Eksodas 22:24 - Nobonob Baibel

²⁴ Ag anam heppeg, da doyen, da ool nauheb heppi, kekeɗ ag uɗin, ag eheɗ amu hetteb ele, ag ag aqappeg mauhppeg, ah ahilkad ag am danab iitta hamu daappeg, nid naunau ahilkad amu, ag mamelkad iitta daaglag.

Eksodas 22:24 ပူးပေါင်းရင်းမြစ်များ

Nehemaia 5:7

Da ool huana nauhe, da dabmei ukke, da anuqak danab, Juda dilag ehanittak anuqak danab ele amelagppa naippa yaalatten, da ami. “Ag eheɗ hetteb. Ag laa imu, ag oh tiilag laippu, amu ag lon mattanna, ag eɗun men doɗo amuib mattaglagnu ii atteb. Iitta! Ag lon gane madappig amu, ag amu eɗun mattanna, lonnu intres, ag amu ele mattaglagnu atteb.” Da anam ag amelagppa ami. Da anam awoya, da uug amu ib atten anidta bappaidkkunignu danab kuɗum onilagppa ei uɗieg,

Job 31:23

Amge da eheɗ amu ii hemi. Aɗinu? Da Kayak heiɗeb nauhpanu baɗami. Ao, Kayak Nug dagom onig ɠagattag ele amunu, da keeke amu hekkulnu elele iittanab doomi.

Sam 109:9

Na heppe, nug mauheb, bekkod ag mamelag iitta, wau nug qab meeb daaglagnu oɗ medattem.

Sam 15:5

ag men doɗo lon hetteb, amge ag eɗua awaknu tuɗidna okkai awak kobol uutteb, ag hettoɗiakppa, o adekkuppa laa beɗulagppa aab iitta ele eheɗ aoglagnu, ag lokkumakppa eheɗ hekkulagnu ehanittak ii aotteb. ⌊Danab ah ag amu hetteb ele amu, ag na lautppa, nahip qaukoppa wakkulagnu elele.⌋ Am danab ah ag kobol ena amu hetteb, ag kobol nau amu ii hetteb ele amu, ag hanhan ɠagattag daaglag.

Sam 69:24

Na ahilagnu oppoɗin huananab bekkunu oɗ medattem. Ao, na ahilagnu oo nauhak huananab beeb, hadappe nauhkkulagnu unuqidttem.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Sam 90:11

O Naɗi, aun nug nahip oo nauhaknu ɠagattag doyeb oo maidkku? Danab ag nahip oppoɗi bak pehettak anidna dootteb ele amu, ag pehettak nahipnu ebehilag oh bodoetta le mette.

Jeremaia 15:8

Kekeɗ ag danab kuɗum aqadppeg, ah qab huanak, kuɗumnab, abuɗ yu ihippa daatte, amu eɗittak daaglag. Kekeɗ ag danab ah keeke amunu ii dabmetteb haenppa, ag nid bau, ag anilkad ele aqadkkulagnu pahanab ahaglag. Ge, da heppi, baɗak eheɗ nau ele, guittak okkainab ele pahanab nid bau, ag anilkad ele dilagppa uɗiglah.

Jeremaia 18:21

amunu, na heppe, nid naunau ahilkad ag enugppa, o qep elabppa mauhppeg, danab amu ag laa eppelagppa guittak aon mauhppeppeg, ahilkad ah ag ah qab, nid iitta daappeg, ag bekkalkad nid bau, ag ele banppa mauhkkulagnu oɗ medattem.

Gayak Nai 5:3

Ig nid ag mamelkad mauhppig, ehanittak laa ele iitta daatteb bia daattem. Ao, ig aninkad ag ah qab daatteb.

Lewitikas 25:35

Ag lailag, Israel ted laa, nug ag oolagppa dayebeb, aɗi uug beeb, daɗek ma, nug ee keeke aokkunu ib iitta daakku dayeb, nug tuɗid ag oolagppa daakkunu, ag wan laihnu danab ehanidtteb, o ag danab laa nug wan laappan uɗia, haen tutuib dayak danab ehanidtteb, amubia ag laa daɗek meum amu, nuhignu heig!

Lewitikas 25:36

Na laa lon mettana, na lonnu intres aib aome. Iitta! Na Kayaknu ebehin oh bodoetta le maɗ! Na anam heppe, na layap, Israel ted, nug na, amu nahipad danab ah ele oolagppa daakkunu elele dayeb daaglag.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Luk 6:38

Ag danab keeke madappeg amu, laa ag eɗun ag keeke mattaglag. Ag keeke ambeeb, ye noak dayeb, baubau ineb amba gokkaɗebeb aoglag. Ag lailkad dilagnu aɗi melemelppa keeke hetteb, ag melemel amuppaib geha keeke aoglag,” awa aum.

Duteronomi 23:20

Na wan laihnu danab, na amu dilagppanu lonnu intres aokkutnu elele, amge Yawe, ahilag Kayak, Nug ag wan, ag amuppa nona aon daaglagnu hetteb amu, amuppa Nug na aɗi aɗi hebeppe, Nug na ena itidkkunu, na lonnu intres Israel dilagppanu aokkutnu aib heme.

Duteronomi 23:21

Am na genabnab haknu nai anan qakkak laa, Yawe, ahilag Kayak, na Nug amegppa anam ame dayeb, na ame bianab genab he! Aɗinu? Yawe, ahilag Kayak, Nug na genanabnab nai anan qakkak ame bia, na amu hekkutnunab dabmak aɗa daakku. Na anam ii hekkut dayeb amu, hipuninnu aab am na beɗunppa daakku.

Hibru 10:31

Amu danab laa nug hipunin nuhignu, Kayak bauklel ele eppegppa epeɗiak aokkunu gokkunu am keeke hamu iitta. Keeke amuam keeke baɗak, uug naunab ele.