Eksodas 22:25 - Nobonob Baibel

²⁵ Danab o ah dahil laa ag oolagppan nug keekenu tutu mak dayaya, ahilagppanu lon aweb amu, ag danab nug bisnis uɗat ha, lonnu intres aotte amu, ag nug hette bia aib heppig. Iitta. Ag intres laa aib aoppig.

Eksodas 22:25 ပူးပေါင်းရင်းမြစ်များ

2 King 4:1

Amu ah laa, gamu nug propet huu ameg laa, nug amuppa daya mauhom, danab amu qappu amu, nug Elisa gumitta uɗia, nug inam amegppa aum. “Danab okkai, danab dahil nug am nahip maɗi nid, nug mauhom. Na doottem, nug haen oh Yawenu ebehi oh bodoetta le mettom. Amge gemu danab nug lon mekke, eɗut ii mettamut ele aokkunu hette, amge da men doɗo iitta. Nug nid dahilaɗ aɗit amu diiata ukka heeb, nuhig begbeg maɗi nid daaglahnu uɗiom,” awa aum.

2 King 4:7

Aakku ah qab nug ukka Elisa, nug Kayaknu danab amu, nug nug amegppa a, Elisa nug ah amu amegppa inam aum. “Gona, goɗen amu meppe, daden meppeg, men doɗo aon, danab nahipnu keeke nob eɗua mettaknu amu, na danab amu medappe, men doɗo laa daakku amu, na begapaɗ ele, ahilag ee daden mena lakkulagnu dayaɗ!” awa aum.

Nehemaia 5:7

Da ool huana nauhe, da dabmei ukke, da anuqak danab, Juda dilag ehanittak anuqak danab ele amelagppa naippa yaalatten, da ami. “Ag eheɗ hetteb. Ag laa imu, ag oh tiilag laippu, amu ag lon mattanna, ag eɗun men doɗo amuib mattaglagnu ii atteb. Iitta! Ag lon gane madappig amu, ag amu eɗun mattanna, lonnu intres, ag amu ele mattaglagnu atteb.” Da anam ag amelagppa ami. Da anam awoya, da uug amu ib atten anidta bappaidkkunignu danab kuɗum onilagppa ei uɗieg,

Sam 15:5

ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.

Prowerb 28:8

Laa ag lonnu intres, ag amuppa enulag okkai tuɗidna aotteb amu; Kayak Nug heeb, ahilag en am laa ag daɗek ehanadtteb ele, ahilag daakku.

Jeremaia 15:10

O anai, na da ii menuiɗlom am ena. Wan imu ohppan danab ah ag dahilnu ena ii doon, ag dahilnu nai hetteb. Da aɗi keeke, ag amu anidna, dahilnu eheɗ dooglag, da amu laa ii hemi, amge danab ah oh ag da eheɗ laa awaknu anak waappa daakkulnu atteb.

Esekiel 18:13

Bekka amu nug danab laa lon metta, eɗua awaknu haenppa nug lonnu intres aotte. Ge, nug gane mettom, amu eɗittak laa aotte. Danab anam nug bau daakkute? Iitta! Nug kobol digdig, da kobol amunu oolppa uuaknab doottem amu, nug kobol amu oh heum amunu, nug mauhkkuoitte. Nuhig mauhak am nug beɗuppa. Laa beɗuppa iitta.

Esekiel 18:17

Danab nau bekka amu, nug hipunin aɗi hekkunu ib anidtte ele amu, nug ib amu uua, eheɗ ii hette. Genab tutukku hak danab amu nug danab laa lon metta, eɗua awaknu haenppa nug lonnu intres ii aotte. Ge, nug gane mettom, amu eɗittak laa ii aotte. Nug dahil ɗo nai iɗu iɗu pehettak dabmetta dim lamidtte. Danab anam amu nug bau daakku. Nug mameg hipunin heum, amge danab ena amu nug mameg hipunin heum, nug diig amunu ii mauhma. Iitta. Nug genab bau daakku.

Esekiel 18:7

Nug laa eheɗ ii hatta, nug keeke lonnu onig awak daatte amu eɗua, mameg medatte. Genab tutukku hak danab amu nug yab ii hette. Nug danab enug qeeqe, ee medatte. Ao, nug laa lamen iitta ele lamen medatte.

Esekiel 18:8

Genab tutukku hak danab amu, nug danab laanu lonnu intres ii aotte. Ge, nug gane mettom, amu eɗittak laa ii aotte. Nug eheɗ hekkunu ib anidtte ele amu, nug ib amu uua, eheɗ ii hette. Danab aɗit laa aa nug qeeheh, bappaidkkunu nug nai doya mala hettoɗia epeɗia elele mettak kobolnu oo metta ii uuak doyaya, kobol amu dim lamitta bappaidtte.

Esekiel 22:12

Ag Jerusalem danab ah, ag oolagppan laa ag laa men doɗo mattaeg, ag laa aqaeg mauhtteb. Ag Jerusalem danab ah, ag lailkad lon mattan, ag lonnu intres digdig aotteb. Ge, ag gane medappig, amu eɗittak laa eɗun aotteb. Ag Jerusalem danab ah, ag mudippan laippu ele keeke lokkumakppa awaknu duttuna hak kobolppa ag eppelagppanu men doɗo keeke aotteb; amuppa ag keeke ii aolob aotteb. Ge, ag Jerusalem danab ah, ag dahilnu daulag atiom oitteb.’ ” Naɗi Yawe Nug anam atte.

Amos 2:8

Ag laa dilag lamen, lamen amuam keeke lonnu onig awak daatte, ag tueb eɗun, mameg mettalob amu, ag lamen amuppa niitteb. Ag ahilkad kayak hambuppuak binalag menana, ahilkad qaɗab oh daugppa amu hetteb. Ao, ag danab hettoɗiakppa mena, ag eppelagppanu men doɗo aon, ag men doɗo amuppa wain aon, ag ahilkad kayak hambuppuak laulkadppa wain amu latteb.

Matyu 25:27

Anam genab daalo amu, haen da eɗue uɗien, da men doɗo dahil, tuɗittak baula, intres atteb, da amu ele aolomnu, na intres tuɗittaknu dahil men doɗo benk danab mattalom, amuam ena.

Luk 19:23

Anam genab daalo amu, haen da eɗue uɗien, da men doɗo dahil, tuɗittak baula, intres atteb, da amu ele aolomnu, na diig aɗinu intres tuɗittaknu dahil men doɗo benk danab ii mattalom?’ awa aum.

Duteronomi 15:7

Amge qinob ag wan aon malan, daɗek danab ah laa aab, Yawe, ahilag Kayak, wan madatte, amuppa daaglag dayeb amu, ag akka ahilagnuib dabmena, daɗek amu ii ehanidmananu aib dabmeppig.

Duteronomi 24:13

Nahipad mudippan laippu nug lamen amuppa niikkude amunu, na lamen amu uu-ii-doobob, eɗun medakkut. Na amu hekkut dayeb, na laipad mudippan laa amu nug amunu, “Ena heme,” awa akku, amu Yawe, ahilag Kayak, Nug danab anam hette ele, Nug nuhig hak amunu genab tutukku hak kobol dookku.