Eksodas 21:30 - Nobonob Baibel

³⁰ Ɗo anam daatte, amge mauhom laikkud ag, ‘Yo,’ appeg, makau mameg nug nukka, nug ii mauhmanu, nug laa mauhom ele laikkud ag men doɗo gane mekkunu appeg, nug mauhaknu qagaiettakppanu eɗua uhuqak aokkunu men doɗo amu ag matteb, ag aib qeppeg mauhom.

Eksodas 21:30 ပူးပေါင်းရင်းမြစ်များ

Eksodas 21:22

Am danab laala ag nug qenana, danab laa nug ah oo ele laa makkuɗeb, am menuak haen iitta, me nug makkuɗkku, diig amunu nid amu dokku dayeb, amge nid, anig ele aa oh ena daaglah dayeb, aria danab ah makkuɗkku ele, nug nuhig eheɗ hak bappaidkkunu, nug nob men doɗo ah gamu amegppa ab, medakku. Amge tatam hettoɗiak danab ag men doɗo ebqak gane amunu doon, ‘Ena, elele,’ appeg, aria dimppa ah gamu nug men doɗo amu aokku.

Eksodas 21:29

Amge makau dawai amu nug danab ah hanhan yaaladkkunu haaha dayom ele amu, danab ag makau mameg amegppa amunu appig, amge nug aɗ ita, makau aɗppa ii meum dayeb, makau nug danab o ah laa qeqeɗippa yeeb mauhkku dayeb amu, ag makau amu menppa qeppeg mauheb, mameg ele qeppeg mauhaɗ!

Eksodas 21:31

Amu makau dawai nug danab laa bekka, o danab laa aɗeg yeeb mauhkku dayeb amu, ag ɗo laippu anamib dim lamidna heig!

Eksodas 30:12

“Na Israel danab onilag aon, uɗugppa yaabppe, danab laib laib oh ag mauhmananu, ag qagaiettak amuppa daamnanu uhuqak aoglagnu, ag men doɗo laa, da meɗaglag amunu, haen ag anam heppeg amu, geha oɗe nau danab kuɗum aqe mauhtteb ele beeb, ag padal ii memana.

Prowerb 13:8

Danab nau ag enub danab aɗan heppeg, nug qagaiettakppa daamanu nuhig en ag madakkunu akkutai. Nug anam heeb amu, en nuhig ehanadkkutai; amge danab nau amu, ag daɗek danab amu hekkulagnu ii aɗamna amunu, daɗek danab nug uug amunu ii anidtte.