Eksodas 22:21 - Nobonob Baibel

²¹ Amu ag laa nug wan laihnu danab, ag nug uug aib medappig. Aɗinu? Anukka ag Israel, ag ele anam aakku nug daatte bia, ag Isip appa wan laihnu danab daappig.

Eksodas 22:21 ပူးပေါင်းရင်းမြစ်များ

Job 6:27

⌊Ag am danab oo doyak nakok laa iitta!⌋ Ib laa bekku dayeb amu, ag nid laa, mameg mauhom ele, ag nug laa dilag maɗi nid daakkunu om yaakppa ag eppelagppa mekkulag. Ge, ib laa bekku dayeb amu, ag, ag lailag aon meppeg, laa uɗia, nuhig maɗi nid daakkunu daden ma, awa gokku.

Sam 146:9

Nug wan laihnu danab atognoadtte. Amu Nug ah qab, aria nid ag mamelkad mauhppig ele ehanadtte. Nug anam anam hette, amge Nug nau hak danab dilag maittak he nauhtte.

Eksodas 20:2

“Da am Yawe, ahilag Kayak. Da ag Isip, ag appa begbeg maɗi nid daaegeg, da appanu diie, omalatti uɗippig.

Eksodas 23:9

Ag laa nug wan laihnu danab, ag nuhignu kobol nau aib heppig. Aɗinu? Anukka ag Israel ag Isip appa wan laihnu danab ah daappig amunu, ag wan laihnu danab ah ag aɗi uug digdig dootteb amu, ag amu aakku dootteb.

Aisaia 1:17

Ag dabmak ena aon, kobol genab tutukkuib hekkulagnu dabmettan, aon aɗan oiyeg! Ag kobol genab tutukku amu henana, ag nai doya mala hettoɗia epeɗia elele mettak kobol dabmenan, dim lamitteg! Ag danab laala ag lailkad laa, ɠagattag nakokib eheɗ hadatteb ele amu, ag hak nau amu bappaladnana, eheɗ hak danab bu matteg! Ag nid ag mamelkad mauhppig ele, ag hettoɗiakppa atognoatteg! Ag ah qab, laa ag amu dilag eheɗ hadatteb anidna, ag hettoɗiakppa, o adekkuppa ag ah qab amu ehanadnana, atognoatteg!” Yawe Nug anam awa atte.

Jeremaia 22:3

Yawe Nug inam atte. Ag nai doya mala hettoɗia epeɗia elele mettak kobol, kobol genab tutukku ele dim lamitteg! Ag nai doya mala hettoɗia epeɗia elele mettak kobol henana, aun aɗi ag gai-iitta daan, danab ɠagattag eppelagppa daaeg, eheɗ hattana, ahilag keeke yab aotteb amu, ag danab amu, danab nau amu eppelagppanu eɗun diieg! Ag wan laihnu danab ah, nid ag mamelkad mauhppig ele, ah qab ele dilagppa kobol eheɗ aib heppig; guittak ele aib madappig. Laa eheɗ laa ii heppig ele ippa aib aqappeg mauhppig.

Jeremaia 7:6

amu ag laa, ag wan laihnu danab, aria nid ag mamelkad mauhppig, amu ah ag gamulkad mauheg, qab daatteb, ag amu eheɗ hattanana, ahilkad keeke yab bia aotteb amu, ag kobol amu genab uun, ii hekkulag dayeb, ag wan imuppa danab hamu aqappeg ii mauhkkulag dayeb, ag gemu kayak hambuppuak dim lamadna, amuppa eheɗ aotteb amu, ag kobol amu ele uuglag dayeb,

Esekiel 22:7

Jerusalem danab ah, ag oolagppan laa ag mamelkad anilkad dilagnu, “Keeke hamunab,” dootteb. Ag oolagppan laa ag wan laihnu danab eheɗ hadatteb, amu laa ag ag nid mamelkad iitta ele eheɗ hattana, ag ah qab ele eheɗ hadatteb.

Lewitikas 19:13

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!

Lewitikas 19:33

Ag wan laihnu danab nug uɗia, ag oolagppa daatte amu, ag nug aib eheɗ hedappig.

Lewitikas 19:34

Ag amu dilagnu amu, ag akka ag ahilkad menuattak ena hadattebbia, ag anamib amu dilag hattan, ag akka ahilagnu oolag mauhtte bia, ahilagnu oolag mauhkkuoitte. Aɗinu? Ag ele am haen laa, Isip wanppa, wan laihnu danab ah daappig. Da am Yawe, ahilag Kayak.

Lewitikas 25:35

Ag lailag, Israel ted laa, nug ag oolagppa dayebeb, aɗi uug beeb, daɗek ma, nug ee keeke aokkunu ib iitta daakku dayeb, nug tuɗid ag oolagppa daakkunu, ag wan laihnu danab ehanidtteb, o ag danab laa nug wan laappan uɗia, haen tutuib dayak danab ehanidtteb, amubia ag laa daɗek meum amu, nuhignu heig!

Sekaraia 7:10

Ag ah qab, nid ag mamelkad mauhppig, wan laihnu danab ah, amu daɗek danab ah ele aib eheɗ hadappig. Laa amu, ag anen anen, ag lailkad dilag guittak mattaglagnu maittak aib aoppig.” Yawe Nug anam atte.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Duteronomi 1:16

Haen amuppa da ahilag epeɗiak danab amelagppa ami. “Laa nug laa naippa yaakku dayeb, ag nai doya mala hettoɗia epeɗia elele mettak uɗat tutukkunab hekkulagoitte. Ag epeɗia hak eleleppa Israel dilagppa hekkulagoitte; ag Israel danab ah dilagppa, ag wan laihnu danab dilagppa ele anamib hekkulagoitte.

Duteronomi 10:18

Nug nai doya mala hettoɗia epeɗia elele mettak kobol dim lamittatta, nid ag mamelkad mauhppig, amu ah qab ele dilag nai epeɗiadtte. Nug wan laihnu danab ah ele, Nug amu dilagnu oo mauhak doya, ee madatta, lamen ele madatte.

Duteronomi 10:19

Ag Israel, ag anukka Isip wanppa, ag wan laihnu danab ah daadppig amunu, ag ele wan laihnu danab dilagnu oolag mauhaɗ!

Duteronomi 15:15

Am ag anukka Isip wanppa begbeg maɗi nid daaegeg, Yawe, ahilag Kayak, Nug ag ehanatta, nuhig ɠagattag okkaippa amunu qagaiettakppanu eɗua uhuqak heum amu, ag appa baula begbeg maɗi nid ii daatteb, ag amu daulagppa doaɗ! Diig amunu gemu da ag haknunab anak imu madattem.

Duteronomi 23:16

Uuppe, nug aab attennu oo hette, nug amuppa ag oolagppa daakku. Ag aib eheɗ hedappig.

Duteronomi 23:7

Ag Edom dilagnu, Isip dilagnu ele oolagppa uuaknab aib dooppig. Aɗinu? Edom ag ele amu, ag am eamag bia. Aria, Isipnu amu, ag appa wan laihnu danab ah ag oolagppa daappig.

Duteronomi 24:17

Ag wan laihnu danab ah dilagppan nai doya mala hettoɗia epeɗia elele mettak kobol dim lamidkkulagoitte. Ag nid naunau mamelkad mauhppig ele dilagppa ele anam hekkulagoitte. Ag ah qabnu lamen, keeke lonnu onig awak daakkunu ii aoglagoitte.

Duteronomi 27:19

Appeg, Lewi buɗub ag inam akkulag. “Aun laa nug nai doya mala hettoɗia epeɗia elele mettak kobol, wan laihnu danab ah, nid mamelkad mauhppig, amu ah qab dilagppa ele elele ii hette, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.