Eksodas 22:11 - Nobonob Baibel

¹¹ aria, aa oh mettid lakka gopeɗ, laa doɗ gumom ele amu, nug da, Yawe, da noolppa, ‘Da Yawe onigppa dahil nai ɠagattag qein attem. Da doɗ amu hei ii nauhom,’ akku, o iitta nug, ‘Da Yawe onigppa dahil nai ɠagattag qein attem. Da doɗ amu yab ii aomi,’ akku. Nug anam awa ab, amu doɗ amu mameg nug oo ena dayebeb, mudippan layag nug doɗ qettoɗppig amu nob aib eɗua mettom.

Eksodas 22:11 ပူးပေါင်းရင်းမြစ်များ

Eksodas 22:10

Aria, danab laa nug donki, o makau okkai ebehi ele, o sipsip, o doɗ laa, doɗ amu nug ii qettoɗmananu mudippan layag metteb gumebeb, danab laa dayaya ii anttebeb, doɗ amu nug mauhkku dayeb, o nug guittak aokku dayeb, o laa nug yab aokku dayeb amu,

Eksodas 22:12

Amge danab amu nug mudippan layagnu doɗ gumaama, ⌊pehettak ii hekku dayeb,⌋ laa yab aokku dayeb amu, aria nug keeke amu nob tutukku doɗ mameg mettaɗ!

Eksodas 22:8

Amge ag yab danab amu mattin ii anidna amu, ag danab keeke gumom ele, nug keeke amu yab awomte, o iittate, ag amu dooglagnu, ag nug aon, mettid lakka da noolppa goppeg, da nuhignu ippunadppi dooglag.

Eksodas 23:1

Aria, laa amu, laa ag hambuppuak nai laa mattiglag dayeb, ag nai genab iitta amu aib tuɗidppeg okkai meum! Amu danab nug nau heeb, laa ag nug hettoɗiakppa meppeg dayebeb amu, aria ag nug ehanidna, nai hambuppuak, ‘Nug eheɗ laa ii heum,’ aib appig!

Prowerb 30:9

Da enub, o daɗek danab dayak uuttemnu diig am, da enub danab daakkul dayeb, da na dimetten, ‘Yawe am aun?’ akkultai. O iitta, da daɗek danab daakkul dayeb, da keeke yab awen, amuppa da na, dahil Kayak, da na onin heppi, laa dilag neekkakppa ena iitta daakkutai.

Eklisiastis 8:2

Na king oɗe dim lamidkkutnu Kayak noobppa daanna, na nahip nai ɠagattag qettan mattime amunu, na kingnu haknunab anak dim lamitte!

Lewitikas 5:1

Aun nug laa kobol he antta doyom, diig amunu ⌊epeɗiak danab⌋ ag nug hettoɗiakppa aɗi anttomnu madikkunu onigppa eppeg, nug madikkunu uukku dayeb, nug aakku eheɗ ha, nug amunu bu aokku.

Lewitikas 6:3

O nug laanu keeke laa qettoɗom anttowa, nug hambubukkutai, o nug gaɗappaib, keeke laanu Yawe noobppa amunu nai ɠagattag qetta akkutai, o nug hipunin laa qekkutai.

Hibru 6:16

Aria, nai ɠagattag qetta anak kobol am inam. Danab nug nai nuhig danab laa onigppa ɠagattag qedatte. Danab laa am danab nai ɠagattag qedatte ele eɗittak amunu, danab laa nai nuhig ɠagattag qedatte amu, laanu nai nuhig nai eɗidmanu, nug laa nug eɗittak onig awa, attan ma nuhig nai onig amuppa ɠagattag qedatta, laanu nai okkultte.