Eksodas 21:8 - Nobonob Baibel

⁸ Danab nug ah amuam nug wau amge waunab iitta ele daakkunu daden ma, dimppa nug ah amunu dabmak eɗueb, nuhignu ena iitta dookku dayeb amu, nug ab, ah mameg, o Israel oolagppa auntai laa nug ah amu nug begbeg maɗi ahnu qagaiettakppanu eɗua uhuqak mettaɗ! Danab tatam daden meum ele amu, nug heum am kobol tutukku ii dim lamitta hette amunu, nug heeb, wan laihnu danab, ag ah amu iinab daden memana.

Eksodas 21:8 ပူးပေါင်းရင်းမြစ်များ

Genesis 28:8

Esau nug keeke amu doya, nug mameg Aisak nug Kanan ahnu oo gamag ii ahom doyom

Job 6:15

Da lailad ag da ehaniɗlob, amge iitta. Ag am le nag laa, deɗ laala le amuppa dayaya, danab ah ehanadtte, deɗ laala le appa ii daya, danab ah ii ehanadtte, ag amubia daan hetteb. Ag am le laa, deɗ laala ui otte, deɗ laa ui ii otte, amubia ag pehettak hanhan ii ehaniɗtteb.

Eksodas 21:7

Am danab laa nug aɗeg nug danab laan wau amge waunab iitta daakkunu meeb, laa daden meeb, nug anam dayebeb, maɗ eblaih aɗit uueb amu, nuhig okkai nug nid danab maɗi nid daatteb bia uhuqak ii mettama.

Eksodas 21:9

Am danab nug ah amu nug bekkanu ah daakkunu dabmak awa aotte dayeb amu, aria nug ah amunu nug aɗeg atognotte, amubia nuhigppa hekku.

Eksodas 8:29

Aria, Moses nug eɗua inam aum. “Haen da na uuitten gokkul, haen amuppa da Yawe unuqidppi, butti Nug qid na lautppanu, am nahipad ehanittak anuqak danab laulkadppanu, am nahipad danab ah laulkadppanu ele lamadkku. Nug lamadkku, amge na eɗun, ig baula aib hambuppuigme. Na eɗun, Israel danab ah gona, doɗ main Yawe mettaglagnu ib baula aib oo neme,” awa aum.

Esekiel 15:8

Israel danab ah ag da ippunadminu oo metta ii uuak kobol ii dim lamiɗtteb amunu, da heppi, Juda wan am hele-ettak daakku.” Naɗi Yawe Nug anam atte.

Duteronomi 20:7

Aun laa na ah aokkutnu daattem, amge na ii aome? Na ii aome dayeb, na banppa mauhppe, laa nahip ah aomanu, na gona ah aokkut!” aon akkulag.

Ikki Danab 14:3

Nug anam a amu, nug anig mameg ele aa oɗeppa aoya apiɗ. “Na Israel dilag huu okkai nahip-ppan ah laa, o Israel laala oolagppan ah laa aokkutnu elele iite daatte amunu, na gona, Pilistia danab, ag Yawe ii dootteb, ii dim lamidtteb ele, ag oolagppanu ah aokkutnu hettem?” aoya apiɗ. Aa anam apiɗ amge Samson nug mameg amegppa aum. “Da nuhignu oolppa enanagnab doottem amunu, na dahilnu awe!” awa aum.

1 Samuel 18:8

Saul nug ahi anam ettaeg doya, nug amu uua auta awom. Nug ag Dawitnu ena doon, anam ahi edattebnu oo aegnab be, nug aum. “Ah ag Dawit nug danab 10,000 haen kuɗum aqe mauhtteb atteb, amge ag dahilnu amu, ag da haen kuɗum danab 1,000ib aqattem atteb. Ag anam anana, ag heppeg, Dawit king bekkunu hettebtai?” Saul nug anam aum.

1 Samuel 8:6

Ag anam appig, amge haen Samuel nug ahilag nai, “Na king laa ig gumigkkunu mekke!” nug nai amu doya, nug oo ena iitta daye, nug Yawe amegppa amunu unuqittom.