dim lamidttem. Na paha oot ii nauhtte, amu nahip oo mauhaknab kobol, oo metta ii uuak kobol ele am ambeya, letaya nettep.

Eksodas 22:23

Ag laa amubia, ag ahilagppa eheɗ heppeg, ag da amelppa amunu gaappeg amu, da ahilag ewak genabnab genab dookkul.

Eksodas 34:6

Nug anam ha, Nug Moses noobppa wanana, Nug inam anan mattiom. “Da am Yawe, Da am Yawe. Da Kayak, da am oo gai-iitta doya oo metta ehanittak diig, oo bodoette enanag maɗoɗ ele haknu diig ele. Da paha ool ii nauhtte. Dahil oo mauhaknab kobol, dahil oo metta ii uuak kobol ele am, ambeya, letaya nettep.

Eklisiastis 10:20

Na oɗenppa aib king aon aon qettame, amge amuib iitta! Dabmakppa ele na anam aib heme! Ge, na danab okkai dilagnu na laut ooppa, niittem abenppa daanna, ag eheɗ laa awaknu anak waappa daaglagnu aib ame. Aɗinu? Ai laa nug doya, nahip dabmak, o nahip nai amu ag amelagppa akkutai. Ge, ai laa hagagaɗa oiyaya doya, ukka mattieb dooglagtai.

Aisaia 19:20

Qaɗab amu, men biidod ele aa Isip wanppa anttaknu at daaglah. Daapeɗ, danab ah anatna, ag Yawe Nukka Ɠagattag Oh Ele, ⌊Nug Isip wanppa daatte⌋ dooglag amunu, kekeɗ ag uɗin, eheɗ hadappeppeg, Yawe unuqidkkulag amu, Yawe Nug haen amuppa ehanatteb, padal memananu danab laa meeb uɗia ehanatteb, ag kekeɗ eppelagppa qagaiettak ii daamna.

Duteronomi 24:10

Haen na laipad Israel oolagppan laa aɗi lon mettana, na dimppa keeke lonnu onig awak daatte aokkunu, na aib nug laug ooppa nona, keeke amu aome.