Eksodas 22:1 - Nobonob Baibel

¹ “Am laa amu, danab laa nug danab laanu makau okkai ebehi ele, o sipsip yab awa, qeeb mauhkku dayeb, o nug heeb, danab laa daden mekku dayeb amu, aria ag heppeg, nug doɗ amu mameg nug makau okkai ebehi ele yab awomnu nob am makau tanig ele metta, o nug sipsip yab awomnu nob amu, nug sipsip waɗele doɗ mameg mettaɗ!

Eksodas 22:1 ပူးပေါင်းရင်းမြစ်များ

2 Samuel 12:6

Nug eheɗ nau heum, nug oo doyak nakok laa ii doyaya heum. Nug sipsip balat laippu qeum amunu, nug sipsip balat waɗele daɗek danab amu eɗua medakkuoitte. Nug amu hekkunu iinab uuma,” awa aum.

Eksodas 21:36

Amge makau dawai amu nug hanhan ban haaha, doɗ laala yaalattom dayeb, nug mameg ele aɗ pehetta ha, aɗppa ii inom dayeb, makau dawai amu nug aha, makau dawai laa yeeb mauhkku dayeb amu, aria makau mameg nug makau mauhom mameg men doɗo makau amunu elele metta, aria makau mauhom amu, nug awaɗ!”

Prowerb 14:4

Danab nug makau okkai ebehi ele laa iitta amu, nug ee aeg huana eppeb beeb, meu aokkunu elele iitta; amge laa makau okkai ebehi ele, nug makau amunu ɠagattagppa ee huana eppeb beeb, meu aokkunu elele.

Prowerb 6:31

Ag nuhignu anam ii doomna, amge ag nug anam heebeb anidkkulag dayeb amu, epeɗiak danab ag heppeg, yab danab nug aɗi keeke awom amu, nug keeke amunu daden maknu nob, aria nob amubianab eblaih laippu ele laa ele eɗua, keeke mameg medakkunu akkulag. Yab danab nug nob amu mekkunu nug keeke nuhig oh meeb, laa daden metteb, keeke mameg medakku dayeb amu, anamib hekku. Nug iinab tippalma.

Jeremaia 2:34

Laa amu, ag Israel ag danab ahilag keeke ii aoppig, ag eheɗ laa ii heppig ele, ag amu aqaeg mauhppig. Ag amu heppig, amge ag, ‘Ig hipunin hemut,’ ii appig. Iitta. Ag, ‘Ig beɗunigppa aab iitta. Yawe Nug ihinignu oo nauhak laa ii dootte,’ atteb. Ag anam atteb, amge iitta! Ag hipunin henana daanna, ‘Ig hipunin ii hemut,’ atteb amunu, da naippa yaalatten, bu madakkul.

Esekiel 33:15

nug ii mauhma. Iitta. Nug bau daakku. Nai doya mala hettoɗia epeɗia elele mettak kobol, genab tutukku hak kobol ele nug digma hekku am inam bia. Nug keeke lonnu onig awak daatte, nug keeke amu laa nug mettom amu, nug eppegppa eɗua mekku. Nug aɗi keeke yab awom amu, nug keeke amu awa, mameg eɗua medakku. Nug dahil ɗo, danab amu dim lamittatta bau daakku amu, nug ɗo amu dim lamidkku. Nug eheɗ hak kobol digdig ii hema. Kobol nug hekku am anam. Nug anam hekku dayeb amu, nug ii mauhma. Nug bau daakku.

Namba 5:7

Nug beɗuppa aab ele amunu, nug hipunin amu miagib madikkuoitte. Laa hipunin heum ele amu, nug kobol amu bappaidkkunu, nug nob oh tutukku, laa nuhigppa hipunin amu heum, nug nob amu nug medakkuoitte. Nug medakkun haaha, nug nob amu awa, laih 20 pesent laa ele awa, keeke amu oh danab nug nuhigppa heum ele amu medakku.

Luk 19:8

Aria Sakius aha hibaitta, Jesus amegppa aum. “Naɗi, gemu da dahil keeke oh gamagppanab oppaten, laih awe, daɗek danab madakkul. Amu da danab laa hambuppuitten, nuhig keeke yab aomi dayeb amu, da yab awak amu qaɗeppa ewam amubia laa ele nug medakkul,” awa aum.